កំពង់ឆ្នាំង៖ ជនបរទេសទេសប្រុសស្រីចំនួន១៦នាក់ ត្រូវបានមន្ត្រីនគរបាលការិយាល័យជនអន្តោប្រវេសន៍ខេត្ត សហការណ៏ជាមមួយមន្ត្រីនាយកដ្ឋានអន្តោប្រវេសន៍ ធ្វើការឃាត់ខ្លួនយកមកកាន់ស្នងការដ្ឋាននគរបាលខេត្តនៅព្រឹកថ្ងៃទី១៣ ខែតុលា ឆ្នាំ២០១៤ បន្ទាប់ពីបានឆែកឆេរឃើញថា
ពួកគាត់កាន់លិខិតស្នាមសំគាល់ខ្លួនមិនគ្រប់លក្ខណៈ ។ ការឃាត់ជនបរទេសទាំង១៦នាក់ខាងលើនេះ គឺត្រូវបានគេឃើញថា នៅក្នុងខេត្តកំពង់ឆ្នាំង នាយកដ្ឋានជនបរទេស និងមន្ត្រីការិយាល័យជនបរទេសរបស់ស្នងការនគរបាលខេត្តកំពុងសកម្មធ្វើ ការងារជំរឿនជនបរទេសគ្រប់ទីកន្លែងនៅក្នុងខេត្តតាមផែនការថ្នាក់លើ ។
លោក ប៉ាល់ សូត្រ ស្នងការរងនគរបាលខេត្តកំពង់ឆ្នាំង គ្រប់គ្រងការងារជនបរទេសអោយដឹបាននិយាយថាៈ ជនបរទេសទាំង១៦នាក់នោះ គឺមានវៀតណាម១៥នាក់ និង ជនជាតិតៃវ៉ាន់ម្នាក់ ។
ពួកគាត់គ្មានឯកសារចូលមកកម្ពុជាត្រឹមត្រូវទេ ទើបយើងហៅមកអប់រំអោយពួកគាត់ទៅយកលិខតស្នាមដែលពួកគាត់អះអាងថាមាននៅភ្នំពេញ ទើបអាចត្រឡប់មកធ្វើការនិងស្នាក់នៅខេត្តកំពង់ឆ្នាំងវិញ ខណៈដែលពួកគាត់១៥នាក់ជាជនជាតិវៀតណាមកំពុងធ្វើសំណង់នៅសណ្ឋាគារមួយក្នុងក្រុងកំពង់ឆ្នាំង។លោកថា៖បើចង់ដឹងច្បាស់ជាងនេះសូមទៅសួរមន្ត្រីនាយកដ្ឋានជនបរទេសចុះ ។មានប្រភពពីមន្ត្រីការិយាល័យជនអន្តោប្រវេសន៍នេះដែរបានប្រាប់ថា ជនជាតិវៀតណាមមិនមាន លិខិតវីស្សាត្រឹមត្រូវទេ ពួកគេកំពុងធ្វើការនៅសណ្ឋាគារមួយក្នុងក្រុងកំពង់ឆ្នាំង។
ចំណែកជនជាតិតៃវ៉ាន់ កំពុងធ្វើការងារសំណង់នៅស្រុកកំពុងត្រឡាច ជនបរទេសម្នាក់នេះ មានវីស្សាមិនប្រក្រតី លើបញ្ហារូបថតបិទពីលើលិខិតវីស្សានេះ ។ ប្រភពដដែលពីមន្ត្រីខាងលើនេះបានប្រាប់ថាៈ ជនបរទេសទាំង១៦នាក់ ត្រូវបានមន្ត្រីនាយកដ្ឋានដាក់រថយន្តទូរីសមួយគ្រឿងដឹកទៅនាយកដ្ឋានជនអន្តោប្រវេសន៍ នៅរាជធានីភ្នំពេញ ប៉ុន្តែត្រង់ថាយក។
ទៅណាទៀតគឺគេមិនបានដឹងនោះឡើយ ហើយមានគេប្រាប់អ្នកតកព័ត៌យើងថា រឿងតូចតាចមិនបាច់ចុះផ្សាយអីទេ។ប៉ុន្តែអ្នកសារព័ត៌មានយើងយល់ថា បើចុះផ្សាយក៏មិនស្អីដែរ ព្រោះចង់បញ្ជាក់ប្រាប់ថាស្រុកខ្មែរឥឡូវជនបរទេសចង់ចេញចូលតាមិត្តនោះមិនអាចដូចមុនឡើយ៕
