កំពង់ចាម៖ បុរសចំណាស់ម្នាក់បានស្លាប់ភ្លាមៗ នៅនិងកន្លែងកើតហេតុ មូលហេតុបណ្តាលមកពី រថយន្តបើក បុកចំពេញទំហឹងខណៈកំពុងជិៈម៉ូតូ ហេតុការណ៍ដ៏រន្ធត់នេះបានកើតឡើងនៅវេលាម៉ោង ៣ និង ៣០នាទី យប់ឈានចូលថ្ងៃទី០៤ ខែកុម្ភៈ ឆ្នាំ២០១៤ ស្ថិតនៅលើផ្លូវជាតិលេខ ៧ ចំនុចភូមិ សួងកើត សង្កាត់សួង ក្រុងសួង ខេត្តកំពង់ចាម។
ជនរងគ្រោះមានឈ្មោះ យន់ ភេទប្រុស អាយុ ៤៥ឆ្នាំ រស់នៅភូមិ ព្រៃសរ ឃុំគោគគង់កើត ស្រុកកញ្ចៀច ខេត្តព្រៃវែង។ បើតាមការដឹងពីលោក ឆៃ សុខុន អធិការងក្រុងសួង បានប្រាប់ថា មុនពេលកើតហេតុមាន រថយន្ត ហ៊ីយ៉ាន់ដាយ ៣ ផ្លូវ ពាក់ស្លាកលេខ ៣B ៦០៦៦ ដឹកម្រេចនិងក្រូចឆ្មា ពេញ ទិសដៅពីកើតទៅលិច លុះមកដល់ កន្លែងកើតហេតុបានបែកកង់មុខហើយក៏ជ្រុលចង្កូតទៅបុក និងម៉ូតូកែច្នៃរបស់ជនរងគ្រោះ
ក្នុងទិសដៅផ្ទុយគ្នា យ៉ាងពេញទំហឹងចំពីមុខ ហើយម្ចាស់រថយន្តបានរតគេចខ្លួនបាត់ស្រមោលតែម្តង ភ្លាមៗ នោះក៏មានការសហការគ្នារវាងកម្លាំងនៃ អធិការដ្ឋានក្រុងសួង និងកម្លាំងសមត្ថកិច្ចចរាចរណ៍ ជើងគោកក្រុងសួង ចុះមកអន្តរាគមន៍និងវាស់វែង ហើយបានយករថយន្ត បង្ក និងម៉ូតូ ជនរងគ្រោះ ទៅអធិការដ្ឋាននគរបាលក្រុងសួង ដើម្បីដោះស្រាយតាមផ្លូវច្បាប់ ហើយនៅព្រឹកថ្ងៃដ៏ដែល សព្វជនរងគ្រោះត្រូវបានសម្ថកិច្ច ប្រគល់ជូនដល់ក្រុមគ្រួសារជនរងគ្រោះយកទៅធ្វើបុណ្យតាមប្រពៃណីផងដែរ។ 
