កំពង់ឆ្នាំង៖ ផ្លូវលំក្រាលគ្រោះក្រហមមួយខ្សែប្រវែង៧៧០០ម៉ែត្រស្ថិតក្នុងភូមិព្រែករាំង និងភូមិព្រែកសាលា ក្នុងឃុំទឹកហូតស្រុករលាប្អៀរ រងការខូចខាតខ្លាំងធ្វើអោយបងប្អូនប្រជាពលរដ្ឋពិបាកការធ្វើដំណើរទៅមកយ៉ាងខ្លាំង នៅពេលដែលភ្លៀងកំពង់ធ្លាក់និង ទឹកទន្លេកំពុងស្រកទៅវិញ។ប្រជាពលរដ្ឋដែលរស់នៅក្នុងភូមិទាំង២ខាងលើនៅព្រឹកថ្ងៃទី០៥ ខែតុលាឆ្នាំ២០ ១៤ បានសំណូមពរអោយអ្នកយកព័ត៌មានយើង ជួយធ្វើការផ្សាយដើម្បីសុំអោយក្រួងសាធារណៈការ និងប្រមុខរាជរដ្ឋាភិបាលជួយជុលផ្លូវនេះជូនពួកគាត់ផង។
លោក ទុន អ៊ីម មេឃុំទឹកហូតបានអោយនិយាយដឹងតាមរយះទូរសព្ទ័ថា៖ផ្លូវលំមួយខ្សែនេះបានសាងសង់នៅក្នុងឆ្នាំ២០០៥ដោយកងវិស្វកម្មអគ្គបញ្ជាការមានប្រវែង៧៧០០ម៉ែត្រ មានស្ពានបេតុង២កន្លែង និងលូភ្លោះ២កន្លែង គឺជាអំណោយដថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន បានតភ្ជាប់ភូមិព្រែករាំងរហូតដល់ភូមិព្រែកសាលា ទើបតែមកដល់សមយ័នេះបានកើតជាផ្លូវលំក្រាលគ្រោះក្រហ
មដែលបានធ្វើអោយបងប្អូនប្រជាពលរដ្ឋងាយស្រួលក្នុងការធ្វើដំណើរទៅមក។ប៉ុន្តែមកដល់ពេលនេះបានរងការខូចខាតជាច្រើនកន្លែង ខ្លះសឹងទៅជាថ្លុកត្រពាំងទៅហើយ ព្រោះផ្លូវនេះលិចទឹក៦ខែនិងគោក៦ខែ។កន្លងមកកន្លែងខ្លះដែលមានជង្ហុកខ្លាំងត្រូវបានព្រះសង្ឃនិងបងប្អូនប្រពលរដ្ឋនាំគ្នាដឹកថ្មតាមទូកពីភ្នំព្រៃគ្រីយកមកចាក់ ដើម្បីសម្រួលក្នុងការធ្វើដំណើរទៅមកតែធ្វើបានតិចតួចតែប៉ុណ្ណោះ បើទុកយូរផ្លូវនេះពិតជាមានការចូចខាតកាន់តែខ្លាំងឡើងៗមិនខានឡើយ ហើយការចំណាយជួលជុលក៏អស់ថវិកាថ្រើនដែរ។
លោកមេឃុំបានបញ្ជាក់អោយដឹងទៀតថា៖ ផ្លូវលំមួយខ្សែរនេះគឺជាសសៃឈាមសេដ្ឋកិច្ចយ៉ាងសំខាន់របស់ប្រជាពលរដ្ឋនៅតំបន់នេះ សម្រាប់ដឹកកសិផលពីទីជនបទទៅកាន់ទីផ្សារ និងក៏អាចអ្នកជម្ងឺនៅក្នុងមូលដ្ឋានទៅកាន់មន្ទីពេទ្យស្រុក ឬខេត្តបានឆាប់រហ័សនិងទាន់ពេលវេលាផងដែរ។ក្រៅពីផ្លូវនេះក៏មានផ្លូវទឹកតាមដងទន្លេ អាចធ្វើដំណើរទៅកាន់ទីរួមខេត្ត ឬស្រុកក៏បានដែរ តែឆ្ងាយត្រូវធ្វើដំណើរតាមទូកឬកាណូតថ្រើនម៉ោងទើបទៅដល់ដែលត្រូវចំណាយប្រាក់ក៏ច្រើន។
លោកមេឃុំ ប្រជាពលរដ្ឋ ក៏ដូចជាព្រះសង្ឃ សំណូមពរដល់មន្ទីរសាធារណៈការខេត្ត ក៏ដូចលោកអភិបាលខេត្ត មេត្តាជួយចុះមកពិនិត្យសិក្សាមើល និងមេត្តាជួយធ្វើគំរោងស្នើសុំទៅក្រសួងសាធារណៈការ និងប្រមុខរាជរដ្ឋាភិបាល ជួយជួសជុលផ្លូវដែលរងការខូចខាតក្នុងភូមិទាំង២ខាងលើនេះ ជូនប្រជាពលរដ្ឋក្នុងឃុំទឹកហូតបានប្រើប្រាស់បានស្រួលឡើងវិញ ដោយក្តីអនុគ្រោះផងចុះ៕
