នៅល្ងាចថ្ងៃទី 12-10-2014 បងប្អូនជនជាតិខ្មែរឥស្លាមកម្ពុជាចំនួន ៥០គ្រួសារ បានអញ្ជើញមកថ្លែងអំណរគុណចំពោះលោក ឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ ដែលលោកបានអញ្ជើញ ទៅធ្វើការសម្របសម្រួលដោះស្រាយជូនបងប្អូនខ្មែរឥស្លាមបានជោគជ័យនាពេលថ្មីៗកន្លងមកនេះ ។ បើយោង តាមសំដីរបស់បងប្រុសម្នាក់ឈ្មោះ មូ សើ ភេទប្រុស អាយុ៤៩ឆ្នាំ រស់នៅភូមិ ៤ សង្កាត់ដងទុង ក្រុងខេមរៈភូមិន្ទ ខេត្តកោះកុង គាត់បាននិយាយរៀបរាប់ប្រាប់កម្ពុជាថ្មីថា ៖ បងប្អូនខ្មែរឥស្លាមដែលមានវត្តមានរស់នៅ ក្នុងភូមិឃុំសង្កាត់ខាងលើនេះ មានចំនួន ១៤៧០គ្រួសារ ហើយឈ្លោះប្រកែកគ្នាអស់រយៈពេលជិត១៥ឆ្នាំមកហើយ មិនដែលមើលមុខទុកមាត់គ្នាម្តងណាឡើយ ទើបតែលោក ឡា ឡៃ គាត់បានអញ្ជើញទៅធ្វើ
ការដោះស្រាយគ្នា រវាងគូភាគីទាំងសងខាង កាលពីថ្ងៃទី 05-10-2014 នាពេលថ្មីៗនេះអស់រយៈពេល ២ថ្ងៃ ដោយបានទទួលជោគជ័យជូនពួកគាត់។ បងប្រុសខាងលើគាត់បានបន្តទៀតថា ៖ បញ្ហាជម្លោះរវាងភាគីទាំង២ ក្នុងភូមិតែមួយខាងលើនេះពីរឿងសាសនាហើយរយៈពេល ១៥ឆ្នាំកន្លងមកមិនដែលនិយាយរកគ្នាបន្តិណាឡើយ បែរខ្នងដាក់គ្នាជានិច្ចទើបតែលោកឧត្តមសេនីយ៍ត្រី ឡា ឡៃ គាត់ដឹកនាំប្រតិភូអញ្ជើញចុះទៅធ្វើការ
ដោះស្រាយគ្នាបានសម្រេចជាស្ថាពររួចរាល់មក បានធ្វើអោយពួកគាត់ងាកមកអោបថើបគ្នាមិនត្រឹមតែប៉ុណ្ណោះមានបងប្អូន មួយចំនួនរំភើបពេករហូតដល់ថ្នាក់សម្រក់ទឹកភ្នែកទ្រហោយំទៀតផង ។ បងប្រុសបញ្ជាក់ថា ៖ ទំនាស់គ្នារយៈពេល ១៥ឆ្នាំកន្លងមកនេះវាមិនធម្មតាទេ ហើយថ្នាក់ដឹកនាំទាំងធំទាំងតូចបានទៅធ្វើការដោះស្រាយជាច្រើនលើក អត់ទទួលបានលទ្ធិផលអ្វីទាំងអស់ទើបតែលោក ឡា ឡៃ គាត់បានចុះទៅធ្វើការបង្រួបបង្រួមគ្នា នាព្រឹក ថ្ងៃទី 05-10-2014 នេះបានធ្វើអោយអ្វីៗ ប្រែមុខមាត់ថ្មីងាកមុខរកគ្នាញញឹមសើច
ដាក់គ្នាសប្បាយហាក់បីដូច បងប្អូនទើបតែជួបគ្នាយូរៗម្តង ។ ក្រោយមកបងប្រូស បងស្រីខ្មែរឥស្លាមទាំងនោះគាត់បានលាន់មាត់ប្រាប់កម្ពុជាថ្មីថា ៖ សូមថ្លែងអំណរគុណច្រើនចំពោះលោកឧត្តមសេនីយ៍ត្រី ឡា ឡៃ ដែលបានគិតគូយកចិត្តទុកដាក់ចំណាយពេលវេលាមកធ្វើការដោះស្រាយជូន ពួកគាត់អោយត្រូវរូវគ្នា ហើយរួមគ្នាសាមគ្គីគ្នាជាថ្មីឡើងវិញដោយ មិនប្រកាន់ អ្វីទាំងអស់ សូមអោយព្រះអាឡេះជួយបីបាច់ថែរក្សាអោយបានសុខសប្បាយ៕
