រដ្ឋាភិបាលទីក្រុងវ៉ាស៊ីនតោនបង្ហាញ ការព្រួយបារម្ភយ៉ាងខ្លាំងខ្លាចអាវុធគីមី សាស្ដ្ររបស់ស៊ីរីធ្លាក់ចូលក្នុងកណ្ដាលដៃ របស់ក្រុមអ៊ិស្លាមបង្កើតរដ្ឋ IS ក្រោយ ពេលរដ្ឋាភិបាលស៊ីរីប្រកាសទីតាំងអាវុធ គីមីសាស្ដ្រ៤កន្លែងផ្សេងទៀតដែលពី មុនមិនដែលបានប្រកាសប្រាប់ក្រុម ត្រួតពិនិត្យអាវុធគីមី
របស់អង្គការសហ ប្រជាជាតិនោះឡើយ ។
ការប្រកាសខាងលើរបស់រដ្ឋាភិបាល ស៊ីរីនៅពេលដែលកម្លាំងទាហានស៊ីរី កំពុងតែចាញ់ប្រៀបទៅលើក្រុម IS ដោយទុកឱ្យក្រុមនោះបន្ដវាយប្រហារ ដណ្ដើមបានទីតាំងច្រើនកន្លែងផ្សេងទៀត នៅពេលដែលក្រុម IS ដឹងពីទីតាំងរក្សា ទុកអាវុធគីមីទាំងនោះប្រាកដជាបើក ការវាយប្រហារ ។
នៅពេលនេះដែរអាមេរិកបានសារ ភាពទទួលស្គាល់ថា ការវាយប្រហារ តាមដែនអាកាសទៅលើក្រុមIS គឺមិន មានកម្លាំងគ្រប់គ្រាន់រារាំងក្រុមនេះ ដណ្ដើមគ្រប់គ្រងតំបន់ជាច្រើនទៀតនៅ ស៊ីរី ។ រដ្ឋមន្ដ្រីការបរទេសអាមេរិក លោកចន ឃើរីបានបញ្ជាក់ថា ការវាយ ប្រហារតាមដែនអាកាសមិនអាចទប់ ស្កាត់ក្រុមIS ដណ្ដើមយកស្រុកយុទ្ធសាស្ដ្រ កាបូនី នោះឡើយ ។
បើទោះបីអាមេរិក បានបើកការវាយប្រហារពីលើដែន អាកាស៦លើកក្នុងការបណ្ដេញក្រុម IS ឱ្យរាថយ ប៉ុន្ដែក្រុមនោះនៅតែឆ្ពោះទៅ មុខដណ្ដើមគ្រប់គ្រងស្រុកកាបូនី ទាល់ តែបាន ។
រដ្ឋមន្ដ្រីការបរទេសអាមេរិក ក៏ដូច ជាមន្ដ្រីជាន់ខ្ពស់អាមេរិកជាច្រើនរូប ផ្សេងទៀតបានឱ្យដឹងថា ស្រុកយុទ្ធសាស្ដ្រ កាបូនី ធ្លាក់ចូលក្នុងដៃក្រុម IS គឺជាការ បរាជ័យរបស់អាមេរិកក្នុងការទប់ស្កាត់ ក្រុមនេះពង្រីកទឹកដីគ្រប់គ្រង ។
ចំណុចទាំងនោះហើយបានធ្វើឱ្យ អាមេរិកពិចារណាក្នុងការបញ្ជូនកម្លាំង ទាហានថ្មើរជើង ឬក៏ហ្វឹកហ្វឺនទាហាន នៅក្នុងប្រទេសទាំងនោះវាយប្រហារ ដោយផ្ទាល់នៅលើដីគោក និងទម្លាក់ គ្រាប់ពីលើអាកាសទើបអាចធ្វើឱ្យក្រុម IS ដកថយបាន ។
នៅពេលនេះរដ្ឋាភិបាលទីក្រុងវ៉ាស៊ីន តោនបានដាក់គំនាបទៅលើរដ្ឋាភិបាល ប្រទេសទួរគីឱ្យបញ្ជូនកម្លាំងទាហានចូល រួមវាយប្រហារក្រុម IS ដោយប្រទេស ទួរគីនៅជាប់ព្រំដែនជាមួយស៊ីរី ងាយ ស្រួលក្នុងការយកឈ្នះ ។ ក៏ប៉ុន្ដែ តាំងពី ដើមមក រដ្ឋាភិបាលប្រទេសទួរគីមិន បានចូលរួមនោះឡើយ គ្រាន់តែបញ្ជូន កម្លាំងទាហានទៅការពារព្រំដែន ខ្លាច វាយប្រហារឆ្លងចូលព្រំដែនប្រទេសទួរគី តែប៉ុណ្ណោះ ។
កាលពីថ្ងៃទី៨ ខែតុលា ពលរដ្ឋទួរគី ពិសេសគឺជនជាតិឃើដ បានដង្ហែក្បួនធ្វើ បាតុកម្មទាមទារឱ្យរដ្ឋាភិបាលទួរគី បញ្ជូនទាហានទៅវាយប្រហារក្រុម IS ។ ការធ្វើបាតុកម្មនោះបណ្ដាលឱ្យមានការ ប៉ះទង្គិចគ្នាស្លាប់១២នាក់ផងដែរ
