កំពង់ឆ្នាំង៖ បុរសជាអ្នកបើករថយន្តកាមរីហាយព្រីតម្នាក់បានរងរបួសយ៉ាងធ្ងន់ធ្ងរ បន្ទាប់ពីបើក រថយន្ត ទៅបុកនិងរ៉ឺម៉កដឹកធ្យូង ពីក្រោយក្នុងទិសដៅស្របគ្នា កាលពីវេលាម៉ោង១និង៣០នាទី រំលង អាធ្រាតុឈានចូលថ្ងៃទី ០៧ ខែតុលាឆ្នាំ២០១៤ នៅលើកំណាត់ផ្លូវជាតិលេខ៥ ត្រង់ចន្លោះគីឡូម៉ែត្រ លេខ ៨០និង៨១ ចំណុចមុខសាលាបឋមសិក្សាអណ្តូងស្នាយ ស្ថិតក្នុងភូមីព្រៃខ្មែរ ឃុំរលាប្អៀរ ស្រុក រលាប្អៀរ ខណៈដែលរ៉ឺម៉កម៉ូតគ្មានដាក់សញ្ញាចំណាំងផ្លាត ឬភ្លើងសញ្ញាពីក្រោយ ។
យោងតាមប្រភពពីមន្ត្រីនគរបាលចរាចរណ៏ស្រុករលាប្អៀរបាននិយាយថាៈ រថយន្តដែលបើក ទៅបុករ៉ឺម៉កដឹកធ្យូងពីក្រោយនោះ ម៉ាកកាមរីហាយព្រីត ពណ៏ទឹកប្រាក់ បាក់ស្លាកលេខ ភ្នំពេញ2Q. 6872 បើកបរ ដោយបុរសមិនស្គាល់ឈ្មោះ ក្នុងទិសដៅពីជើងទីត្បូង ។
ប្រភពដដែលបានបន្តថាៈ មុនពេល កើតហេតុ រថយន្តខាងលើនេះ បានបើកក្នុងល្បឿនយ៉ាងលឿន លុះពេលមកដល់ចំណុចកើតហេតុក៏ស្រាប់តែទៅបុកនឹងរថយន្តដឹកធ្យូងពីក្រោយយ៉ងពេញទំហឹង បណ្តាលអោយរថយន្តរួញមួយកណាត់ខាងមុខខ្ទេចចំណែកអ្នកបើកបររថយន្តថ្វីបើកៀបជាប់ក្នុងរថយន្តមែន តែបានពោងសុវត្ថិភាពជួយ គឺបាន រងរបួសធ្ងន់ ។ដោយឡែកអ្នកបើកបររ៉ឺម៉កដឹកធ្យូងវិញមិនដឹងថារងរបួសប៉ុណ្ណានោះទេ គឺបានរត់គេច ខ្លួនបាត់ ដោយ ទុករ៉ឺម៉កនិងធ្យូងចោលនៅកន្លែងកើតហេតុ ។
រ៉ឺម៉កដឹកធ្យូងបានបង្ករគ្រោះថ្នាក់ច្រើនណាស់ ព្រោះតែដឹកលើចំណុះហើយជារៀងរាល់ថ្ងៃ រ៉ឺម៉កដឹកធ្យូងពេលមកដល់ចំណុចកើតហេតុខាងលើ គឺបានឈប់ដើម្បីទៅរកជួលរថយន្តគេ មកជួយអូសរ៉ឺម៉កធ្យូងនោះ ឡើងភ្នំដាំផ្កា ព្រោះតែដឹកលើសចំណុះ រ៉ឺម៉កនេះមិនអាចឡើងភ្នំ រួច ឡើយ ។
រថយន្ត និងរឺម៉កដឹកធ្យូងត្រូវបានមន្ត្រីនគរបាលយកមករក្សាទុកនៅការិយាល័យចរាចរណ៏ ផ្លូវ គោករបស់ស្នងការដ្ឋាននគរបាលខេត្តដើម្បីរង់ចាំការដោះស្រាយតាមនិតិវិធី។ចំណែកជនរងគ្រោះជា
ម្ចាស់រថយន្តត្រូវបានក្រុមគ្រួសារដឹកទៅសង្គ្រោះនៅមន្ទីរពេទ្យរាជធានីភ្នំពេញ ៕
