គណៈកម្មាធិការផ្នែកថវិកានៃអង្គការសហប្រជាជាតិ (UN) បានប្រកាសនៅថ្ងៃ អង្គារទី ៧ ខែតុលា ឆ្នាំ២០១៤នេះថា គណៈកម្មាធិការ បានអនុម័តលើថវិកាសង្គ្រោះប្រមាណ ៤៩,៩លាន ដុល្លារសហរដ្ឋអាម៉េរិក ដើម្បីប្រើប្រាស់ក្នុងការទប់ស្កាត់ជំងឺ Ebola។ ដោយថវិកានេះនឹង ត្រូវយកទៅប្រើ
ប្រាស់ក្នុងការបំពេញ បេសសកម្មថ្មីរបស់ អ.ស.ប សម្រាប់សង្គ្រោះបន្ទាន់ នៃការផ្ទុះឡើងជំងឺ Ebola នោះ ។
គួររំលឹកថា កាលពីថ្ងៃសុក្រកន្លងទៅនេះ កិច្ចប្រជុំគណៈកម្មាធិការ និតិកាលទី៥ លើកដំបូង ដែលមានវត្តមាន លោក Susana Malcorra និងលោក បាន គីមូន អគ្គលេខាធិការអង្គ ការសហប្រជាជាតិ បានបង្ហាញឡើង អំពីថវិកាដំបូង ដែលបានស្នើសុំ នូវទឹកប្រាក់ចំនួន៤៩,៩លានដុល្លារ សម្រាប់ដំណើរនៃកម្មវិធី ខាងលើនៅក្នុងឆ្នាំនេះ ។
យោងតាមការស្នើសុំនោះដែរ លោក Kutesa បានមានប្រសាសន៍ថា គណៈកម្មាធិការ គឺ “ជាការនាំសារមួយដ៏ល្អ ដោយខ្លួនមានសមត្ថភាពប្រកបដោយប្រសិទ្ធិភាព និងពាំនាំរាល់ក្តីកង្វល់ទាំងឡាយ រួមទាំងបញ្ហានានានៅក្នុង ពិភពលោក” ហើយបានជំរុញយ៉ាងខ្លាំង ដល់ការអភិវឌ្ឍន៍ និងភាពជឿទុកចិត្តខ្ពស់ក្នុងភាពជាដៃគូ និង នាំមកនូវកិច្ចការងារ មួយដែលស្ថិតក្នុង ក្របខណ្ឌមួយទៀងទាត់ ។
គួររំលឹកថា កម្មវិធីសង្គ្រោះបន្ទាន់ នេះ ត្រូវបានបង្កើតឡើង នៅថ្ងៃទី១៩ ខែកញ្ញា ឆ្នាំ២០១៤ ដោយមាន ក្រុមការងារ បានដាក់ពង្រាយក្រុមការងារ នៅតាមបណ្តាស្នាក់ការ កណ្តាល សម្រាប់បំពេញបេសកកម្មនៅ ក្នុងទីក្រុង អាក់ក្រនៃប្រទេស ហ្គាណា និងមានការិយាល័យប្រតិបត្តិការ នៅក្នុងប្រទេសហ្គីណេ លីប៊ីរ៉ា និងសៀរ៉ាឡេអូន ។
យោងតាមតូលេខមួយចេញ ដោយអង្គការសហប្រជាជាតិ បានឲ្យដឹងថា មនុស្សជាង៦.៥០០នាក់ រងនូវផល ប៉ះពាល់ដោយសារជំងឺនេះ និងជាង៣.៣០០នាក់ បានបាត់បង់ជីវិតទៅហើយ គិតចាប់ពីជំងឺបានផ្ទុះឡើងខ្លាំងក្លា នៅក្នុងខែមីនានោះ ៕
