កំពង់ចាម៖ ការវាទរំលោភយកដីមាត់អូរ និងដីអ្នកជិតខាងធ្វើជាកម្មសិទ្ធិ ឈានដល់សាងសង់ភូមិគ្រឹះយ៉ាងស្កឹមស្កៃ នៅចំណុចភូមិឪជ្រឹងខ ឃុំព្រែករំដែង ស្រុកស្រីសន្ធរ ខេត្តកំពង់ចាម អាជ្ញាធរមូលដ្ឋាន សមត្ថកិច្ចជំនាញ អសមត្ថភាពក្នុងការបង្ក្រាប ។
លោក យាយ កែវ ហុងគី បានបញ្ជាក់ថា ការសាងសង់តាំងពីធ្វើរបងចូលក្នុងដីគាត់ជិត១ម៉ែត្រ រហូតដល់គេដកបង្គោលភ្លើងមកបោះក្នុងគាត់ទៀត ហើយកូនកាត់ឈ្មោះ ម៉ី ដារ៉ា បានដាក់ពាក្យបណ្តឹងទៅប៉ុស្តិ៍រដ្ឋបាលគេមិនហ៊ានទទួល ដាក់ទៅឃុំឲ្យជួយដោះស្រាយ តែឃុំបិទសំណុំរឿងនោះចោល ។
លោក ថៃ ឈុនគ្រី បានអះអាងទាំងបំពានថា គាត់មិនបានធ្វើរបងចូលដីរបស់លោក យាយ
កែវ ហុងគី ទេ ហើយចំពោះសំណង់ ផ្ទះរបស់គាត់ ក៏ពុំបានសុំការអនុញ្ញាត ពីភូមិបាលស្រុក ឬ មន្ទីរសុរិយោដីខេត្តអ្វីដែរ ការសាងសង់មាន ភូមិ ឃុំ ដឹង ឮ ដែរ ។ ប្រជាពលរដ្ឋចំនួន៣៩គ្រួសារ ដែលផ្តិតមេដៃ គឺពួកគាត់សុំផ្លូវទេ មិនមែនផ្តិតមេដៃជំទាស់ការរំលោភយកដីមាត់អូរធ្វើជាកម្មសិទ្ធិនោះទេ ដីរបស់គាត់ បានធ្វើលិខិតផ្ទេរសិទ្ធិត្រឹមត្រូវ មាន អាជ្ញាធរ ភូមិ ឃុំ និង
ភូមិបាលស្រុក ទទួលស្គាល់ផងដែរ ។
លោក យ៉ង យាប មេឃុំព្រែករំដែងបានបញ្ជាក់ដែរថា រឿងនេះគាត់ដោះមិនចេញទេពីព្រោះសំណង់នោះធ្វើរួចជាង១ឆ្នាំមកហើយ ពេលដែលកំពុងសាងសង់ថ្មីៗបើមានបញ្ហាគាត់ជួយដោះស្រាយ ហើយបើពិនិត្យមើលដីលោក យាយ កែវ ហុងគី ដូចជាមិនមានប៉ះពាល់អ្វីទេ ។
លោក ឈុន ហៀង ប្រធានការិយាល័យរៀបចំដែនដីនគរូបនីយកម្ម និងសំណង់ស្រុកស្រីសន្ធរ បានឲ្យដឹងថា ចំពោះសំណង់នេះ គ្មានការសុំអនុញ្ញាតិទេ ចាំគាត់សួរទៅខាងឃុំ លំអិតបញ្ហានេះ ៕
