កំពង់ឆ្នាំង៖មន្ត្រីពន្ធនាគារខេត្តកំពង់ឆ្នាំងម្នាក់ត្រូវបានសមត្ថកិច្ចចាប់ខ្លួនបញ្ជូនមកសាលាដំបូងខេត្ត ដាក់ពន្ធនាគារខេត្តក្រោយសមត្ថកិច្ចការរិយាលយ័ព្រហ្មទណ្ឌកំរិតស្រាលខេត្ត រកឃើញថាមន្ត្រីពន្ធនាគារខាងលើនេះបានជាប់ពាក់ពន្ធ័ពីបទសមគំនិតផ្តល់ផ្លែរណាអារដែកអោយទណ្ឌិតម្នាក់ធ្វើសកម្មភាពអារចម្រឹងដែកបន្ទប់ឃុំឃាំងពន្ធនាគាររត់គេចខ្លួនបាត់ទាំងយប់។ករណីឃុំខ្លួនមន្ត្រីពន្ធនាគារខាងលើនេះ បានធ្វើឡើងនៅម៉ោង៤និង១២នាទីល្ងាចថ្ងៃទី៤ ខែតុលា ឆ្នាំ២០១៤។
មន្ត្រីនគរបាលនៃការិយាល័យព្រហ្មទណ្ឌ័កំរិតស្រាសខេត្តបានអោយដឹងថា៖មន្ត្រីពន្ធនាគារខេត្តជាប់ចោទរូបនោះឈ្មោះ ទេព ចន្ទ័មករា អាយុ២៩ឆ្នាំ រស់នៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង បានចូលបំរើការងារជាមន្ត្រីពន្ធនា គារខេត្តកំពង់ឆ្នាំងមានរយះពេល៥ឆ្នាំមកហើយ។ តាមចម្លើយរបស់ឈ្មោះ ទេព ចន្ត័មករា និយាយថា៖គេជាអ្នកគ្រប់គ្រងអាគារឃុំឃាំងលេខB1ដែលមានទណ្ឌិតក្នុងបន្ទប់ប្រមាណ៤០នាក់ ក្នុងនោះខ្លួនគេបានស្គាល់ទណ្ឌិតមួយចំនួន និងកន្លងមកក៍មានទណ្ឌិត០៥ទៅ០៦នាក់ធ្លាប់បានពឹងពាក់ខ្លួនគេ អោយជួយទិញទូរសព្ទ័ដៃក្នុងមួយគ្រឿងៗតម្លៃពី១០ទៅ១៥ដុល្លា ប្រសិនបើទិញបាន ប្រគល់អោយគេក្នុងពន្ធនាគារពួកគេអោយថ្លៃមួយគ្រឿងពី២០ម៉ឺនរៀលទៅ៣០ម៉ឺនរៀល តែខ្លួនគេមិនបានមិនទទួលទិញទូរសព្ទ័អោយពួកទណ្ឌិតនោះឡើយ។
សមត្ថកិច្ចអោយដឹងទៀតថា៖តាមការស៊ើបអង្កេតស្រាវជ្រាវជុំវិញករណីខាងលើនេះ គឺមានសាក្សីនិងភស្តុ័តាងបញ្ជាក់ថាឈ្មោះ អៀ តាល់ ភេទប្រុស អាយុ៣០ឆ្នាំ ជាជនល្មើស បានលួចរត់កាត់ចំរឹងដែកក្នុងបន្ទប់ឃុំឃាំងក្នុងពន្ធនាគារដោយសារឈ្មោះ ទេព ចន្ទ័មករា ជាមន្ត្រីពន្ធនាគារខេត្តកំពង់ឆ្នាំងជាសមគំនិតបានផ្តល់ផ្លែរណាអារដែកអោយ។ក្នុងនោះក៍មានទណ្ឌិត៣នាក់ផ្សេងទៀត ជាអ្នកសមគំនិតកាត់ចំរឹងដែកបំណងចង់លួចរត់គេចខ្លួនផងដែរ ដែលសមត្ថកិច្ចក៏បានហៅយកមកសួរចម្លើយទាំងអស់ ទើបដឹងនៅអំពើសមគំនិតខាងលើរបស់មន្ត្រីពន្ធនាគារជាជនជាប់ចោទ។
គួរបញ្ជាក់ថា៖នៅថ្ងៃទី៣០ ខែកញ្ញា ឆ្នាំ២០១៤ វេលាម៉ោង២និង០០នាទីយប់រំលងអាធ្រាត មានទណ្ឌិតម្នាក់ឈ្មោះអៀ តាល់ អាយុ៣០ឆ្នាំ មានទីលំនៅមុនពេលចាប់ខ្លួននៅភូមិតាកែវក្រោម ឃុំបឹងកន្ទួត ស្រុកក្រគរ ខេត្តពោធិសាត់ ត្រូវបានសមត្ថកិច្ចចាប់ខ្លួននៅថ្ងៃទី១០ ខែមិនា ឆ្នាំ២០១១ពីបទលួចមានហឹង្សារហើយត្រូវបានសាលាដំបូងខេត្តផ្តន្ទាទោសដាក់ពន្ធនាគារកំណត់៥ឆ្នាំ បានអនុវត្តន៍ទោសបាន២ឆ្នាំ៦ខែ នៅសល់២ឆ្នាំ៦ខែទៀត។ជនល្មើរូបនេះបានធ្វើសកម្មភាពអារចំរឹងដែកបន្ទប់ឃុំឃាំងB1 ចំនួន២ដើម រត់គេចខ្លួនបាត់ដោយសុវត្តិភាព។
ក្រោយពីទណ្ឌិតម្នាក់បានរត់ចេញពន្ធនាគារខេត្តកំពង់ឆ្នាំង ត្រូវបានមតិសាធារណះរិះគន់ថាអ្នកដឹកនាំមន្ទីរពន្ធនាគារខេត្ត មានភាពធូរលុងខ្លាំងណាស់ ទើបមានមន្ត្រីខិលខូចឃុបឃិតជាមួយអ្នកទោសរត់ចេញបានពីពន្ធនាគារយ៉ាងដូច្នេះ។កន្លងមកក៏សមត្ថកិច្ចបង្ក្រាបគ្រឿងញៀនក្នុងខេត្តបានអោយដឹងថា៖ក្នុងពន្ធនាគារខេត្តមានបំរើសេវាទូរសព្ទ័លួចលាក់អោយអ្នកទោស ហើយកន្លងដោយសារតែ សេវាទូរសព្ទ័នេះក៏មានអ្នកទោសមួយចំនួនទិញបានគ្រឿងញៀនយកទៅជក់ក្នុងពន្ធ នាគារខេត្តទៀតផង៕
