កំពង់ធំ៖ គ្រោះថា្នក់ចរាចរណ៍មួយបានកើតឡើងនៅលើកំណាត់ផ្លូវជាតិលេខ 6Aដោយរថយន្ដកូរ៉េ បើកបរស្របទិសគ្នាពីរត្បូងមកជើង ក្នុងល្បឿនលឿនមក បុកហើយជាន់ស្ដ្រីដែលកំពុងជិះ កង់ យ៉ាងពេញទំហឺងបណ្ដាលបែកលលាក្បាល ធ្លាយខួរ ឈាមស្រោចពេញថ្នល់ធ្វើឪ្យអ្នកភូមិនិងអ្នកធ្វើដំណើរភ្ញាក់ផ្អើលក៏នាំគ្នារត់មកមើលឈូរឆរស្រាប់តែឃើញមនុស្សស្ដ្រីម្នាក់ ស្លាប់នៅនីងកន្លែងកើកហេតុ ត្រង់ចំនុច ភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្ត កំពង់ធំ។
យោងតាមសំដីប្រជាពលរដ្ននៅនឹងកន្លែងកើតហេតុ បានប្រាប់អ្នកយកព៍ត័មានថា រថយន្ដ
លោក ចាន់រៀង នេះគាត់បានបើករៀងរាល់ថ្ងៃ ក្នុងល្បឿនលឿន ហើយជាមនុស្សពុំសូវគោរពច្បាប់ចរាចរណ៍ ព្រោះអាងស្គាល់អ្នកតូច អ្នកធំ នៅក្នុងខេត្ត ហើយជាមនុស្សពូកែ រណែប រណប សូកលុយ សូកកាក ដល់សមត្ថកិច្ចក្នុងខេត្ត ។
តាមប្រភពពត័មានបានបន្ដថា ស្ដ្រីជនរងគ្រោះនេះ ជាម៉ែដោះនៅក្នុងមជ្ឈមណ្ឌលកុមាកំព្រាក្នុងខេត្តកំពង់ធំមុនពេលកើតហេតុ គាត់បានទៅទិញម្ហូបរួចក៏ត្រឡប់មកផ្ទះវិញ មកដល់
ពាក់កណ្ដាលផ្លូវក៏ជួបនិងឧបត្តិហេតុគ្រោះថ្នាក់ចរាចរណ៍ ដោយមានឡានកូរ៉េពីរតោនកន្លះព៏ណស ផ្លាកលេខ កំពង់ធំ 3A 0045 មួយគ្រឿងបើកបរយ៉ាងលឿនមកបុកចំពីរក្រោយយ៉ាងពេញទំហឹង បណ្ដាលអោយស្ដ្រីម្នាក់ស្លាប់ ចំណែកឯអ្នកបើកបររថយន្ដបានបើកធ្វារត់គេចខ្លូន
បាត់ស្រមោល ស្ត្រីរង់គ្រោះឈ្មោះ ព្រឿង ឡេច ភេទស្រីអាយុ៤៨ឆ្នាំរស់នៅភូមិ ក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ក្រោយពេលកើតហេតុភ្លាមៗនគរបាលប៉ុស្ដិបានមកវាស់វែងរួចហើយក៏ហៅឡានពេទ្យដឹកសាកសព្វយកទៅផ្ទះដើម្បីចាត់ចែងធ្វើបុណ្យ
តាមប្រពៃណីព្រះពុទ្ធសាសនា ចំណែកកង់នឹងរថយន្តត្រូវបានកំលាំងនគរបាលប៉ុស្ដិអាចារ្យលាក់យកទៅរក្សាទុកជាបណ្ដោះអាសន្នរងចាំការដោះស្រាយតាមច្បាប់។ ប៊ុនរិទ្ធី
