ខេត្តបន្ទាយមានជ័យ
ទូកង១គ្រឿងមានឈ្មោះព្រះពន្លាមានជ័យស្រីក្រលេកញញឹមគឺជាទូកមួយទៅប្រគួតនៅភ្នំពេញជាប់បានចំណាត់ថ្នាក់លេខ៣ត្រូវបានប្រជាពលរដ្ឋដែលជាកីឡាករអុំទូកងរក្នុងភូមិនាំគ្នាជួសជុលបិតព៌ណ័ដើម្បីត្រៀមចូលរួមប្រឡងប្រណាំងក្នុងទិវាបុណ្យអុំទូក អកអំបុក សំពះព្រះខែ ក្នុងខែវិច្ឆិកាខាងមុខនេះ។លោកចេងគឹមដួនជាប្រធានក្រុមកីឡាករអុំទូកងប្រចាំភូមិព្រះពន្លាសង្កាត់ព្រះពន្លាក្រុងសិរីសោភ័ណខេត្តបន្ទាយមានជ័យព្រឹកថ្ងៃទី០៧ ខែកញ្ញា ឆ្នាំ២០១៤ នេះថា ៖ ទូកងខាងលើនេះត្រូវបានប្រជាពលរដ្ឋ និងពុទ្ធបរិស័ទចំណុះជើងវត្តព្រះពន្លាបានកសាងឡើងដោយដើមគគីរសុទ្ធនៅឆ្នាំ១៩៩៩ប្រគេនព្រះគ្រូចៅអធិការវត្តព្រះពន្លាគ្រប់គ្រង
ថែរក្សា។ទូកង១គ្រឿងនេះមានបណ្តោយប្រវែង២៤ម៉ែត្រ និងទទឹង១ម៉ែត្រមានចំណុះអ្នកអុំ៤៨នាក់។លោកចេងគឹមជួនបានបញ្ជាក់អោយដឹងទៀតថា ៖ ទូកង១គ្រឿងនេះចាប់ទាំងពីបានកសាងរួចមកបានចូលរួមប្រឡងប្រណាំងក្នុងពិធីបុណ្យអុំទូកចំនួនជាច្រើនលើកហើយដែលក្នុង១លើកៗមិនដែលចាញ់គេទេ គឺមានចំណាត់ថ្នាក់ពីលេខ១ដល់លេខ៣ នៅក្នុងឆ្នាំ១៩៩៩កន្លងមក គឺក្នុងខេត្តបន្ទាយមានជ័យលេខ១ និងប្រកួតជាមួយរាជធានីភ្នំពេញទទួលជ័យជំនះ
លេខ៣។នៅក្រោយពេលបុណ្យភ្ជុំបិណ្ឌនេះទូកងឈ្មោះព្រះពន្លាមានជ័យស្រីក្រលេកញញឹម បានធ្វើការជួសជុលបិតព៌ណ័រួចរាល់ហើយ។ ចំណែកក្រុមកីឡាករអុំទូកនិងអ្នកដាំបាយផងក្នុងទូកមានគ្នា៤៨នាក់ដែលត្រូវទៅចូលរួមប្រកួតប្រឡងប្រណាំងក្នុងពីធីបុណ្យអុំទូកពេលខាងមុខនេះ។លោកបានបញ្ជាក់បន្តថាឆ្នាំនេះក្នុងខេត្តបន្ទាយមានជ័មានទូកចូមរួមប្រណាំងចំនួន២៤
ទូកស្មើនិង១២គូចំណុចប្រគួតនៅដងស្ទឹងក្រោយសាលាសាកលវិទ្យាល័យមានជ័យគេចាប់ប្រគួតមានរយះពេល៣ថ្ងៃដើម្បីជ្រើសយកចំណាត់ថា្នក់លេខ១លេខ២និងលេខ៣ចំណែកលោកបញ្ជាក់ថាចំណែករង្វាន់វិញបានទៅតាមលទ្ធភាពដែលគេជួយឧបត្ថម្ភឲ្យ៕គង្គា
