កំពង់ឆ្នាំង៖ មនុស្ស៥នាក់បានរងរបួសធ្ងន់ស្រាល និងលោកយាយម្នាក់បានស្លាប់កៀបជាប់នៅក្នុងរថយន្ត បង្កឡើងដោយរថយន្តមីសុយប៊ីស៊ីបុកចំចំហៀងរថយន្តទួរីសពេញទំ ហឹងពេលភ្លៀងកំពុងធ្លាក់ខ្លាំង នៅចំណុចផ្លូវបត់កោង។ហេតុការណ៍គ្រោះថ្នាក់នោះវេលាម៉ោង៧និង៣០នាទីថ្ងៃទី០៥ ខែតុលា ឆ្នាំ២០១៤ នៅចំណុចផ្លូវបត់កោងចន្លោះគីឡូម៉ែត្រ១០៥និង១០៦ ស្ថិតក្នុងភូមិថ្មកែវ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។
មន្ត្រីនគរបាលប៉ុស្តិ៍មូលដ្ឋានបានអោយដឹងថា៖ក្នុងពេលកើតហេតុមានភ្លៀងធ្លាក់មានភ្លៀងធ្លាក់យ៉ាងខ្លាំង មានរថយន្តម៉ាកមីសុយប៊ីស៊ីមួយគ្រឿង ពណ៌ស ពាក់ស្លាកលេខ ភ្នំពេញ3C-5325បើកយ៉ាងលឿនពីជើងត្បូង លុះមកដល់ចំណុចកើតហេតុជាចំណុចផ្លូវបត់ កោង ក៍បានជ្រុលចង្កូតទៅបុកនឹងចំហៀងរថយន្តទួរីស ពណ៌លឿង ពាក់ស្លាកលេខ ភ្នំ ពេញ2AA-1812 ដែលកំពុងបើកបរច្រាសទិសគ្នាពេញទំហឹង បណ្តាលអោយរថយន្ត ទួរីសវិលបោកផ្ទប់នឹងដើមអាកាស្យាធ្លាក់ចុះពីលើផ្លូវជាតិ។
ក្នុងករណីគ្រោះថ្នាក់ចរាចរណ៍នេះបានបង្កអោយលោកយាយ សេង អ៊ីម អាយុ៦៤ឆ្នាំ បានស្លាប់នៅក្នុងរថយន្ត ដោយឡែកចៅស្រីរបស់គាត់ឈ្មោះ តឿន ចាន់តី អាយុ១២ឆ្នាំរងរបួសស្រាល,ឈ្មោះ ហួ ហាន ភេទប្រុស អាយុ៣៥ឆ្នាំជាអ្នកបើកបររថយន្តទួរីស រងរបួសធ្ងន់បាក់ដៃឆ្វេង,ឈ្មោះ ស៊ីម បាន ភេទប្រុស អាយុ២០ឆ្នាំរងរបួសធ្ងន់បែកថ្ងាស ពួកគេទាំង៤នាក់រស់នៅក្នុងភូមិឈើទាល ឃុំព្រៃទឹក ស្រុកស៊ីធរកណ្តាល ខេត្តព្រៃវែង។ រីឯអ្នករងរបួសធ្ងន់បែកគ្រាប់ភ្នែកខាងឆ្វេងម្នាក់ទៀតឈ្មោះ មួន ចំណាន ភេទប្រុស អាយុ ២៥ឆ្នាំ រស់នៅខេត្តបាត់ដំបង។
ក្រោយពេលកើតហេតុអ្នកបើករថយន្តបង្កបានរត់គេចខ្លួនបាត់ទាំងមានរបួសផងដែរ ដែលគេមិនដឹងអត្តសញ្ញាណរបស់គរោឡើយ ដោយឡែកជនរងគ្រោះទាំងអស់ត្រូវបាន រថយន្តសង្គ្រោះដឹកមកកាន់មន្ទីរពេទ្យខេត្តកំពង់ឆ្នាំង ដើម្បីធ្វើការសង្គ្រោះបន្ទាន់។សព លោកយាយរងគ្រោះដល់ស្លាប់ សមត្ថកិច្ចនគរបាលចរាចរណ៍ស្រុករលាប្អៀរបានគាស់ យកចេញតំកល់ទុកកន្លែងកើតហេតុរង់ចាំសាច់ញាតិមកទទួលយក។
រថយន្តដែលមានគ្រោះថ្នាក់ទាំង២ ត្រូវបានសមត្ថកិច្ចនគរបាលចរាចរណ៍វាស់វែង
ប្លង់គ្រោះថ្នាក់កសាងសំណុំរឿងតាមនីតិវិធីនិងបានស្ទូចយកមករក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលខេត្ត ដើម្បីដោះស្រាយតាមផ្លូវច្បាប់។ ករ
ណីគ្រោះថ្នាក់ខាងលើនេះត្រូវបានសមត្ថកិច្ចសន្និដ្ឋានថា មកពីរថយន្តបង្កបើកលឿនពេក
នៅផ្លូវបត់កោងដែលមានភ្លៀងកំពុងតែធ្លាក់ខ្លាំងយកចង្កូតមិនទាន់ ក៏បុករថយន្តទូរីស បើកមកក្នុងទិសច្រាស់តែម្តង៕
