ត្បូងឃ្មុំ៖ពិធីចែកគោគួរបាន«គោសម្រាប់សំឡេះក្នុងពិធីបុណ្យ» ត្រូវបានធ្វើឡើងកាលពីពេលថ្មីៗនេះ ស្ថិតនៅក្នុងស្រុកតំបែរ ក្រោមអធិបតីភាពលោក លុក ម៉ានហាកឹម ពិនសាំអូន នាយកដ្ឋានអប់រំខេត្ត ជូ ហ៊ួរម៉ាឡេស៊ី និងលោក ឆឹង ពិសិដ្ឋ អភិបាលស្រុកតំបែរ
លោក ម៉ាហៀក យូសុះ ប្រធានសមាគមន៍អាល់រស់ម៉ះកម្ពុជាបានអោយដឹងថាសមាគមន៍ បានសហការជាមួយនិងអង្គការមួយចំនួនមកពីប្រទេសម៉ាឡេស៊ី ក្នុងការអនុវត្តគម្រោងមួយចំនួននៅក្នុង សហគមន៍ ដោយបានចែកអណ្តូងស្នប់ចំនួនប្រមាណ២៦៦អណ្តូង នៅក្នុ្ងងខេត្តកំពង់ចាម ក្រចេះ និងកំពង់ឆ្នាំង មានចំនួនភូមិសរុបប្រមាណ៨៧ភូមិ។
លោកប្រធានសមគមន៍ អាល់រស់ម៉ះ កម្ពុជាបន្តថាអំណោយស្រាយបួសបានផ្តល់ជូនសហគមន៍ឥស្លាម ក្នុងខែម៉ាទន មានផ្តល់ប្រាក់ឧបត្ថម(លុយស៊ីកាត់) ចែកជូនដល់ប្រជាពលរដ្ឋ ជាគ្រួសារក្រីក្រ និងគម្រោងចែកគោគួរបាននៅតាមសហគមមន៍អីស្លាម។ជាក់ស្តែងនៅឆ្នាំនេះ សហគមន៍ទទួលបានបានគោគួរបានចំនួន៤៤៤ក្បាលចែកជូនដល់ប្រជាពលរដ្ឋនៅក្នុង ខេត្តកំពង់ចាម ក្រចេះ ត្បូងឃ្មុំ កំពង់ឆ្នាំង ពោធិសាត់ សៀមរាប និងខេត្តស្ទឹងត្រែង។
ទន្ទឹមនោះដែរខាងវិស័យសិក្សាធិការសមាគមន៍ បានអនុវត្តន៍គម្រោងមួយចំនួនដូចជាបង្រៀនការទន្ទេញគម្បីរអាល់គួរអាននៅតាមវិហាអីស្លាមចំនួន១០ដែលមានសិស្សសរុបចំនួនសរុប២៧០នាក់។ អនុវត្តន៍និងផ្តល់ ការឧបត្ថមលើគម្រោងសាលារៀនបឋមសិក្សាអីស្លាមចំនួន២កន្លែង គឺនៅក្នុងភូមិព្រែកតាហុប ខេត្តក្រចេះ និងភូមិដំណាក់ពពេល ខេត្តត្បូងឃ្មុំ។
នៅក្នុងឆ្នាំសិក្សា ២០១៤-២០១៥ នេះសមាគមន៍បានសហការជាមួយសាលារៀនអីស្លាមសែនចំរើន និងបង្កើតកម្មវិធីសិក្សាដែលមានបង្រៀនទាំងកម្មវិធីជាតិនិងកម្មវិធីអីស្លាម នៅក្នុងភូមិ សែនចំរើន ឃុំសេដា ស្រុកតំបែរ ខេត្តត្បូងឃ្មុំ។ ក្នុងឪកាសនោះដែរ លោក ឆឹង ពិសិដ្ឋ អភិបាលស្រុកតំបែរបានរំលឹកថា កាលពីក្នុងរបបប្រល័យ ពូជសាសន៍ប៉ុលពតប្រជាពលរដ្ឋកម្ពុជាស្លូតត្រង់រួមនិងខ្មែរអីស្លាមផងត្រូវបានយកទៅសម្លាប់ និងបង្អត់ អាហារមិនអោយទទួលទានគ្រប់គ្រាន់ ហើយបានបង្ខំអោយខ្មែរអីស្លាមហូបសាច់ជ្រូកខុសប្រពៃណី។
ក្រោយថ្ងៃរំដោះ៧មករា ១៩៧៩ ប្រទេសជាតិត្រូវបានរំដោះចេញពីវាលពិឃាតមកដល់សព្វថ្ងៃក្រោម ការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវបានអភិវឌ្ឃន៍តាំងពីទីក្រុងរហូតដល់ទីជនបទដាច់ស្រយាល ៕
