ខេត្តបន្ទាយមានជ័យ
គួឲ្យហួសចិត្តណាស់ស្ត្រីម្នាក់គ្រាន់តែកំពុងឈរមើលស្រែនៅចិញ្ចើមថ្នល់ជាតិសុកៗសោះស្រាប់តែមានរថយន្តហាលេដឺបើកមកបុកទាំងទទឹងទិសបណ្តាលឲ្យស្លាប់ភ្លាមនៅកន្លែងកើតហេតុតែម្តង។គ្រោះថ្នាក់ចរាចរនេះកើតឡើងនៅវេលាម៉ោង ១ថ្ងៃត្រង់ទី១៦ខែតុលាឆ្នាំ២០១៤នៅតាមបណ្ដោយផ្លូវជាតិលេខ06 ស្ថិតក្នុងភូមិព្រៃមាន់ឃុំរហាល ស្រុព្រះនេត្រព្រះខេត្តបន្ទាយមានជ័យបង្ករ។សមិត្តកិច្ចនៅស្រុកព្រះនេត្រព្រះបានឲ្យដឹងថាមុនកើតហេតុនោះគេបានឃើញរថយន្តម៉ាកហាលេដឺពណ៌ស្ករពាក់ស្លាក់លេខភ្នំពេញ ២k.៤00២បើកបរ
ដោយជនមិនស្គាល់អត្តសញ្ញាណបើក ពីលិចទៅកើតលុះដល់ចំណុចកើតហេតុរថយន្តនោះបានរេចង្កូតពីត្បូងទៅជើងវិញក៏ទៅបុកជនរងគ្រោះកំពុងឈរមើលស្រែនៅលើចិញ្ចើមថ្នល់ជាតិបណ្ដាលឲ្យស្លាប់និងកន្លែងកើតហេតុតែម្តងរីឯរថយន្តបងកហោះទៅធ្លាក់នៅវាលស្រែក្រោយពេលកើតហេតុរួចជនបង្កក៏បើកទ្វារចេញពីរថយន្តគេចខ្លួនបាត់តែម្តង។សមិត្ត
កិច្ចបានបញ្ជាក់ថាជនរងគ្រោះមានឈ្មោះ ពេញ វៀន ភេទស្រីអាយុ 60ឆ្នាំរស់នៅភូមិកើតហេតុខាងលើចំណែកសពត្រូវបានសមិត្តកិច្ចប្គល់ទៅឲ្យក្រុមគ្រសារដើម្បីយកទៅធ្វើបុណ្យតាប្រពៃណីនៅផ្ទះរបស់សព។ចំណែករថយន្តបង្កវិញត្រូវបាននគបាលស្រុកព្រះនេត្រព្រះយកទៅរក្សារទុកនៅអធិការស្រុកព្រះនេត្រព្រះរងចាំការដោះស្រាយនៅពេលក្រោយ៕
