កំពង់ធំ=ឪពុកស្រែកឃ្លានតណ្ហា ចាប់រំលោភកូនស្រីចុងរបស់ខ្លួនបានសំរេចចំនួន៣ដង ទើបបែកការណ៍ ជនល្មើសរូបនេះ រស់នៅ ក្រុងស្ទឹងសែន ខេត្តកំពង់ធំ ត្រូវបានកំលាំងនគរបាល ឃាតខ្លួនបាននៅថ្ងៃទី០៧ខែតុលា ឆ្នាំ២០១៤ វេលាម៉ោង១០ ,៣០នាទី បន្ទាប់ពីរបានទទួលពាក្យបណ្ដឹងពីម្ដាយជនរងគ្រោះ អ្នកទាំង៣នាក់រស់នៅក្នុងតំបូលផ្ទះតែមួយ។
ជនល្មើសរូបនេះមានឈ្មោះ ផាត ថា អាយុ២៤ឆ្នាំ ត្រូវជាឪពុកចុង ត្រូវបានជាប់ចោតពីរបទ រំលោភសេពសន្ដវះ ទៅលើ អនីតិជន ឈ្មោះ ខ.ស.ល ភេទស្រី អាយុ០៨ឆ្នាំ បានសំរេចរហូតដល់៣ដង។
ប្រជាពលរដ្ឋ ដែលបានឃើញហេតុការណ៍ បានលាន់មាត់គ្រប់គ្នា ព្រមទាំងជេរស្តីឲ្យជនសង្ស័យ ដែលមានចរិកយក្យ និងមិនមែនជាមនុស្ស ដែលមានប្រព្រឹត្តនូវទង្វើមិនគាប់បី ទៅលើកុមារ ដែលជាត្រូវជាកូនស្រីចិញ្ចឹម និងសំណូមពរឲ្យ សមត្ថកិច្ចដាក់ទោសឲ្យធ្ងន់ កុំឲ្យមានការលើកលែង ដើម្បីកុំឲ្យមានអ្នកយកតំម្រាប់តាម និងជាសង្គមដែលមានច្បាប់ មានទំលាប់ មិនឲ្យជនអគិតទាំងនេះប្រព្រឹត្តទង្វើលាមកបែបនេះតទៅទៀត។
ក្រោយមកជនល្មើសរូបនេះត្រូវបានបញ្ចូនមកស្នងការនគរបាលខេត្តកំពង់ធំដើម្បីឃុំខ្លួនបណ្ដោះអាសន្ន រួចបញ្ចូនទៅសាលាដំបូងខេត្ត ដើម្បីចាត់វិធានការតាមច្បាប់។ប៊ុនរិទ្ធី
