ភ្នំពេញ ៖ ជនសង្ស័យ៥នាក់ត្រូវបានកម្លាំងនគរបាលប៉ុស្ដិ៍ស្ទឹងមានជ័យកំពុងធ្វើការជិះល្បាតសង្ស័យនិងធ្វើការឃាត់ខ្លួនភ្លាមៗ ខណៈជនសង្ស័យខាងលើនេះជិះម៉ូតូគ្មានសោនិងពេលដែលសមត្ថកិច្ចហៅអោយឈប់ម៉ូតូតែពួកគេមិនព្រមឈប់ឡើយបែរជាផ្ដួលម៉ូតូរត់គេចខ្លួនទៅវិញ។
ហេតុការណ៍ខាងលើនេះបានកើតឡើងកាលពីវេលាម៉ោង២និង៤០នាទីយប់ឈានចូលថ្ងៃទី៤ខែមិនាឆ្នាំ២០១៤ ត្រង់ចំណុចផ្លូវលំ ក្នុងភូមិទ្រា៤ សង្កាត់ស្ទឹងមានជ័យ ខណ្ឌមានជ័យ។ យោងតាមប្រភពព័ត៌មានពីសមត្ថកិច្ចដែលធ្វើការឃាត់ខ្លួនជនសង្ស័យទាំង៥នាក់បានអោយដឹងថា មុនដល់ការឈានទៅដល់ឃាត់ខ្លួនជនសង្ស័យខាងលើនេះ ពួកគាត់បានជិះម៉ូតូល្បាតតាមគោលដៅ ខណៈនោះក៏បានឃើញយុវជនចំនួន២នាក់បានជិះម៉ូតូមួយគ្រឿងម៉ាកឌ្រីមសង់ ពណ៌ខ្មៅ ស៊េរី២០១៤ ពាក់ស្លាកលេខ ភ្នំពេញ 1CD-3990 បានជិះចេញពីកន្លែងងងឹត ភ្លាមៗនោះសមត្ថកិច្ចបានស្រែកអោយយុវជន២នាក់នោះឈប់ម៉ូតូតែយុវជននោះមិនឈប់ម៉ូតូទេក៏ព្យាយាមជិះរត់ប្រហែលបាន២ទៅ៣០០ម៉ែត្រក៏សមត្ថកិច្ចកាក់ឃាត់ជនសង្ស័យនេះបានតែម្ដង។
ទាក់ទិននិងករណីខាងលើនេះ សមត្ថកិច្ចដែលននៅប្រចាំគោលដៅផ្សេងទៀតក៏បានឃាត់យុវជន៣នាក់រួមទាំងម៉ូតូ៣គ្រឿងទៀតព្រោះថាក្នុងនោះមានម៉ូតូមួយគ្រឿងម៉ាកអាយខន និងមួយគ្រឿងទៀតម៉ាកសង់ឌ្រីមC125 ពណ៌ខ្មៅ ស៊េរី២០០៥ គឺជិះសុទ្ធតែគ្មានសោជាប់និងម៉ូតូទើបមានការសង្ស័យហើយគាត់ក៏ធ្វើការឃាត់ខ្លួននិងនាំយកយុវជនទាំង៣នាក់នេះយកមកធ្វើការសាកសួរនៅប៉ុស្ដិ៍នគរបាលស្ទឹងមានជ័យតែម្ដង។
សមត្ថកិច្ចបានអោយដឹងទៀតថាចំពោះជនសង្ស័យខាងលើនេះបច្ចុប្បន្នកំពុងធ្វើការសាកសួរនិងឃុំខ្លួននៅប៉ុស្ដិ៍នគរបាលស្ទឹងមានជ័យបណ្ដោះអាសន្នព្រោះថាព្រោះថាពួកគេទាំងនេះគ្រាន់តែជាជនសង្ស័យនៅឡើយ ហើយសមត្ថកិច្ចកំពុងធ្វើការស្រាវជ្រាវចំពោះម៉ូតូដែលគ្មានសោនិងមានស្នាមកាច់កខាងលើនេះអោយច្បាស់ពីមូលហេតុផងដែរ៕
