បាត់ដំបង:មានការភ្ញាក់ផ្អើលពីសំណាក់សិស្សសាលាក៏ដូចជាព្រះសង្ឃដែលគង់នៅក្នុងទីអារាមខណ:ដែលបានប្រទះឃើញបំណែកសពទារកម្នាក់ដែលត្រូវបានគេយកទៅបោះចោលក្នុងវត្តលៀបស្ថិតក្នុងសង្កាត់ចំការសំរោង ក្រុងបាត់ដំបង ខេត្តបាត់ដំបង ហើយត្រូវបានសត្វឆ្កៃខាំហែកចែកគ្នាសុីកាលពីព្រឹកថ្ងៃទី 17-10-14 រហូតដល់ព្រះសង្ឃប្រមូលយកទៅដុតចោល.
។
មានព្រះសង្ឃមួយអង្គដែលគង់នៅក្នុងទីអារាមនេះបានមានសង្ឃដិកាថា នៅព្រឹកថ្ងៃទី17នេះ
ពេលដែលព្រះអង្គកំពុងនិមន្តក្បែចេតីយ៍ស្រាប់តែហាក់ដូចជាមានក្លិនស្អុយអ្វីម្យ៉ាង លុះពេលដែលរកមើលក៏ស្រាប់តែឃើញមានបំណែកសពរបស់ទារកដែលទើបនឹងកើតត្រូវបានឆ្កែកំពុងខាំអូសសុីនៅត្រង់ចន្លោះចេតីយ៍ដោយសពនេះបាត់ក្បាល បាត់ទ្រង់ទ្រាយជាមនុស្ស
ទៅហើយព្រោះមិនអាចមើលដឹងថាជាប្រុស ឬស្រីផង. មិនត្រឹមតែប៉ុណ្ណោះសពនេះក៏មានទាំងដង្កូវធំៗថែមទៀត ដោយមិនដឹងថាមានគេយកមកចោលតាំងពីពេលណានោះទេដោយគេច្រកនៅក្នុងថង់ផ្លាស្ទិកព៌ណស. ។ព្រះអង្គបានមានសង្ឃដិកាបន្តថា ក្រោយពីមិនអាចទប់ទល់នឹងក្លិនដ៏អសោចនេះបានទើបព្រះអង្គសំរេចពិតទៅព្រះចៅអធិការហើយក៏បានប្រមូលសំរាម
និងអុសមកគរបូជានៅក្បែចេតីយ៍នោះតែម្តងដើម្បីកុំអោយជះក្លិនពាសវាលពាសកាល ប៉ុន្តែការធ្វើរបៀបនេះព្រះអង្គដឹងថាខុសនឹងផ្លូវច្បាប់ព្រោះមិនបានផ្តល់ដំណឹងដល់សមត្ថកិច្ចជំនាញអោយចុះមកត្រួតពិនិត្យ ដោយគ្រាន់តែយល់ថាវាគឺជាបំណែកសពតែប៉ុណ្ណោះ. ហើយក៏មិនតិចថ្ងៃដែរដែលទារកនេះត្រូវបានគេយកមកដាក់ចោលនៅក្បែចេតីយ៍នេះប៉ុន្តែ
គ្មានអ្នកណាចាប់អារម្មណ៍ លុះដល់មានឆ្កែអូសព្រមទាំងមានក្លិនស្អុយផងនោះទើបបានដឹង. ។
រឿងនេះកម្ពុជាថ្មីបានទំនាក់ទំនងសួរនាំទៅអធិការដ្ឋាននគរបាលក្រុងដែរតែពុំមាននរណា
ដឹងនោះទេដោយសារតែមិនមានអ្នករាយការ ប៉ុន្តែគេនឹងចាត់កំលាំងប៉ុស្តិ៍អោយចុះទៅពិនិត្យនិងសួរនាំដល់ព្រះសង្ឃដែលគង់នៅក្នុងទីអារាមនេះ. ៕
