នាយករដ្ឋមន្ត្រីថៃ លោក ប្រាយុទ្ធ ចាន់អូចា បានអះអាងថា គ្មានការលុបចោល ច្បាប់អាជ្ញាសឹក នៅក្នុងប្រទេសនោះទេ តែអំពាវនាវឲ្យប្រជាជន លើកទឹកចិត្ត ដល់រដ្ឋាភិបាល ក្នុងការបំពេញកាតព្វកិច្ច រក្សាសន្តិសុខជាតិ
យោងតាមគេហទំព័រ The News របស់ថៃនៅថ្ងៃ ពុធ ទី ៨ ខែ តុលា ឆ្នាំ ២០១៤ នេះបានចុះផ្សាយ ឲ្យដឹងថា លោក ប្រាយុទ្ធ ចាន់អូចា នាយករដ្ឋមន្ត្រី បានថ្លែងថា បញ្ហាសន្តិសុខជាតិ
ខណៈនេះ គឺមិនអាចធ្វើការផ្សព្វផ្សាយបានទេបាន ជុំវិញសកម្មភាពរបស់ ក្រុមងងឹត បាននឹងកំពុង ព្យាយាម ធ្វើសកម្មភាពបង្កអសន្តិសុខនៅក្នុងប្រទេស ដូច្នេះ ហើយយោធា មិនអាចលុបច្បាប់អាជ្ញាសឹក បាននោះទេ ប៉ុន្តែប្រជាជន គួរតែលើកចិត្តដល់រដ្ឋាភិបាល ក៏ដូចជា កងកម្លាំងយោធា ក្នុងការបំពេញ ភារកិច្ចរក្សាសន្តិសុខជាតិ។
លោក ប្រាយុទ្ធ បានបន្តថា មានតែប្រជាជននោះទេ ជាអ្នកផ្តល់ពិន្ទុយ៉ាងសុក្រិត សម្រាប់ការបំពេញ ការរបស់រដ្ឋាភិបាល ហើយប្រជាជនទាំងអស់ក៏ត្រូវយល់ផងដែរ ពីការដោះស្រាយបញ្ហា ប្រទេសជាតិ របស់រដ្ឋាភិបាលអាណត្តិថ្មី ព្រោះបញ្ហាបច្ចុប្បន្ន កើតឡើង សន្សំមកជាយូរអង្វែងមកហើយ ជាហេតុបង្កឲ្យមានភាពលំបាកក្នុងការស្វែងរកដោះស្រាយ ដូច្នេះគឺ
ត្រូវបានប្រើរយៈពេលសមរម្យមួយ។លើសពីនេះ លោក ប្រាយុទ្ធ បានអំពាវនាវកាន់ស្ថាប័នសារព័ត៌មាន ទាំងអស់ ជៀសវាងការផ្សព្វផ្សាយព័ត៌មាន ប្រភេទ ញុះញុង ឬ បង្កឲ្យមានភាព បែកបាក់សាមគ្គីជាតិ ៕
