សៀមរាប=កាលពីរយប់ម៉ោង១២.៥៥នាទីរំលងអាធ្រាតឈានចូលថ្ងៃទី១៥ ខែតុលា ឆ្នាំ២០១៤មានរថយន្ដយីឌុបមួយគ្រឿង ដឹកស៊ីម៉ងចេញ ខេត្តបន្ទាយមានជ័យ តាមច្រកទ្វា អន្ដរជាតិប៉ោយប៉ែត ឆ្ងងកាត់សៀមរាបមកដល់ចំនុចកើតហេតុ ក៏បានកិចរថយន្ដមួយគ្រឿងទៀតរហូតក្រឡាប់ផ្ងារជើងតែម្ដង។
តាមប្រភពពត័មានពីប្រជាពលរដ្នដែលកំពុងតែសំរានលង់លកក្នុងដំនេកនោះ បានប្រាប់អ្នកសារពត័មានថាគាត់កំពុងតែយល់សិន្ដល្អផង ស្រាប់តែលឺសំលេងឃ្ដាំង ឡឿនលឺរំពងអាត្រាតដូចរន្ទះបាញ់ ធ្វើអោយពួកគាត់ភ្ញាក់ស្រឡាំងកាំងទាំងមមីរមមឺ រកកល់ចង់គ្រុន ដោយមិននឹកស្មានថារថយន្ដក្រឡាប់ទាលតែសោះ លុះនាំគ្នាមកមើលក៏ឃើញរថយន្ដយីឌុបផ្លូវ៥ដឹក
ស៊ីម៉ង ក្រឡាប់ ក្រោយមកឃើញមនុស្ស២នាក់ ម្នាក់ជាអ្នកបើកបរ និងម្នាក់ជាព្រូ វារចេញពីររថយន្ដ ដោយមានរបួសដៃ ជើងបន្តិចបន្ដួចតែប៉ុណ្ណោះ កន្លែងកើតហេតុស្ថិតនៅ ភូមិ ថ្នល់តាសិក ឃុំគោគធ្លក ស្រុកជីក្រែង ខេត្តសៀមរាប។
តាមចំលើយសារភាពរបស់អ្នកបើកបរ បានប្រាប់អោយដឹងថា ខ្លួនបានដឹកស៊ីម៉ងចេញពីរច្រកអន្ដរជាតិ ប៉ោយប៉ែត ខេត្តបន្ទាយមានជ័យ ជាច្រើនលើកច្រើនសាររួចមកហើយ ពុំដែលមានគ្រោះថ្នាក់អ្វីទេ ទើបតែថ្ងៃនេះបាន កិចរថយន្ដយីឌុបកុងទីន័រ២គ្រឿងបើកបញ្ចាស់ទិសគ្នាពីរ
កើតទៅលិចមកដល់ចំនុចកើតហេតុ អ្នកបើកបររថយន្ដកុងទីន័របានងោកមករករថយន្ដ របស់ខ្លួន ធ្វើអោយ ខ្លួនកិចរថយន្ដនោះ រហូតក្រឡាប់ផ្ងារជើង ។
អ្នកបើកបររថយន្ដ ដឹកស៊ីម៉ងមានឈ្មោះ អ៊ូសារ័ត្ន អាយុ២៧ឆ្នាំ មានប្រពន្ធឈ្មោះ នាងមេន
រស់នៅភូមិត្រពាំងឈូក ឃុំ អង់តាស៊ូ ស្រុកស្វាយជ្រុំ ខេត្តស្វាយរៀង ឯប្រូម្នាក់ទៀតឈ្មោះ មាន រស់នៅភូមិជាមួយគ្នា ក្នុងនោះដែរស៊ីម៉ងទាំងអស់ត្រូវផ្ទេរ ដាក់រថយន្ដផ្សេងចំណែករថយន្ដក្រឡាប់ត្រូវរងចាំយករថយន្ដមកស្ទូច ៕ប៊ុនរិទ្ធី
