ខេត្តព្រះសីហនុៈកំលាំងនគរបាលជំនាញអធិការដ្ឋានស្រុកព្រៃនប់ សហការជាមួយកំលាំងជំនាញនៃស្នងការដ្ឋាននគរបាលប្រឆាំងបទល្មើសគ្រឿងញៀនខេត្តព្រះសីហនុ ធ្វើការឃាត់ខ្លួនមនុស្ស ចំនួន០២នាក់ កាលពីវេលាម៉ោង១ និង១០នាទី ថ្ងៃទី០៥ ខែតុលា ឆ្នាំ២០១៤ នៅភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ សង្សយ័ករណីប្រើប្រាស់ និងជួញដូរគ្រឿងញៀន ។
លោកវរះសេនីយ៌ត្រី តាក សារិទ្ធ នាយការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តព្រះសីហនុបានឲ្យដឹងថា ក្នុងប្រតិបត្តិការបង្គ្រាបមុខសញ្ញាប្រើប្រាស់ ជួញដូរគ្រឿងញៀន កម្លាំងជំនាញបានធ្វើការឃាត់ខ្លួនជនសង្ស័យចំនួន០២នាក់ និងវត្ថុតាងមួយចំនួន ។
លោកវរះសេនីយ៌ត្រី តាក សារិទ្ធ ឪ្យដឹងបន្តថា ជនសង្សយ័ប្រើប្រាស់ ជួញដូរគ្រឿងញៀនទាំងពីរនាក់ ទី១ មានឈ្មោះ កែវ សុខ ភេទប្រុស អាយុ ៣៤ឆ្នាំ ជនជាតិខ្មែរ មានស្រុកកំណើត ភូមិចំណោតរាម ឃុំបិទត្រាំង ស្រុកព្រៃនប់ មុខរបរមិនពិតប្រាកដ ទី២ ឈ្មោះ ឈាង ដារ៉ា ភេទប្រុស អាយុ ២៧ឆ្នាំ ស្រុកកំណើត ភូមិព្រែកសង្កែ ឃុំទឹកថ្លា ស្រុកព្រៃនប់ ខេត្តព្រះសីហនុ មុខរបកម្មកររោងចក្រ ។
វត្ថុតាងដែលដកហូតបានរួមមាន ថ្នាំញៀនប្រភេទមេតំហ្វេតាមីន (iceទឹកកក)ចំនួន ០២កញ្ចប់តូច ស្មើរនឹង ០.៥ក្រាម ទូរសព្ទ័ដៃចំនួន០២គ្រឿង ម៉ូតូម៉ាកហុងដា ០១គ្រឿង លុយខ្មែរចំនួន ១១.៦០០រៀល លុយដុល្លាចំនួន ១១ដុល្លា និងកាបូបដៃចំនួន ០២ ។
លោកវរះសេនីយ៌ត្រី តាក សារិទ្ធ បានឲ្យដឹងថា ករណីខាងលើកម្លាំងជំនាញធ្វើការសាកសួរកសាងសំណុំរឿង ដើម្បីបញ្ជូនជនសង្សយ័ និងវត្ថុតាងទៅកាន់សាលាដំបូងខេត្តព្រះសីហនុ ៕ ដោយលោក ស៊ុយ ចាន់ធា
