ការធ្វើមហាបាតុកម្មរបស់ក្រុមនិស្សិតទាមទាលិទ្ធិប្រជាធិបតេយ្យ នៅហុងកុងបាន ធូស្រាលជាងមុន នៅពេលដែលមេដឹកនាំបាតុករបន្តចចារជាមួយរដ្ឋាភិបាល។ នៅព្រឹកថ្ងៃទី៧ខែតុលា ពលរដ្ឋហុងកុងបានទៅធ្វើការ ទៅសាលារៀនដូចកាលពីមុន បើទោះបីនៅមានបាតុករមួយចំនួនគ្រប់គ្រងផ្លូវថ្នាល់ក៏ដោយ។
កិច្ចពិភាគ្សាជាលើកដំបូងរបស់មេដឹកនាំក្រុមបាតុករនិង មន្ត្រីដឹកនាំកោះហុងកុងធ្វើឡើងនៅថ្ងៃទី៥ខែតុលា ។ ដល់យប់ថ្ងៃទី៦ខែតុលា ចំនួនបាតុករនៅតាមទីតាំងសំខាន់ៗថយចុះបន្តិច បើប្រៀបធៀបនិងពេលដំបូងមានរហូតដល់ទៅជាង២សែននាក់។ មេដឹកនាំកោះហុងកុងលោកLeung Chun-Ying បានប្រកាស់ថារដ្ឋាភិបាលហុងកុងមានបំណងចចារជាមួយបាតុករបញ្ចប់វិវាទ។
ការធ្វើបាតុកម្មនេះបានបះពាល់យ៉ាងខ្លាំងដល់សេដ្ឋកិច្ចក្នុងដំបន់នេះទាំងមូលក្នុងនោះវិស័យទេសចរណ៍រងផលប៉ះ ពាល់ខ្លាំងជាងគេ ដោយគ្មានអ្នកទេស ចរណ៍ចេញចូលនៅទីនេះ ។ សមាគម ទេសចរណ៍ហុងកុងបានប្រកាសថា ក្រសួងទេសចរណ៍ចិនបានផ្អាកផ្ដល់ លិខិតសម្រាប់ក្រុមទេសចរណ៍មកពី ប្រទេសចិនចូលមកកាន់នោះហុងកុង ដោយមូលហេតុសន្ដិសុខនៅពេលដែល បាតុកម្មកាន់តែកើនកម្ដៅ។ វិស័យទេស ចរណ៍ត្រូវខាតបង់ជាទឹកប្រាក់១៣លាន ដុល្លារក្នុងមួយថ្ងៃ ទាំងនោះគិតសម្រាប់ តែថ្លៃសណ្ឋាគារ២២៩សណ្ឋាគារសម្រាប់ ទទួលភ្ញៀវទេសចរណ៍ចិនដីគោក។
ក្នុងពេលនេះដែរ ប្រទេសអាមេរិក អង់គ្លេស បារាំង កាណដា អូស្ដ្រាលី សិង្ហ បុរីក៏បានប្រកាសហាមប្រាមពលរដ្ឋ របស់ខ្លួនចូលទៅកាន់កោះហុងកុងចៀស វាងរងផលប៉ះពាល់ ។ តាមតួលេខ អ្នក ទេសចរណ៍ចូលកាន់កោះហុងកុងភាគ ច្រើនមកពីចិនដីគោកមានរហូតដល់ ២ភាគ៣ ។ ក្រុមទេសចរណ៍មកពី ប្រទេសចិនរហូតដល់៣៥០ក្រុមចូល មកកោះហុងកុងក្នុងមួយថ្ងៃៗ ដោយ ក្រុមអ្នកទេសចរណ៍នីមួយមានអ្នក ទេសចរ៣៥នាក់ ។
វិស័យទេសចរណ៍ជាវិស័យគ្រឹះដ៏រឹង មាំនៃសេដ្ឋកិច្ចហុងកុង ។ សេដ្ឋកិច្ចហុង កុងទទួលបានប្រាក់ចំណូលដល់ទៅ៤,៧ ភាគរយសម្រាប់GDP សរុប និងផ្ដល់ ការងារធ្វើដល់ពលរដ្ឋដល់ទៅ២៥០ ពាន់នាក់ ។ ក្រុមអ្នកឯកទេសបញ្ជាក់ថា ការធ្វើបាតុកម្មនោះនឹងធ្វើឱ្យប៉ះពាល់ យ៉ាងខ្លាំងដល់កំណើនសេដ្ឋកិច្ចក្នុងតំបន់ នេះ ហើយបើចង់ឱ្យរីកចម្រើនដូចកាល ពីមុនក៏ពិបាកធ្វើបានភ្លាមៗនៅពេល ដែលធ្លាក់ចុះហើយនោះ ៕
