កំពង់ឆ្នាំង៖បុរសម្នាក់ត្រូវជនដៃដល់លួចកាប់ត្រូវចំនួន៦កាំបិត ស្លាប់នៅក្នុងកន្លែងកើតហេតុ
ដោយមានគុំនុំថាជនរងគ្រោះចេះធ្វើធ្មប់នៅក្នុងភូមិ។ឃាតកម្មនេះបានកើតឡើងនៅវេលាម៉ោង៥ល្ងាចថ្ងៃទី០៦ ខែតុលា ឆ្នាំ២០១៤ នៅតៀមលក់ដូរមួយកន្លែងក្នុងភូមិត្រពាំងស្មាច់ ឃុំទួលខ្ពស់ ស្រុកទឹកផុស
មានចម្ងាយជាង១០០ម៉ែត្រពីផ្ទះជនរងគ្រោះ។
លោក ខែម វិបុល អធិការនគរបាលស្រុកទឹកផុសបាននិយាយអោយដឹងថា៖ជនរងគ្រោះ
មានឈ្មោះ សុខ សុផាត អាយុ៤៤ឆ្នាំ មុខរបរធ្វើស្រែរស់នៅក្នុងភូមិកើតហេតុខាងលើ។ចំណែ
កជនដៃដល់ឈ្មោះ អ៊ូ អែល អាយុ៤៣ឆ្នាំ មានមុខរបរធ្វើស្រែនិងឡើងត្នោត រស់នៅក្នុងភូមិឃុំ
ជាមួយគ្នា និងមានផ្ទះនៅទល់មុខគ្នា ធ្លាប់មានគំនុំពីមុនមក។
មុនពេលកើតហេតុជនរងគ្រោះបានអង្គុយផឹកនិងមើលទូរទស្សន៍មានគ្នា៣នាក់នៅក្នុងតៀមលក់ដូរមួយកន្លែងក្នុងភូមិ ដែរមានចម្ងាយជាង១០០ពីផ្ទះជនរងគ្រោះ។នៅពេលនោះដែរ
ជនដៃដល់បានមកពីឡើងត្នោត បានឃើញជនរងគ្រោះនៅផឹកក្នុងតៀម ហើយក៏បានរែកទឹក
ត្នោតទៅទុកផ្ទះ ហើយបានជិះម៉ូតូត្រឡប់មកចាក់សាំងនៅតៀមលក់ដូរនោះវិញ។ពេលនោះ
ជនរងគ្រោះបាននិយាយថា ចាក់សាំងអីមកចាក់សាំងខាងណេះមក។
ខណះនោះជនដៃដល់
ធ្លាប់មានគំនុំស្អប់ថាជនរងគ្រោះជាអ្នកចេះធ្វើធ្មប់ក្នុងភូមិឃុំផង ក៏បានជិះម៉ូតូត្រឡប់ទៅផ្ទះយកកាំបិតផ្គាក់មក ដល់តៀមវិញក៏បានទាញកាំបិតផ្គាក់កាប់ផ្ទួនៗចំ៥កាំបិតតែម្តងរហូតដល់បាក់ដងកាំបិត គឺចំក្បាល៣កាំបិត ដៃឆ្វេង២កាំបិត និងពោះ១កាំបិត បណ្តាលអោយជនរងគ្រោះរបួសធ្ងន់ធ្ងរ និងបានស្លាប់ក្រោយពេលកើតហេតុកន្លះម៉ោង។
លោកអធិការស្រុកទឹកផុសបានអោយដឹងទៀតថា៖ក្រោយពេលកើតហេតុ ជនដៃដល់
បានគេចខ្លួនបាត់ពីផ្ទះ ភ្លាមៗនោះដែលសមត្ថកិច្ចជំនាញនគរបាលស្រុក និងខេត្ត បានសហការគ្នាតាមប្រមាញ់ចាប់ខ្លួនជនដៃដល់ រហូតដល់ម៉ោង៩និង៤៥នាទីព្រឹកថ្ងៃទី០៧ ខែតុលា ឆ្នាំ២០១៤ សមត្ថកិច្ចចាប់ខ្លួនជនដៃដល់បាននៅចំណុចទឹកចែកក្នុងខ្ទមស្រែ ក្នុងភូមិកោះខ្ទម ឃុំទួលខ្ពស់ ស្រុកទឹកផុស។ នៅចំពោះសមត្ថកិច្ចជនដៃដល់បានសារភាពថា៖រូបគេពិតជាបានកាប់ជនរងគ្រោះពិតមែនដោយសារតែជនរងគ្រោះចេះធ្មប់ធ្វើអ្នកស្រុកក្នុងភូមិឈឺជាច្រើននាក់មកហើយ និងធ្លាប់បានតាមកាប់ជាច្រើនលើករួចមកហើយតែគ្មានឱកាសធ្វើបានសំរេច។
លោក ប៉ុល វទ្ធី ស្នងការរងនគរបាលខេត្ត ដែលបានដឹកនាំសមត្ថកិច្ចចុះចាប់ជនល្មើស
ដោយផ្ទាល់បាននិយាយអោយដឹងថា៖ តាមការស្រាវជ្រាវប្រជាពលរដ្ឋមួយចំនួនបានអោយលោកដឹងថា ជនរងគ្រោះ គាត់មិនចេះធ្មប់អាបអីនោះទេ នេះគឺជាការចោទប្រកាន់និងមានគំនុំផ្ទាល់ខ្លួនតែប៉ុណ្ណោះ៕
