សារព័ត៌មាន Courier Mail របស់ អូស្ដ្រាលី កាលពីថ្ងៃទី៦ ខែតុលា បាន ផ្សព្វផ្សាយថា កាលពីយប់ថ្ងៃទី៤ ខែតុលា អ្នកភូមិផងរបងជាមួយរបស់ជនល្មើស ឈ្មោះ Volke ដែលរស់នៅក្នុងខុនដូ ប្រណីតមួយឈ្មោះ Doubleone ស្ថិត នៅតំបន់ Teneriffe ទីក្រុង Brisbane បានទូរស័ព្ទប្រាប់ប៉ូលិស នៅពេលដែល មានក្លិនស្អុយជះចេញពីបន្ទប់ស្នាក់នៅ របស់ Volke ។
ពេលប៉ូលិសមកដល់កន្លែងកើត ហេតុ ក៏បានរកឃើញក្លិនស្អុយចេញពី បន្ទប់រស់នៅរបស់ Volke ជាមួយនឹង មិត្ដស្រីជនជាតិឥណ្ឌូនេស៊ីដែលទើប ស្នាក់នៅបានប៉ុន្មានថ្ងៃប៉ុណ្ណោះ ។ នៅ ពេលដែលប៉ូលិសគោះទ្វារហៅVolke ក៏លោតតាមបង្អួចរត់ចេញទៅក្រៅ ដោយមានឈាមប្រឡាក់អាវផងដែរ។ នៅពេលដែលជនល្មើសរត់ដល់ផ្លូវទ័ល មួយ ក៏បានចូលពួននៅក្នុងធុងសំរាមធំ ប៉ូលិសក៏បានឡោមព័ទ្ធទីនោះ រួចឆែក ឆេរក៏ឃើញជនល្មើសអាកសម្លាប់ខ្លួន នៅក្នុងធុងសំរាមនោះតែម្ដង ។ ប៉ូលិស ក៏បានបិទធុងសំរាមនោះជិតដឹកទៅ កន្លែងធ្វើកោលស្យវិច័យ ។
ទិដ្ឋភាពនៅក្នុងផ្ទះរបស់Volke កាន់ តែរន្ធត់ថែមទៀត នៅពេលដែលគេរក ឃើញសាកសពមិត្ដស្រីជនជាតិឥណ្ឌូ នេស៊ីត្រូវបានជនល្មើសកាប់យកធ្វើម្ហូប។ ពេលបើកឆ្នាំងនៅលើចង្ក្រានក៏ឃើញ សាច់ស្ដ្រីរងគ្រោះ ។ ផ្នែកផ្សេងៗនៃសិរី រាងកាយរាយប៉ាយពេញផ្ទះតែម្ដង ។
ម្ដាយរបស់ Volke នៅរដ្ឋវិចធឺរៀ បានរៀបរាប់ឱ្យដឹងថា កាលពីថ្ងៃទី៥ ខែ តុលា គាត់បានទូរស័ព្ទជជែកលេងជា មួយVolke ដោយឃើញថា Volke មានអារម្មណ៍សប្បាយយ៉ាងខ្លាំង ។ ម្ដាយ របស់ Volke បន្ដឱ្យដឹងថា Volke ទើប តែមកកាន់អូស្ដ្រាលីវិញ ក្រោយពេល ធ្វើជាចុងភៅនៅលើនាវាបរទេសរយៈ ពេល១ឆ្នាំកន្លះ ចំណែកមិត្ដស្រីរបស់ Volke ក៏ជាចុងភៅធ្វើការនៅនាវា ទេសចរណ៍អន្ដរជាតិដូចគ្នានោះដែរ 9
