ខេត្តបន្ទាយមានជ័យ៖មន្ត្រីរដ្ឋបាលជលផលស្រុកមង្គលបូរីបានដឹកនាំមន្ត្រីជំនាញចុះបង្ក្រាបបទល្មើសជលផលតាមដៃបឹងទន្លេសាបខេត្តបន្ទាយមានជ័យនិងខេត្តបាត់ដំបងដើម្បីចាត់ការទៅតាមផ្លូវច្បាប់។ការចុះចាប់បទល្មើសនេះកាលពីថ្ងៃពីព្រឹកទី១៤ខែតុលា២០១៤នៅចំណុចដំណាក់ព្រះអង្គ ក្នុងឃុំសំបួរ
ស្រុកមង្គលបូរីខេត្តបនទាយមានជ័យក្បែរព្រំប្រទល់ខេត្តបាត់ដំបង។
លោក ហ៊ី សេងគ្រី នាយសង្កាត់រដ្ឋបាលជលផលស្រុកមង្គលបូរីបានមានប្រសាសន៍ថា៖នៅរដូវបិទនេសាទនេះនាយខណ្ឌរដ្ឋបាលជលផលខេត្តបន្ទាយមានជ័យបានដឹកនាំមន្ត្រីជលផលមង្គលបូរីសហការជាមួយសហគមន៍និងកំលាំងនគរបាលប៉ុស្តិ៍រដ្ឋបាលឃុំសំបួរបានចុះស្រាវជ្រាវរកឃើញឧបករណ៍បទល្មើសនេសាទខុសច្បាប់ត្រូវរុះរើ(លោរ៉ាវ)ប្រវែង៣៥០ម៉ែត្រមានសាច់ម៉ងប្រវែង៣៥០ម៉ែត្រមានបង្គោល៣៥ដើមឡុកចាប់ត្រី១គ្រឿងបោចាប់ត្រី១។
លោកបានបន្តថា៖នៅពេលចុះបង្ក្រាបបទល្មើសនេសាទខុសច្បាប់គឺមន្ត្រីជំនាញបង្ក្រាបបានតែឧបករណ៍នេសាទខុសច្បាប់នាំយកមករក្សាទុកនៅសង្កាត់រដ្ឋបាលជលផលមង្គលបូរីរង់ចាំយកទៅកំទេចចោល តែជនល្មើសកំពុងស្រាវជ្រាវរកចាប់ខ្លួនដើម្បីមានវិធានការតាមច្បាប់។លោក ហ៊ី សេងគ្រី បានសំណូមពរដល់ប្រជាពលរដ្ឋត្រូវបញ្ឈប់ការប្រើប្រាស់ឧបករណ៍នេសាទដែលច្បាប់ហាមឃាត់បើមិនដូច្នោះទេជនល្មើសនឹងមានវិធានការតាមផ្លូវច្បាប់៕
