ហ្សាការតា ៖ រដ្ឋាភិបាលឥណ្ឌូណេស៊ីបានត្រៀមថវិកាចំនួន ៥០៧,៣៦លានដុល្លារ សម្រាប់សាងសង់អាកាសយានដ្ឋានចំនួន១៦៥នៅតាមបណ្តាទីក្រុងជាច្រើន ក្នុងប្រទេសនៅឆ្នាំក្រោយ ។ លោក Bambang Tjahono អគ្គនាយកផ្នែកព្រលានយន្តហោះនៃក្រសួងដឹកជញ្ជូនបានថ្លែងថា បរិមាណ
៦០% នៃកញ្ចប់ថវិកានេះនឹងបញ្ជូនទៅផ្នែកសាងសង់ព្រលាននៅតំបន់ភាគ ខាងកើតនៃប្រទេស ។ ចំណែកភាគរយដែលនៅសេសសល់ទុកសម្រាប់សង់នៅតំបន់ព្រំដែនណាដែលងាយ នឹងជួបគ្រោះធម្មជាតិ ។
កាលពីមុន លោក Dahlan Iskan រដ្ឋមន្ត្រីទទួលបន្ទុកសហគ្រាសសាធារណៈបានលើកឡើងថា រដ្ឋាភិបាលអាចនឹងមិនកំណត់នូវការអភិវឌ្ឍអាកាសយានដ្ឋានថ្មី ក្នុងតំបន់ជាច្រើនទូទាំងប្រទេសឡើយ បើទោះជាស្ថានភាពជាក់ស្តែងព្រលានយន្តហោះចំនួន៧ក្រៅពីព្រលាន១៣ ស្ថិតក្រោមការគ្រប់គ្រប់ដោយប្រតិបត្តិករសាធារណៈក៏ដោយ ដែលផ្តោតទៅលើការបម្រើសេវាកម្មនៅភាគខាងលិចប្រទេស ។
គម្រោងសាងសងខាងលើគឺដើម្បីកាត់បន្ថយការធ្វើដំណើរតាមដែនទឹក បង្ករឲ្យមានគ្រោះថ្នាក់លិចនាវាសម្លាប់មនុស្សជាច្រើនក្នុងមួយឆ្នាំៗ
