កំពង់ឆ្នាំង៖បុរស២នាក់ជាអ្នកបើកបរនិងព្រូរថយន្តបានរងរបួសធ្ងន់និងស្រាល ដោយសាររថយន្តយីឌុបរបស់គេបានក្រឡាប់ធ្លាក់ប្រឡាយទាំងព្រឹក ខណះដែលអ្នកបើកបរជាន់ហ្វ្រាំងបង្ខំព្រោះតែខ្លាចបុករថយន្ត១ផ្សេងទៀត ហើយរអិលទឹកភ្លៀងតាមថ្នល់ក៏រេចង្កូតធ្លាក់ចូលប្រឡាយក្រឡាប់បះជើងឡើងលើ ធ្លាក់ធុងដាក់ត្រីរាយប៉ាយពេញផ្លូវ។ហេតុការណ៏នេះបានកើតឡើងនៅវេលាម៉ោង០៧និង១៥នាទីព្រឹកថ្ងៃទី០៤ ខែតុលា ឆ្នាំ២០១៤ នៅតាមបណ្តោយផ្លូវជាតិលេខ៥ ស្ថិតក្នុងភូមិថ្មកែវ ឃុំស្វាយជ្រុំ ស្រុករលារប្អៀរ ។
សមត្ថកិច្ចនៅពិនិត្យកន្លែងកើតហេតុបានអោយដឹងថា៖នៅមុនពេលកើតហេតុរថយន្តយីឌុបនេះបានធ្វើដំណើរពីខេត្តពោធិសាត់ឆ្ពោះទៅក្រុងភ្នំពេញដោយមានដឹកធុងដាក់ត្រីដឹកយកទៅលក់ លុះពេលមកដល់ចំណុចកើតហេតុខាងលើ បានវ៉ាក់អើជាមួយនិងរថយន្ត១គ្រឿងផ្សេងទៀតក៏បានជាន់ហ្វ្រាំងទាំងបង្ខំដោយសារតែខ្លាចបុកគេ និងដោយស្ថានភាពផ្លូវរអិលផងនោះ ក៏បណ្តាលអោយរថយន្តគេធ្លាក់ចូលប្រឡាយក្បែរផ្លូវក្រឡាប់បះជើងឡើងលើតែម្តង។
ក្នុងហេតុការណ៏នេះបានធ្វើអោយអ្នកបើកបររថយន្តនិងព្រូរងរបួសធ្ងន់ធ្ងន់និងស្រាលទាំង២នាក់ ដោយសារមុតនិងកញ្ចក់រថយន្តដែលបែក ចំណែករថយន្តបានខូចខាត ផ្នែកខាងមុខយ៉ាងធ្ងន់ធ្ងរ។
ក្រោយពេលកើតហេតុ អ្នករបួសធ្ងន់ត្រូវបានគេដឹកបញ្ជូនទៅកាន់មន្ទីរពេទ្យខេត្ត ចំ ណែកម្ចាស់រថយន្តបានជួលរថយន្តស្ទូចមកស្ទូចយក និងសណ្តោងអូសយកទៅជួសជុលធ្វើការប្រើប្រាស់ជាបន្តទៀត៕
