បន្ទាយមានជ័យៈ មេបញ្ជាការវរៈការពារព្រំដែនទាំង៤ ក្នុងខេត្តបន្ទាយមានជ័យ ត្រូវបានអគ្គស្នងការរងនគរបាលជាតិទទួលការងារព្រំដែនទិសភូមិភាគទី៤និង៥ ព្រមាននិងអោយធ្វើកិច្ចសន្យា ជាលើកទី៣ បើនៅតែបន្តអោយមានការនាំទំនិញគេចពន្ធ ឬបទល្មើសឆ្លងព្រំដែនក្នុងតំបន់ដែលខ្លួនគ្រប់គ្រង
និងបង្កើតអោយមានស្ពាន និងខ្សែររ៉តឆ្លងអូរព្រំដែន នឹងត្រូវទទួលទោសតាមផ្លូវច្បាប់ ឬក៏ឈានដល់ជាប់គុកច្រវ៉ាក់ ។
ការព្រមាននេះធ្វើឡើងក្នុងកិច្ចប្រជុំបន្ទាន់មួយ ដែលមានអាជ្ញាធរខេត្តបន្ទាយមានជ័យចូលរួម នៅនិងសាលប្រជុំស្នងការខេត្តបន្ទាយមានជ័យ នារសៀលថ្ងៃទី០៩ តុលា ២០១៤ បន្ទាប់ពីមានសារព័ត៍មានចុះផ្សាយបន្តបន្ទាប់ពីសកម្មភាពបទល្មើសឆ្លងដែន ក្នុងខេត្តនេះផងដែរ ។
ឯកឧត្ដមគោ ស៊ុំសារឿត អភិបាលខេត្តបន្ទាយមានជ័យក៏បានសង្កត់ធ្ងន់ផងដែរថា: នេះជាកិច្ចប្រជុំបន្ទាន់មួយ ខណៈបានទទួលពត័មាននៅតានព្រំដែន ថានៅតែមានបទល្មើស ទំនិញគិចពន្ធ ការនាំចូល ឆ្អឹង សាច់មាន់ខូចគន់ភាពដោយមានស្ពាន និងខ្សែររ៉ត ឆ្លងអូព្រំដែន ការនាំចូលរថយន្តចង្កូតស្ដាំខុសច្បាប់ ការចរាចរណ៍ឈើគ្រញួងតាមព្រំដែន និងការបើកអោយមានពលករចេញចូលតាមតំបន់ដែល នគរបាលព្រំដែនកាន់កាប់។
លោកបន្តថា: បច្ចុប្បន្នបទល្មើសទាំងអស់តាមព្រំដែន ត្រូវបានរាជរដ្ឋាភិបាល និងថ្នាក់ដឹកនាំគ្រប់ថ្នាក់ បានដាក់បញ្ជាយ៉ាងតឹងរឹង ហាមដាច់ខាត់មិនអោយកើតមាននៅតាមព្រំដែន ហើយមេវរ:មួយចំនួនក៍ ធ្លាប់បានធ្វើកិច្ចសន្យា២ទៅបីដងដែរ ក្នុងនោះក្រុមការប្រឆាំងអំពើពុករលួយ ក៏បានចុះតាមដានរឿងនេះ ប្រសិនបើបុគ្គលណាម្នាក់នៅតែមិនមិនកែប្រែអ្នកនោះ ប្រឈមនិងទទួលខុសត្រូវចំពោះមុខច្បាប់។
ឯកឧត្ដម ខេង សុមេធ អគ្គស្នងការរងនគរបាលជាតិ ទទួលការងារព្រំដែនមានប្រសាសន៍បន្ថែមថា: នេះជាលើកចុងក្រោយបើ មេបញ្ជាការវរៈការពារព្រំដែនទាំង៤ រួមមាន មេវរៈការពារព្រំដែន៨៩១, ៩១១, ៨០៧, ៨១៥ នៅតែបន្តអោយមានចរាចរណ៍បទល្មើសឆ្លងដែនទាំងចូល និងចេញ ឬក៏មិនព្រមរោះរើរស្ពាន និងខ្សែររ៉ត ដែលទុកសម្រាប់ចម្លងមនុស្ស ឬទំនិញ នឹងទទួលទោសតាមច្បាប់រដ្ឋបាល ហើយនិងអាចឈានដល់ការឃុំខ្លួន ។
បញ្ជាក់ផងដែរថា រាល់គ្រប់បទល្មើសដែលកើតមាននៅក្នុងភូមិសាស្ដ្រខេត្តដែល
ពុំមានការបង្ក្រាបគឺ សុទ្ធតែសមត្តកិច្ច ទទួលប្រយោជន៍ តែបើមិនបានវិញនោះនិងត្រូវមានឃាត់ចាប់ផាកវិន័យ ឬដាក់ទោសទណ្ឌ
តាមនិតិវិធីច្បាប់៕
