ខេត្តក្រចេះ ៖ អ្នកកាន់កាតកាសែតក្នុងស្រុកម្នាក់ បម្រើរកាងារនៅអង្គភាព សមាគមខ្មែរ ប្រជាធិបតេយ្យ ត្រូវខ្មាន់កាំភ្លើង បាញ់សម្លាប់ កាលពី វេលាម៉ោង១២ យប់ថ្ងៃទី១១ ខែតុលា ឆ្នាំ២០១៤ នៅលើផ្លូវលំក្រាល គ្រួសក្រហម ស្ថិតនៅចំណុចភូមិទួលពន្លី ឃុំឃ្សឹម ស្រុកស្នួល ខេត្តក្រចេះ ។
ប្រភពពត៌មានបានអោយដឹងថានៅមុនពេលកើតហេតុ ជនរងគ្រោះរួមជាមួយនិងក្រុមអ្នក កាសែតផ្សេងទៀតមានគ្នាចំនួន ៨នាក់ បានជិះរថយន្ត៣គ្រឿងចូលទៅក្នុងតំបន់ ព្រៃខាងលើដើម្បីទៅ ផ្តិតយករូបភាពពាក់ពន្ឋ័និងជំនួញឈើខុសច្បាប់ របស់ក្រុមឈ្មួញដែលដឹកតាមរទះគោ ចេញពីទឹកដីខេត្តមណ្ឌលគីរី យកមកលក់អោយមន្ត្រីអាវុធហត្ថស្រុកស្នួលម្នាក់ ដែលត្រូវបានគេដឹងថា ជាមេបញ្ជាការងអាវុធស្រុកស្នួល ដែលឈរជើងចាំទីញ ឈើស្តុកនៅក្បែរនោះ ។
លោក ឈ្មោះ សារ វិសិទ្ធ អ្នកកាន់កាតកាសែតម្នាក់ទៀតនៅអង្គភាព(សហគមន៍ អ្នកឃ្លាំមើលកម្ពុជា) និងជាអ្នកធ្វើដំណើរជាមួយជនរងគ្រោះ បានអោយដឹង ថា នៅយប់កើតហេតុ រូបគាត់បានជិះក្នុងរថយន្តជាមួយជនរងគ្រោះ ឈ្មោះ តាំង ទ្រី ត្រឡប់មក យកពត៌មានវីញ ដល់ចំណុចកើតហេតុ រថយន្តបានជាប់ផុង ខណះរដែលថយន្ត២គ្រឿងទៀតទៅមុនផុតបាត់នោះ លោកក៏បានចុះពីលើរថយន្ត ដើរឆ្ពោះទៅហៅអ្នកភូមិ ឱ្យមកជួយរុញ ហើយជនរងគ្រោះក៍ បានចុះពីលើរថយន្ត ខណះកំពុងកាយដី ដែលជាប់ផុង ស្រាប់ជនសង្សយ័ បានជិះរថយន្តលុច្សស៊ីស៤៧០មួយគ្រឿងបើកសំដៅទៅជនរងគ្រោះ និងបានដកបាញ់ មួយ គ្រាប់ចំថ្ងាស់ បណ្តាលឱ្យស្លាប់ ភ្លាមៗនៅកន្លែងកើតហេតុ ។
ក្រោយការបាញ់ប្រហារទៅលើជនរងគ្រោះ ជនដៃដល់បាន បើករថយន្តរបស់ខ្លួនម៉ាកលុច្សស៊ីស៤៧០ពណ៍ខ្មៅ បំណងបើករត់គេចខ្លួន តែអនិច្ចាកម្មពាបានធ្វើការតាមផ្តន្មារភ្លាមៗ គ្រាន់តែបើករត់បាន ប្រមាណជា១គីឡូដី ក៍ជ្រេចង្កូតក្រឡាប់ផ្ងារជើងឡើ្ងលើ នៅក្បែរកន្លែង កើតហេតុ រួចនាំរត់គេចខ្លួនបាត់ស្រមោល ដោយបន្សល់ទុករថយន្តទុកជាវត្ថុតាំង ទើបសមត្ថកិច្ចឈានទៅ កំណត់មុខសញ្ញាវែកមុខជនសង្សយ័ និងធ្វើការឃាត់ខ្លួនបានជាបន្តរ បន្ទាប់ ។