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
មន្ទីរពេទ្យភ្នែកខេត្តតាកែវអបអរសាទរទិវាសុខភាពភ្នែកពិការពិភពលោក ឆ្នាំ២០១៤
នៅព្រឹកថ្ងៃទី13-10-2014 មន្ទីរពេទ្យភ្នែកខេត្តតាកែវខេត្តតាកែវបានធ្វើពិធីអបអរសាទរទិវាសុខភាពភ្នែកពិភពលោកឆ្នាំ២០១៤ អង្គពិធីនេះមានការអញ្ជើញចូលរួមជាអធិបតីសំណាក់លោកអនុបណ្ឌិត តែ សេរីបុណ្យ ប្រធានគម្រោងមន្ទីរពេទ្យភ្នែកខេត្តតាកែវ ព្រមទាំងអស់លោក លោកស្រីអនុប្រធានជុំវិញជាច្រើនរូបដែលបានអញ្ជើញចូលរួមក្នុងអង្គពិធី និង
បុគ្គលិកពេទ្យទាំងអស់ និងបងប្អូនប្រជាពលរដ្ឋ ជាអ្នកជំងឺបានអញ្ជើញមកពីតាម បណ្តាខេត្តនានាក៏ដូចជានៅក្នុងខេត្តតាកែវយ៉ាងច្រើនកុះករផងដែរ។ នាឳកាសនោះផងដែរ លោកអនុបណ្ឌិត តែ សេរីបុណ្យប្រធានគម្រោងមន្ទីរពេទ្យភ្នែកតាកែវ បានឡើងមានប្រសាសន៍នៅក្នុងអង្គពិធីនេះថា ៖ ធ្វើយ៉ាងណាជម្រុញអោយសេវាកម្មព្យាបាលភ្នែករបស់យើងដំណើរការអោយបានល្អប្រសើរថែមមួយកម្រិត ទៀត ពីព្រោះប្រទេសយើងជាប្រទេសក្រីក្រជាងគេហើយបងប្អូនប្រជាពលរដ្ឋរបស់យើងមួយចំនួនគាត់នៅខ្វះ អនាម័យ ការថែទាំសុខភាពភ្នែក និងធ្វើការផ្សព្វផ្សាយទៅដល់បងប្អូនយើង ដែលអ្នកមានរោគភ្នែក
សូមមកពិនិត្យហើយភ្នែក និងធ្វើការព្យាបាលជូនបងប្អូននិងមានបុគ្គលិកប្រចាំការគ្រប់ ២៤ម៉ោង បំរើជូន បងប្អូននៅមន្ទីរពេទ្យ ភ្នែកនេះតែម្តងលោកអនុបណ្ឌិត តែ សេរីបុណ្យ បន្តថា ៖ រៀងរាល់អ្នកមានជំងឺភ្នែកត្រូវបញ្ជូនមកពិនិត្យអោយទាន់ពេលនេះជាបញ្ហាយើងត្រូវបង្កា និងព្យាបាលដើម្បីឆ្លើយតបតាមតម្រូវការរបស់បងប្អូនអ្នកជំងឺ ហើយមន្ទីរពេទ្យភ្នែក យើងមានអង្គកាជាដៃគូជាច្រើនបានព្យាយាមរួមចំណែកយ៉ាងសកម្មទៅព្យាបាលកនល្ងមកបានព្យាបាលចំនួន ៣៧០ពាន់នាក់ មកហើយ នៅទូទាំងប្រទេសយើងហើយគ្រូពេទ្យឯកទេសយើងនិងបណ្តុះ បណ្តាលជាបន្តបន្ទាប់ដើម្បីឆ្លើយតបតាមតម្រូវការ៕
