ខេត្តបន្ទាយមានជ័យ៖
បុរសម្នាក់បើកម៉ូតូជាន់មីនចំនួន១គ្រាប់ បណ្តាលអោយផ្ទុះលឺកក្រើកផ្អើលពេញភូមិ សំណាង
ល្អផងដែរ ដែលពុំមានកាគ្រោះថ្នាក់ដល់ ជនរងគ្រោះណាទាំងអស់ស្របពេលដែលបុរសខាង
លើធ្វើដំណើរចេញពីភូមិឆ្ពោះទៅព្រំដែនកម្ពុជាថៃ ហើយបើកម៉ូតូជាន់មីនប៉ះចំកង់ខាងក្រោយ
បណ្តាលអោយផ្ទុះខ្ទេចប៉ែកកង់ខាងក្រោយទាំងស្រុងតែម្តង។
ក្នុងហេតុការផ្ទុះមីនខាងលើនោះ គឺកើតមាននៅក្នុងម៉ោង១០ ៤០នាទីព្រឹក ថ្ងៃទី១៧ ខែតុលា
ឆ្នាំ២០១៤ ស្ថិតនៅក្នុងភូមិចាន់គីរី ឃុំអូស្រឡៅ ស្រុកម៉ាឡៃ ខេត្តបន្ទាយមានជ័យ ខណះ
ដែលមានបុរសម្នាក់បើកម៉ូតូតែម្នាក់ឯងសេរី២០១៣កាំធំ ពណ័ខ្មៅ ចេញពីភូមិខាងលើឆ្ពោះ
ទៅព្រំដែនកម្ពុជាថៃ ហើយក៏ជាន់មីនប្រភេទម៉ាកស្មាច់ ដែលជាគ្រាប់មីនងាយផ្ទុះបំផុតក្នុងការ
កាត់ផ្តាច់ជើងមនុស្សយ៉ាងងាយបំផុតនោះ ។
លោកសៅ ប៊ុនអធិការដ្ឋាននគបាលស្រុកម៉ាឡៃ បានចុះទៅដល់កន្លែងកើតហេតុភ្លាមៗដោយ
បានអះអាងថា ជនរងគ្រោះមានឈ្មោះភិន សោភណ័ ភេទប្រុស អាយុ២៦ឆ្នាំ មានមុខរបរជា
អ្នកស្រែចំការ រស់នៅភូមិឃុំកើតហេតុខាងលើនោះ លោកសៅ ប៊ុនបានបញ្ជាក់ទៀតថា មុន
ពេលកើតហេតុជនរងគ្រោះបានធ្វើដំណើរចេញពីភូមិរបស់ខ្លួនក្នុងទិសដៅពីជើងទៅត្បូង ដោយបំរុងទៅច្រកអូរព្រំដែនកម្ពុជាថៃ លុះទៅផុតភូមិចម្ងាយ១០០ម៉ែត្រប៉ុណ្ណោះ ហើយកង់
ក្រោយនៃម៉ូតូរបស់ជនរងគ្រោះ បានជាន់ចំកណ្តាលគ្រាប់មីនដែលគេបង្កប់ចោលសល់ពី
សង្គ្រាមនាសម័យរបបកម្ពុជាប្រជាធិបតេយ្យកន្លងទៅ លោកបានបន្តទៀតថា ជនរងគ្រោះពិត
ជាមានសំណាងល្អណាស់ដោយអំបែងគ្រាប់មិនបានជះមកលើខ្លួនបង្កអោយមានគ្រោះថ្នាក់
នោះឡើយ នេះជាភ័ព្វសំណាងដែលកម្រមានគឺភាគច្រើនជនណាក៏ដោយអោយតែបានជាន់
គ្រាប់មីនប្រភេទតូចឬធំ គឺតែងតែជួបការងរបួសឬស្លាប់ជាមិនខាន ដោយឡែកបុរសដែល
ជួបគ្រោះថ្នាក់គ្រាប់មីននោះបានរួចផុតពីការផ្ទុះគ្រាប់មីននោះទាំងស្រុងហើយ ឯម៉ូតូរបស់
ជនរងគ្រោះប៉ែកខាងក្រោយត្រូវបានខួចខាតទាំងស្រុងហើយប៉ូលិសក៏បានប្រគល់ម៉ូតូទៅអោយម្ចាស់ដើមយកទៅជួសជុលវិញហើយ ក្នុងនោះដែរលោកអធីការបានសំណូមពរទៅដល់ប្រ
ជាពលរដ្ឋធ្វើដំណើរថ្មើជើងរឺតាមរថយន្តរឺម៉ូតូតាមបណ្តោយខ្សែរបន្ទាត់ព្រំដែនកម្ពុជាថៃ សូម
អោយមានការប្រុងប្រយត័ខ្ពស់បំផុតដោយខ្លួនឯងខ្លះៗផង៕