ជនរងគ្រោះឈ្មោះ តាំង ទ្រី អាយុ៤៤ឆ្នាំ បម្រើការងារនៅអង្គភាព(សមាគមអ្នកសារព័ត៍មានខ្មែរប្រជាធិបតេយ្យ) រស់នៅក្នុងភូមិបទពន្លា ឃុំកណ្តោរជ្រុំ ស្រុកពាញាក្រែកខេត្តត្បូងឃ្មុំ សាកសពជនរងគ្រោះត្រូវបានប្រគល់ជូនក្រុមគ្រួសារមកទទួលយកទៅធ្វើបុណ្យ តាមប្រពៃណី ។រីឯរថយន្តជនបង្កត្រូវសមត្ថកិច្ចស្ទូចយកទៅ រក្សាទុកនៅអធិការដ្ឋាននគរបាលស្រុកស្នួលដើម្បីធ្វើការស៊ើបអង្កេតតាមដានតាមនីតិវិធី ។
ពាក់ព័ន្ធនិងសកម្មភាពនៃការ បាញ់សម្លាប់ អ្នកកាសែត នៅសមាគមខ្មែរប្រជាធិបតេយ្យ ត្រូវបានកម្លាំង នគរបាលជំនាញនៃស្នងការរដ្ឋាននគបាលខេត្តក្រចេះ ធ្វើការតាមចាប់ខ្លួន ជាបន្តបន្ទាប់ កាលពីវេលាម៉ោង៤រសៀលថ្ងៃទី១២ ខែតុលា ឆ្នាំ២០១៤ ស្ថិតនៅស្ពានព្រែកឆ្លូង ស្រុកស្នួល ខេត្តក្រចេះ បន្ទាប់ពីពួកគេបានធ្វើសកម្មភាព កាលពីវេលា ម៉ោង១ យប់រំលងអាធ្រាត្រ ចូលថ្ងៃទី១២ ខែតុលា ឆ្នាំ២០១៤ នោះ ។
មន្ត្រីនគរបាល ព្រហ្មទណ្ឌនៃស្នងការនគបាលខេត្តក្រចេះ បានបញ្ជាក់ថា ជនដៃដល់ដែល អ្នកបាញ់សម្លាប់អ្នកកាសែតមានឈ្មោះ ពិន ហៀង អាយុ៣១ឆ្នាំ ជាមន្ត្រីនគរបាលមូលដ្ឋានប៉ុស្តិ៍ ស្រែឈូក ស្រុកកែវសីមា ខេត្តមណ្ឌលគិរី ទី២ឈ្មោះ ខឹម ភក្តី អាយុ២៧ ជាមន្ត្រីអាវុធហត្ថ ដែលជាម្ចាស់កាំភ្លើង និងម្នាក់ទៀតដែលជាជនដៃដល់អ្នកប្រើប្រាស់កាំភ្លើងក្នុងការបាញ់ប្រហារ សម្លាប់អ្នកកាសែតនោះ ឈ្មោះ ឡា ណារ៉ុង អាយុ៣២ឆ្នាំអតីតជាមន្ត្រីយោធា ខេត្ត មណ្ឌលគិរី។
នៅក្នុងប្រតិបត្តិការមួយនេះ លោក ឧត្តមសេនីយ៍ត្រី លន់ សុផាត ស្នងការនគរបាលខេត្តក្រចេះ បានថ្លែងអំណរគុណ ចំពោះថ្នាក់ដឹកនាំខេត្ត និងស្ថាបន្ថ័អយ្យការ អមសាលាដំបូង ខេត្ត គណះបញ្ជារឯកភាពស្រុកស្នួល ព្រមទាំងមន្ត្រីនគរបាលពាក់ព័ន្ធ ដែលរួមគ្នាចូលរួម សហការរហូតឈាន ដល់ការចាប់ខ្លួន ជនសង្ស័យទាំងនេះ យកមកផ្ទន្ទាទោស តាមផ្លូវច្បាប់។
