កំពង់ឆ្នាំង៖ឈើក្រញូងចំនួន៧៥ដុំដឹកតាមរថយន្តឡែន១គ្រឿងនៅពេលយប់ដែលដឹកមនុស្សបន្លំធ្វើជារត់តាក់ស៊ីត្រូវបានកងរាជអាវុធហត្ថខេត្តនិងស្រុកប្រដេញស្ទាក់ចាប់បាន។ការប្រដេញស្ទាក់ចាប់រថយន្តដឹកឈើនេះបានធ្វើឡើងនៅវេលាម៉ោង៧និង២០នាទីយប់ថ្ងៃទី១២ ខែតុលា ឆ្នាំ២០១៤ នៅក្នុង
ចំណុចភូមិចំការស្វាយ ឃុំសេដ្ឋី ស្រុកសាមគ្គឺមានជ័យ ខេត្តកំពង់ឆ្នាំង។
លោក រស់ វុទ្ធា ប្រធានស្នាក់ការសន្តិសុខ៥០០កងរាជអាវុធហត្ថប្រចាំការចំណូចលង្វែកបាននិយាយអោយដឹងថា៖នៅពេលលោកបានទទួលព័ត៌មានថាកំលាំងកងរាជអាវុធហត្ថខេត្តបានធ្វើការប្រដេញតាមស្ទាក់ចាប់រថយន្តដឹកឈើដោយមានការសុំសហការភ្លាមៗនោះ កំលាំងកងរាជអាវុធហត្ថស្រុកកំពង់ត្រឡាច បានចេញរថយន្តស្ទាក់តាមផ្លូវជាតិលេខ៥។
មួយសន្ទុះក្រោយមកបានឃើញរថយន្តដឹកឈើខាងលើមកដល់ភ្លាមនកំលាំងអាវុធហត្ថបានចេញស្ទាក់តែរថយន្តដឹកឈើមិនបានឈប់នោះឡើយ និងបានគៀរថយន្តរបស់សមត្ថកិច្ចដែលបានស្ទាក់ និងបន្តបើករត់រហូតដល់បែកកង់ទៅទៀតតែមុខលែងរួច ទើបចាប់គេបាន។
នៅពេលសមត្ថកិច្ចទៅដល់អ្នកបើករថយន្តដឹកឈើបានចុះរត់គេចខ្លួនបាត់អស់ដោយទុករថយន្តចោលនៅកន្លែងកើតហេតុ រថយន្តនោះម៉ាកកាមរីបាឡែនពណ៌ស្ករពាក់ ស្លាកលេខPP-2G6391 ដឹកឈើក្រញូងមួយកំណាត់គូថខាងក្រោយ។ក្រោយពីបានសុំយោបល់ថ្នាកលើមក សមត្ថកិច្ចបាននាំយករថយន្តដឹកឈើមកស្នាក់ការសន្តិសុខកងរាជអាវុធហត្ថលេខ៥០០លង្វែករដោះដូរកង់ និងបានប្រគល់ឈើក្រញូងអោយផ្នែករដ្ឋបាលព្រៃឈើកំពង់ត្រឡាច និងធ្វើបានការរាប់ទាំងយប់ ឃើញមានឈើក្រញូងសរុបមានចំនួន៧៥ដុំ ពេលថ្លឹងរួចមានចំនួន៧០៤គីឡូ ហើយបានរក្សាទុកនៅក្នុងផ្នែករដ្ឋបាលព្រៃឈើកំពង់ត្រឡាចកសាងសំណុំរឿងតាមនិតិវិធីច្បាប់។ដោយឡែករថយន្តបាឡែនត្រូវបានគេនាំយកមករក្សាទុកនៅក្នុងទីបញ្ជាការកងរាជអាវុធហត្ថខេត្ត។
ប្រភពពីសមត្ថកិច្ចផ្សេងមួយទៀតសុំមិនអោយបញ្ចេញឈ្មោះបាននិយាយអោយដឹងថា៖ ជារៀងរាល់យប់គេតែងតែឃើញក្រុមសមត្ថកិច្ចមួយចំនួនប្រដេញរថយន្តដឹកឈើនៅតាមផ្លូវជាតិលេខ ហើយការប្រដេញចាប់រថយន្តដឹកឈើនោះពេលខ្លះ គឺពួកគេបានយកដុំដែកដែលមានបន្លាបោះកាត់រថយន្ត ធ្វើអោយរថយន្តនោះបែកកង់ទើបចាប់រថយន្តនោះបាន។គេគិតថាថ្ងៃណាមួយបើគេនៅតែធ្វើបែបរថយន្តទាំងនោះពិជាក្រឡាប់មានគ្រោះថ្នាក់ដល់មនុស្សមិនខានឡើយ។រឿងនេះសូមលោកព្រះរាជអាជ្ញាសាលាដំបូងខេត្ត និងលោកមេបញ្ជាការអង្គភាពពាក់ពន្ធ័មេត្តាពិនិត្យមើលកូនចៅខ្លួនផងប្រយត្ន័មានរឿងធំ៕
