ភ្នំពេញ ៖ប្រជាពលរដ្ឋបានធ្វើការឃាត់ខ្លួនបុរសម្នាក់ពាក់ព័ន្ធទៅនិងករណីប៉ុនប៉ងរំលោភសេពសន្ថវៈទៅលើនារីជាកម្មការនីម្នាក់ប្រគល់ឱ្យប៉ុស្តិ៍នគរបាលចោមចៅកាលពីវេលាម៉ោង១និង១៥នាទីរំលងអធ្រាតឈានចូលថ្ងៃទី៥ខែមិនាឆ្នាំ២០១៤ដែលស្ថិតនៅបន្ទប់ជួលមួយកន្លែងនៅក្នុងភួមិព្រៃទារសង្កាត់ចោមចៅខណ្ឌពោធិ៍សែនជ័យ។ នៅពេលបានដឹងព័ត៌មាននៃការឃាត់ខ្លួននេះក្រុមអ្នកយកព័ត៌មានអោយស្ថាប័នកាសែតនិងទូរទស្សន៏មួយក្រុមបានចុះទៅយកព័ត៌មាននេះក៏បានទៅដល់ប៉ុស្តិ៍ចោមចៅដែលជាកន្លែងឃាត់ជនសង្ស័យយកមកសាកសួរ ពេលទៅដល់អ្នកសារព័ត៌មានយើងបានសួរទៅសមត្ថកិច្ចរកមុខជនសង្ស័យដើម្បីផ្ដិតយករូបភាព តែត្រូវបានសមត្ថកិច្ចនៅប្រចាំការទីនោះប្រាប់ថា ជនសង្ស័យឃាត់ទុកក្នុងបន្ទប់គាត់ខ្ចិលចាក់សោអោយថត
ណាស់ ប៉ុន្តែអ្នកសារព័ត៌មានយើងបានឃើញជនសង្ស័យកំពុងពួននៅក្រោមតុរបស់សមត្ថកិច្ចទៅវិញ មួយសន្ទុះក្រោយមកលោក ម៉ម ហោ មេប៉ុស្ដិ៍ចោមចៅបានជិះម៉ូតូមកនិងបានស្រែកថា បើកភ្លើងហ្វាអីហ្អា ចាំងភ្នែកអញណាស់… ហើយបានស្រែកសួរអ្នកសារព័ត៌មានថា ពួកហ្អែងមកពីខាងណា យប់ស្មើនិងហើយមិនដេកមិនពួនទៀត? ហើយក្រុមអ្នកយកព័ត៌មានបានប្រាប់លោកមេប៉ុស្ដិ៍នោះថា មកពីស្ថាប័នទូរទស្សន
ផ្សេងៗ ហើយខណៈនោះលោកមេប៉ុស្ដិ៍ដែលអាងខ្លួនមានអំណាចបានស្រែកដេញអ្នកយកព័ត៌មានថា គ្មានការអនុញាតមិនអោយចូលកន្លែងរបស់គាត់ទេ ថែមទាំងអ្នកសារព័ត៌មានឈរនៅខាងក្រៅសោះមិនបានចូលទៅក្នុងប៉ុស្ដិ៍របស់គាត់ ហើយទំរាំតែសុំការសហការផ្ដល់ព័ត៌មានគ្រាន់តែរឿងឃាត់ខ្លួនជនសង្ស័យម្នាក់ក៏លោកមេប៉ុស្ដិ៍នេះប្រើពាក្យគំរោះគំរើយ ហាក់បីដូចជាមានអ្វីលាក់បាំងនិងរឿងខាងលើនេះ?
អ្នកយកព័ត៌មានមិនបានដឹងច្បាស់អំពីអត្តសញ្ញាណជនសង្ស័យទេប៉ុន្តែបើតាមសាក្សីដែលត្រូវជាប្អូនរបស់ម្ចាស់ផ្ទះជួលកន្លែងកើតហេតុខាងលើបានឱ្យដឹងថានៅមុនពេលកើតហេតុជនសង្ស័យបានឡើងទៅបន្ទប់លេខ៣៤ជាន់ទី២ក្នុងបំណងចូលចាប់ទៅរំលោភនារីកម្មការីដែលគេងនៅក្នុងបន្ទប់នោះ។ប៉ុន្តែដោយសារតែនារីនោះដឹងខ្លួនទាន់ក៏រត់ចេញមកខាងក្រៅបន្ទប់ស្រែកឆោឡោផ្អើលដល់អ្នកនៅទីនោះហើយក៏
នាំគ្នាចាប់បានជនសង្ស័យយកទៅឱ្យប៉ូលីសប៉ុស្តិ៏នគរចោមចៅទាំងយប់។ បច្ចុប្បន្នជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលចោមចៅទាំងយប់ហើយជនសង្ស័យក៏ត្រូវឃុំខ្លួននៅទីនោះផងដែរ៕ 
