កំពង់ធំ÷ នៅព្រឹកថ្ងៃទី១៥ ខែធ្នូ ឆ្នាំ២០២៣
ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធានសមាគមអតីតយុទ្ធជនកម្ពុជាខេត្តកំពង់ធំ បានដឹកនាំសហការី ទៅសំណេះសំណាលសាកសួរសុខទុក្ខអតីតយុទ្ធជនចំនួន៣រូប ដែលរងរបួសដោយគ្រោះថ្នាក់ចរាចណ៍ នា
ពេលថ្មីៗ កន្លងទៅនេះ ដែលបច្ចុប្បន្នកំពុងសម្រាកព្យាបាលជំងឺរបួសនៅគេហដ្ឋានស្ថិតនៅលើដីសម្បទានសង្គមកិច្ចនៅសម្រាប់ផ្ដល់ជូនអតីតយុទ្ធជន នៅឃុំក្រយាស្រុកសន្ទុក ខេត្តកំពង់ធំ គឺ១-លោកអនុសេនីយ៍ឯក ឈឹម គឹមសឿន ២-លោកអនុសេនីយ៍ឯក អៀង ស៊ីថា និងទី៣ លោកអនុសេនីយ៍ឯក ប៉ិល វឿន។
ឧត្តមសេនីយ៍ទោ សោម ស៊ុន បានមានប្រសាសន៍ថា គណៈកម្មាធិការសមាគមអតីតយុទ្ធជនកម្ពុជា តែងតែបានគិតគូរពីសុខទុក្ខ បងប្អូនអតីតយុទ្ធជន ដែលមានទុក្ខលំបាក ហើយជាប្រពៃណី ដែលយើងតែងតែជួយគ្នាទៅវិញទៅមកក្នុងគ្រាជួបការលំបាក ឬជួបបញ្ហាគ្រោះថ្នាក់ផ្សេងៗ និងបានណែនាំដល់បងប្អូនអតីតយុទ្ធជនទាំង៣រូប ត្រូវខិតខំព្យាបាលជំងឺ អនុវត្តឱ្យបានត្រឹមត្រូវតាមការណែនាំរបស់វេជ្ជបញ្ជាក្រុមគ្រូពេទ្យ និងសូមជូនពរឱ្យបានឆាប់ជាសះស្បើយពីរបួស និងជំងឺផ្សេងៗ ។
អតីតយុទ្ធជនទាំងបីរូប បានសូមគោរពថ្លែងអំណរគុណដ៏ជ្រាលជ្រៅជាទីបំផុត ចំពោះសម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នីព្រមទាំងឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធានសមាគមអតីតយុទ្ធជនកម្ពុជាខេត្តកំពង់ធំ ដែលបានដឹកនាំសហការី មកសាកសួរសុខទុក្ខ នឹងបាននាំយកនូវថវិកា ព្រមទាំងស្បៀងអាហារ គ្រឿងឧប ភោគបរិភោគ មួយចំនួនមកជួយឧបត្ថម្ភដល់ពួកគាត់ ដែលកំពុងសម្រាកព្យាបាលជំងឺដោយគ្រោះថ្នាក់ចរាចរណ៍នៅពេលនេះ និងបានគោរពថ្លែង អំណរគុណសម្ដេចធិបតី លោកជំទាវបណ្ឌិត និងឧត្តមសេនីយ៍ទោ សោម ស៊ុន រួមជាមួយក្រុម ការងារនៃ គណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ ទាំងអស់ ដែលតែងតែមានគុណធម៌ជួយដល់បងប្អូនអតីតយុទ្ធជន ក្នុងគ្រាលំបាក និងសូមគោរពជូនពរឯកឧត្តមមេបញ្ជាការ និងថ្នាក់ដឹកនាំទាំងអស់ សូមមានសុខភាពល្អនិងទទួលបានជោគជ័យគ្រប់ភារកិច្ច ។
នៅក្នុងឱកាសនេះ គណៈកម្មាធិការសមាគមអតីតយុទ្ធជនកម្ពុជាខេត្ត បាននាំយកថវិកា និងអំណោយរបស់សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ឧបត្ថម្ភជូនអតីតយុទ្ធជនទាំង៣គ្រួសារ ដោយក្នុង១គ្រួសារទទួលបាន អង្ករចំនួន៥០គីឡូក្រាម មីជាតិ ២កេស ទឹកត្រីទឹកស៊ីអ៊ីវចំនួន២យួរ ត្រីខកំប៉ុងចំនួន២យួរ និងថវិកាមួយចំនួន ផងដែរ៕ អត្ថបទតំបន់សឹករងកំពង់ធំ
