កំពង់ធំ=ស្ដ្រីជាប្រពន្ធជនពិការម្នាក់ធ្លាក់ឈាមកកដុំៗតាមទ្វាមាស ដោយពុំដឹងមូលហេតុ កាលពីព្រឹកថ្ងៃទី១៣ ខែតុលាឆ្នាំ២០១៤នៅចំនុចទល់មុខភោជនីយដ្ឋាន ឡាយគឹមសេង ក្បែរផ្សារខេត្តកំពង់ធំ ធ្វើអោយ ប្រជាពលរដ្ននិងអាជីវករ ដែលបានឃើញហេតុការណ៍នេះភ្ញាក់ផ្អើល យ៉ាងខ្លាំងព្រមទាំងមានក្ដីអាណិតអាសូរ។
តាមប្រភពពត័មានពីរប្រជាពលរដ្នដែលបានស្គាល់ បានប្រាប់ថា ស្ដ្រីរូបនេះមានកូនញឹក ១ឆ្នាំកូនមួយរាងរាល់ឆ្នាំ ក្នុងជីវភាពគ្រួសារក្រីក្រលំបាកយ៉ាងខ្លាំង រាល់ថ្ងៃដើរសុំ ទានទាំងប្ដីទាំងប្រពន្ធ ដែលមានកូន៤នាក់ក្នុងបន្ទុក ដោយ ជារៀងរាល់ថ្ងៃសុំទានបានលុយត្រឹមតែ៦០០០រៀលទៅ៨០០០០រៀល សំរាប់ផ្គត់ផ្គង់ ក្នុងគ្រួសារ ដោយគ្រាន់ចំណាយការហូបចុកស្ទើរពុំគ្រប់គ្រាន់។
ប្រភពពត័មានបានបន្ដទៀតថា មុនពេលកើតហេតុ គាត់បានយកកូនប្រុសរបស់គាត់ដែលមានជំងឺទៅមន្ទីរពេទ្យឯកជនមួយកន្លែង នៅឯសង្កាត់ ស្រយ៉ូវ ក្រុងស្ទឹងសែន នៅពេលដែលត្រឡប់មកវិញ ស្ដ្រីរូបនេះបានអង្គុយ សុំទានក្បែរបង្កាន់ដៃសួនច្បារ យាយតា បានមួយសន្ទុះធំស្រាប់ គេបានឃើញគាត់ងងឹតមុខ ហើយក៏ដួលផ្កាប់មុខតែម្ដង ក្រោយមកអ្នកនៅជិតខាងនិងប្ដីរបស់គាត់ទៅមើលព្រមទាំងជួយលើក ក៏ឃើញ មានឈាមទាំងដុំៗធ្លាក់តាមទ្វាមាស ក្រោយមកក៏លើកគ្រាគាត់រម៉កម៉ូតូ បញ្ចូនទៅមន្ទីរពេទ្យ បង្អែកខេត្តកំពង់ធំ ក្នុងបន្ទប់ឆ្មប។
ជនរងគ្រោះជាប្រពន្ធ មានឈ្មោះ ម៉ែនម៉ាច អាយុ ៣៧ឆ្នាំនិងប្ដីឈ្មោះ ឈៀងចិន អាយុ ៤៤ឆ្នាំ រស់នៅក្នុងភូមិ ត្បែងខ ឃុំត្បែង ស្រុកកំពង់ស្វាយ ខេត្តកំពង់ធំ ៕ប៊ុនរិទ្ធី
Ads
