សៀមរាប : ហេតុការណ៍ខាងលើនេះបានកើតឡើងកាលពីយប់ថ្ងៃទី១២ខែតុលាឆ្នាំ២០១៤កន្លងទៅរហូតមកថ្ងៃទី១៤ខែតុលា នេះ ទើបសមត្ថកិច្ចបង្ហាញមុខក្រុមក្មេងទំនើងទាំង៣នាក់នេះដល់អ្នកយកព័ត៍មានជាសាធារណះ ។ លោក វរសេនីយ៍ត្រី ណុប សារ៉ាក់ អធិការនគរបាលស្រុកវ៉ារិន
ខេត្តសៀមរាប បានអោយដឹងថា ដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប និង លោក នាក់ ណេរ៉ុន អភិបាលស្រុកនិងជាប្រគណះបញ្ជាការឯកភាពស្រុកវ៉ារិន ខេត្តសៀមរាប 
ក៏ដូចជាដើម្បីធ្វើអោយការអនុវត្តនូវគោលនយោបាយភូមិ ឃុំមានសុវត្ថិភាពអោយកាន់តែទទួលបាននូវប្រសិទ្ធភាពខ្ពស់ផងនោះទើបក្រុមក្មេងទំនើងទាំង៣នាក់នេះដែលបានធ្វើសកម្មភាពនាំគ្នាស្ទាក់វៃមកលើជនរងគ្រោះនិងដំបងនៅត្រង់ចំណុចលើស្ពានទីខាងជើងវត្តស្រែណូយ ស្ថិតនៅក្នុងភូមិវត្ត ឃុំ ស្រែណូយ ស្រុកវ៉ារិន ខេត្តសៀមរាប នេះមិនអាចរត់គេចពីសមត្ថកិច្ចជំនាញបានឡើយ ។ លោក វរសេនីយ៍ត្រី ណុប សារ៉ាក់ បានបន្តអោយដឹងទៀតថា ក្រុមក្មេងទំនើងទាំង៣នាក់នេះ ១ មានឈ្មោះ ម៉ៅ ង៉ា ភេទ ប្រុស អាយុ ២០ ឆ្នាំ មុខរ
បរជាកសិករ រស់នៅ ក្នុងភូមិវត្ត ឃុំ ស្រែណូយ ស្រុកវ៉ារិន ខេត្តសៀមរាប ២ មានឈ្មោះ លន់ ថុង ភេទ ប្រុស អាយុ១៧ ឆ្នាំ មានមុខរបរជាសន្តិសុខ របស់ក្រុមហ៊ុនខ្មែរហាន់ថើរស៊ីឃ្យូសិរីស ខូ អិល ធី ឌី រស់នៅក្នុងភូមិស្រែពោធ៍ ឃុំ ស្រែណូយ ស្រុកវ៉ារិន ខេត្តសៀមរាប និងទី៣ មានឈ្មោះ ស៊ាង ឡោះ ហៅ ឡេះ ភេទប្រុស អាយុ ២០ ឆ្នាំ រស់នៅក្នុងភូមិ ខ្នារក្រៅ ឃុំ កន្ទួត ស្រុកស្វាយលើ ខេត្តសៀមរាប ។
ដោយក្មេងទំនើងទាំង៣នាក់នេះនៅយប់ថ្ងៃកើតហេតុខាងលើពួកគេបានធ្វើសកម្មភាពវៃមកលើជនរងគ្រោះខណះពេលដែលជនរងគ្រោះបានជិះម៉ូតូមកពីទិញទារអាំងពេលដែលមកដល់ត្រង់ចំណុចកន្លែងកើតហេតុខាងលើពួកក្រុមក្មេងទំនើងទាំង៣នាក់នេះក៏បាននាំគ្នាស្ទាក់វៃមកលើជនរងគ្រោះនិងដំបងបណ្តាលអោយជនរងគ្រោះរងរបួសបែកលើចុងចញ្ចើមខាងស្តាំមួយកន្លែងយ៉ាងធ្ងន់ផងដែរ ។
លោក វរសេនីយ៍ត្រី ណុប សារ៉ាក់ អធិការនគរបាលស្រុកវ៉ារិន ខេត្តសៀមរាប បានអោយដឹងទៀតថាបន្ទាប់ពីសមត្ថកិច្ចនគរបាលស្រុកវ៉ារិនបានទទួលនូវពាក្យបណ្តឹងពីជនរងគ្រោះនិងបានធ្វើការចាប់ឃាត់ខ្លួនជនដៃដល់ទាំងអ្នកនេះបានជាបន្តបន្ទាប់រួចយកមកកាន់អធិការដ្ឋាននគរបាលស្រុកនិងបានធ្វើការសួរនាំចំពោះជនដៃដល់ទាំង៣នាក់ហើយនោះពួកគេបានឆ្លើយសារភាពថាពួកគេពិតជាបានប្រព្រឹត្តនូវករណីហិង្សាដោយមានស្ថានទម្ងន់ទោសពិតប្រាកដមែន ។
ជាប់ពាក់ព័ន្ធជុំវិញបញ្ហានេះសមត្ថកិច្ចបានបញ្ជាក់ថាគឺបណ្តាលមកពីជនដៃដល់ទាំង៣នាក់នេះផឹកស្រាស្រវឹងរួចក៏បាននិយាយគ្នាជាមួយបក្ខពួកថាចាំវៃជនរងគ្រោះសិនចាំទៅផ្ទះមួយសន្ទុះក្រោយមកជនដៃដល់ទាំង៣នាក់ក៏បាននាំគ្នាធ្វើសកម្មភាពខាងលើតែម្តងដោយសមត្ថកិច្ចបានបញ្ជាក់ទៀតថាជនរងគ្រោះនិងជនដៃដល់មិនដែលស្គាល់គ្នាហើយក៏គ្មានទំនាស់និងគ្នាពីមុនមកទេគឺបណ្តាមកជនដៃដល់ទាំង៣នាក់ស្រវឹងស្រាទើបពួកគេធ្វើសកម្មភាពវៃមកលើជនរងគ្រោះតែម្តង ។ បច្ចុប្បន្នក្រុមក្មេងទំនើងទាំង៣នាក់នេះត្រូវបានសមត្ថកិច្ចចំណាត់ការទៅតាមនីតិវិធីជាបន្ត៕ ដោយ លោក ខេង ខេមរា
