កំពង់ឆ្នាំង៖“ទឹកស្ទឹងបរិបូរណ៌”ជាកន្លែងមុជទឹកដ៏សប្បាយរីករាយមួយបានទាក់ទាញភ្ញៀវក្នុងស្រុកអោយមកលេងកំសាន្តមិនដាច់រៀងរាល់ចុងសប្តាហ៍ថ្ងៃសៅរ៍ អាទិត្យ ទំនប់ទឹកស្ទឹងបរិបូរណ៌នេះមានទីតាំងស្ថិតក្នុង ភូមិភ្នាត ឃុំផ្សារ ស្រុកទឹកបរិបូរណ៌ ខេត្តកំពង់ឆ្នាំង ដែល មានចម្ងាយ
ប្រមាណ១១៦គីឡូម៉ែត្រពីរាជធានីភ្នំពេញនិងមាន
ចម្ងាយប្រមាណ២៥ គីឡូ ម៉ែត្រពីទីរួមខេត្តកំពង់ឆ្នាំង ។
លោក ប៊ិន សុផាន មេឃុំផ្សារ ស្រុកបរិបូរណ៌បាននិយាយអោយអ្នកយកព័ត៌យើងដឹងនៅព្រឹកថ្ងៃទី០៩ខែតុលា ឆ្នាំ២០១៤នេះថា៖ស្ទឹងបរិបូរណ៌មានទទឹងប្រមាណជាង៦០ម៉ែត្រនិងបណ្តោយក្នុងភូមិសាស្ត្រសុកបរិ បូរណ៍ប្រមាណជាង២០គីឡូម៉ែត្រ។ក្បាលស្ទឹងបរិបូរណ៌មានប្រភពទឹកហូរធ្លាក់មកពីភ្នំឱរាល់មួយផ្នែក និងហូរមកពីស្ទឹងបាណក់មួយផ្នែក និងមានខ្សាច់សល្អ អាចយកធ្វើសំណង់បានយ៉ាងរឹងមាំ និងជាកន្លែងមុជទឹកលេងកំសាន្តយ៉ាងសប្បាយរីករាយ។
លោក ប៊ិន សុផាន មេឃុំផ្សារបានអោយដឹងទៀតថា៖នៅរៀងរាល់ថ្ងៃសៅរ៍ អាទិត្យនៅក្នុងកន្លែងមុជទឹកកំសាន្តគល់ស្ពានថ្មនៃស្ទឹងបរិបូរណ៌លោកពិនិត្យឃើញមានភ្ញៀវក្នុងស្រុកជាលក្ខណៈគ្រួសារនាំគ្នាមកមុជទឹកលេងមិនដែលដាច់ ក្នុង១ថ្ងៃៗមានប្រមាណពី៦០ទៅ៨០នាក់ រៀងរាល់ថ្ងៃសោរ៍និងអាទិត្យ។ដោយឡែកកាលពីថ្ងៃបុណ្យភ្ជុំបិណ្ឌ៤ថ្ងៃចុងក្រោយនេះ លោកបានឃើញភ្ញៀវក្នុងខេត្តនិងមកពីក្រៅខេត្តមកលេងកំសាន្តក្នុង១ថ្ងៃៗរាប់ពាន់នាក់ និងបើធ្វើការបូកសារុបរយះពេល៤ថ្ងៃនោះមានភ្ញៀវមកលេងកំសាន្តប្រមាណ៨ពាន់នាក់។
ចំណែកកិច្ចការងាររៀបចំសណ្តាប់ធ្នាប់ សន្តិសុខរបៀបរៀបរយ គឺអាជ្ញាធរមូលដ្ឋានបានដាក់កម្លាំងនគរបាលនិងអាវុធហត្ថនៅក្នុងស្រុក មកការពារបានយ៉ាងល្អប្រសើរ មិនដែលមានបញ្ហអ្វីធំដុំពិបាកដល់ភ្ញៀវឡើយ។ នៅអែបនឹងមាត់ស្ទឹងជាប់គល់ស្ពាននេះដែរក៏មានអាហារដ្ឋានមួយកន្លែងដែលបានធ្វើផ្ចូសមួយចំនួនស្របតាមមាត់ស្ទឹងសំរាប់ទទួលភ្ញៀវមកអង្គុយលេង និងហូបចុកកំសាន្តសប្បាយ ដែលមើលទៅគួរជាទីមនោរម្យនិងត្រជាក់ចិត្តរ៉ូម៉ាទិចផងដែរ សំរាប់ក្រុមគ្រួសារ និងសំរាប់គូរសង្សារថ្មោងថ្មី ហើយនៅក្នុងអាហារដ្ឋាននោះក៏មានលក់ដូរម្ហូបខ្មែរដ៏ឆ្ងាញ់ពិសារ មានត្រីសាច់គ្រប់បែបយ៉ាងតាមសេចក្តីត្រូវការរបស់ភ្ញៀវផងដែរ។
លោកមេឃុំផ្សារបានបញ្ជាក់អោយដឹងទៀតថា៖កន្លែងមុជទឹកកំសាន្តគល់ស្ពានថ្មស្ទឹងបរិបូរណ៌មានទឹកហូរយ៉ាងត្របាញ់ដ៏ត្រជាក់ពិជាកន្លែងលេងកំសាន្តដ៏សប្បាយនិងជក់ចិត្ត។ប៉ុន្តែទឹកស្ទឹងចំណុចនេះមិនឋិតថេររហូតឡើយ គឺមានទឹកអាចទៅលេងកំសាន្តបានតែរយះពេល៥ខែតែប៉ុណ្ណោះ គឺចាប់ពីខែមិថុនា ដល់ចុងខែតុលា ផុតពីខែនេះទៅគឺរដូវរំហើយនិងខែប្រាំង ទឹកស្ទឹងមិនច្រើនឡើយនិងក៏មិនសូវមានភ្ញៀវមកលេង កំសាន្ត ទៀតដែរ ព្រោះថាទឹកតិចគោក្របីច្រើនទឹកមិនល្អឡើយ៕
