សៀមរាប : ករណីគ្រោះថ្នាក់ចរាចរណ៍មួយករណីនេះបានកើតឡើងកាលពីវេលាម៉ោង១៨ : ៤០ នាទីថ្ងៃទី១៥ខែតុលាឆ្នាំ២០១៤ ស្ថិតនៅលើផ្លូវជាតិឆ្ពោះទៅភ្នំក្រោមក្នុងភូមិអារញ សង្កាត់សៀមរាប ក្រុង និង ខេត្តសៀមរាប ។ សមត្ថកិច្ចនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាបដែលបាន
ចុះទៅធ្វើការវាស់វែងនៅនិងកន្លែងកើតហេតុបានអោយដឹងថាហេតុការណ៍ខាងលើគឺបណ្តាលមកពីអ្នកបើករថយន្តម៉ាកទីកូដែលបានបើកពីទិសខាងត្បូងទៅជើងបញ្ច្រាសទិសគ្នាជាមួយនិងអ្នកបើកម៉ូតូសង់ពេលដែលបើកមកដល់ត្រង់ ចំណុចកើតហេតុដោយអ្នកបើករថយន្តម៉ាកទីកូខ្វះការប្រុងប្រយ័ត្នផងនោះបានរេចង្កូតមកបុកជាមួយនិងម៉ូតូពីមុខ
យ៉ាងពេញទំហឹងបណ្តាលអោយបុរសម្នាក់ដែលបើកម៉ូតូទទួលរងរបួសធ្ងន់ រួចត្រូវបានសមត្ថកិច្ចបញ្ជូនជនរងគ្រោះទៅសង្គ្រោះភ្លាមៗនៅមន្ទីពេទ្យ ដោយឡែកចំពោះបុរសដែលបានបើករថយន្តបង្កពេលដែលឃើញហេតុគ្រោះថ្នាក់ធ្ងន់ធ្ងរក៏បានរត់គេចខ្លួនបាត់បន្សល់ទុកតែរថយន្តនៅនិងកន្លែងកើតហេតុ ។
បច្ចុបន្នទាំងរថយន្តនិងម៉ូតូត្រូវបានសមត្ថកិច្ចយកមករក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាបរងចាំម្ចាស់រថយន្តបង្កហេតុចូលខ្លួនមកធ្វើការដោះស្រាយទៅតាមនីតិវិធី តាមក្រោយ ៕ លោក ខេង ខេមរា
