ក្រចេ៖ពិធីចែកឯកសារសៀវភៅប្រវត្តិសាស្ត្រកម្ពុជាប្រជាធិបតេយ្យក្នុងអំឡុងឆ្នាំ (១៩៧៥ ទៅ ដល់ឆ្នាំ ១៩៧៩) សិស្សានុសិស្ស នៃវិទ្យាល័យ ព្រះកុសុមៈ និង វិទ្យល័យក្រចេះក្រុង និងនិស្សិតនៃ សាកលវិទ្យាល័យ គ្រប់គ្រងនិង សេដ្ឋកិច្ច (UME) កាលពីព្រឹកថ្ងៃទី ០៥ ខែ មិនា ឆ្នាំ ២០១៤ ស្ថិតនៅក្នុងសាលាសាកលវិទ្យាល័យគ្រប់គ្រង និង សេដ្ឋកិច្ចខេត្តក្រចេះ។
នាឱកាសនោះលោក គឹម ធន នាយករងនៃសកលវិទ្យាល័យ គ្រប់គ្រង និង សេដ្ឋកិច្ច បានមានប្រសាសន៍ថា នេះគឺជាទិវាប្រកបដោយសេចក្តីរីករាយយ៉ាងក្រៃលែង ដែលក្រសួងអប់រំ យុវជន និង កីឡា ព្រមទាំង មណ្ឌលឯកសារកម្ពុជា និង សាខាសាកលវិទ្យាល័យគ្រប់គ្រងនិងសេដ្ឋកិច្ច បានរៀបចំកម្មវិធីនេះឡើងក្នុងគោលបំណងដើម្បីលើកស្ទួយវិស័យអប់រំឱ្យកាន់តែមានប្រសិទ្ធិភាពឡើងទ្វេដងទៅដល់សិស្ស និស្សិតដែលកំពុងតែសិក្សាបន្តនៅសាលារដ្ឋនិង សាលាឧត្តមសិក្សា នាពេលបច្ចុប្បន្ន។ លោក នាយករងនៃសាខាសាកលវិទ្យាល័យគ្រប់គ្រងនិងសេដ្ឋកិច្ចបានបន្តឱ្យដឹងថា វិស័យអប់រំ គឺជាកត្តាសំខាន់សម្រាប់ផ្តល់ចំណេះដឹងដល់សិស្ស និស្សិត និងដើម្បីចូលរួមចំណែកក្នុងការអភិវឌ្ឍន៍ប្រទេសជាតិឱ្យកាន់តែមានការរីកចំរើន។
ចំណែកលោក ឌី ខាំបូលី អ្នកនិពន្ធសៀវភៅប្រវត្តិសាសន៍កម្ពុជាប្រជាធិបតេយ្យបានមានប្រសាសន៍ថា ការនិពន្ធ នឹងចងក្រងសៀវភៅនេះឡើង ក្នុងគោលបំណង ដើម្បីឱ្យយុវជន យុវនារីបានយល់ច្បាស់អំពីប្រវត្តិសាស្ត្រ និងភាពជូចត់របស់ប្រទេសកម្ពុជានាសម័យកម្ពុជាប្រជាធិបតេយ្យដែលដឹននាំដោយ សាឡុតស ហៅ (ពលពត) ធ្វើឱ្យប្រជាជនកម្ពុជាស្លាប់យ៉ាងរង្គាល ដែលបង្កឱ្យប្រជាជនជាង ២លាននាក់ស្លាប់បាត់បង់ជីវិតយ៉ាងអនោចអធ័ម។
នៅក្នុងឱកាសនោះផងដែរ លោក ស្រី ទន់ សាអ៊ីម អនុរដ្ឋលេខាធិការនៃក្រសួង អប់រំ យុវជន និងកីឡា បានលើកឡើងថា នេះគឺជា ស្នាដៃមួយដែលកូនខ្មែរបានចងក្រងនូវសៀវភៅប្រវត្តិសាសស្ត្រដ៏មានសារៈដើម្បីបញ្ចៀបឱ្យកាន់តែច្បាស់អំពីប្រវត្តិសាសន៍របស់កម្ពុជា ទៅកាន់ប្រជាពលរដ្ឋទូទាំងប្រទេស និងដល់យុវជន យុវនារីជំនាន់ក្រោយត្រូវដឹងអំពី ភាពឈឺចាប់របស់យុវជន យុវនារីជំនាន់នោះដែលបានរងគ្រោះយ៉ាងអយុត្តិធម៌។ លោក ស្រីបានបន្តបន្ថែមថា ដូច្នេះយុវជន យុវនារីត្រូវសិក្សាអំពីប្រវត្តិសាស្ត្រដ៏ជូចត់ដែលបានចងក្រងនៅក្នុងសៀវភៅដើម្បីឱ្យកាន់តែយល់ដឹងច្បាស់។
