ខេត្តបន្ទាយមានជ័យ ៖នគរបាលស្រុកភ្នំស្រុកបានចុះឆែកផ្ទះអ្នកលក់គ្រឿងញៀន១កន្លែង នៅស្រុកភ្នំស្រុក ឃាត់ខ្លួនស្ត្រី២នាក់ រកឃើញគ្រឿងញៀនមេតំហ្វេតាមីនចំនួន៧គ្រាប់ គ្រាប់កាំភ្លើងអាកាចំនួន៦០គ្រាប់ បង់កាំភ្លើង៤ គ្រាប់កាំភ្លើងM16ចំនួន៣២គ្រាប់ ឧបករណ៍ឆក់ត្រីខុសច្បាប់៤គ្រឿង និង
សម្ភារៈប្រើប្រាស់គ្រឿងញៀនមួយចំនួនទៀត ដែលគេលាក់ទុកក្នុងផ្ទះ ស្ត្រីសង្ស័យទាំង២នាក់បញ្ជូនមកស្នងការដើម្បីធ្វើការសាកសួរតាមនីតិវិធីច្បាប់។ការចាប់ខ្នួនស្ត្រីល្មើសច្បាបនោះនៅរសៀលវេលាម៉ោង ៩និង១៧នាទី ព្រឹកថ្ងៃទី៩ ខែតុលា ឆ្នាំ២០១៤ នៅចំណុចភូមិកណ្តាលខាងកើត ឃុំស្រះជីក ស្រុកភ្នំស្រុក ខេត្តបន្ទាយ មានជ័យ ។
ស្ត្រីសង្ស័យមានឈ្មោះ ១-ឈ្មោះ រស់ សាលឹក អាយុ៤៩ឆ្នាំ បច្ចុប្បន្នរស់នៅភូមិ ឃុំខាងលើ ជាមម្ចាស់ផ្ទះ ហើយស្ត្រីរូបនេះជាមុខសញ្ញាទើបតែចេញពីពន្ធនាគារជាប់ទោសរឿងជួញដូរ គ្រឿងញៀនផងដែរ និង២-ឈ្មោះ ហ៊ី សុលី ហៅហម អាយុ២១ឆ្នាំ រស់នៅភូមិ-ឃុំជាមួយគ្នា ។
លោកវសេនីយ៍ទោ ស៊ី ឌី អធិការនគរបាលស្រុកភ្នំស្រុក បានប្រាប់ឱ្យដឹងថា ការបង្ក្រាបស្ត្រីសង្ស័យគ្រឿងញៀនខាងលើ សមត្ថកិច្ចបានអនុវត្តតាមរយៈការផ្តល់ព័ត៌មានពីប្រជាពលរដ្ឋអំពីសកម្មភាពរបស់ស្ត្រីសង្ស័យប្រព្រឹត្តបទល្មើសគ្រឿងញៀនខុសច្បាប់ ។ 
ក្រោយពីទទួលដំណឹងរាយការណ៍នោះភ្លាម សមត្ថកិច្ចក៏ឈានដល់ការបង្ក្រាបស្ត្រីសង្ស័យកំពុងតែ ធ្វើសកម្មភាពចែកចាយគ្រឿងញៀនតែម្តង។ស្ត្រីជាជនសង្ស័យទាំងពីរនាក់និងវត្ថុតាងត្រូវបានកំលាំងនគបាលខេត្តកសាងសំនុំរឿងបញ្ជូនទៅតុលាការដាក់ទោសតាមផ្លូវច្បាប់៕
