សៀមរាប : ជនសង្ស័យ២នាក់ប្តីប្រព័ន្ឋពាក់ព័ន្ឋករណីគឿងញៀនដ៏សកម្មនៅ ក្នុងក្រុងសៀមរាបត្រូវបាន សមត្ថកិច្ចប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបសហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំ ធ្វើការតាមដានស្រាវជ្រាវនិងឈានដល់
ការចាប់ឃាត់ខ្លួនជនសង្ស័យទាំង២នាក់ រួចបញ្ជូន មកកាន់ការិយាល័យនគរបាលជំនាញដើម្បីធ្វើការសួរនាំជាប់ពាក់ព័ន្ធក្នុងករណីប្រើប្រាស់ ចាត់ចែងអោយប្រើប្រាស់និងជួញដូរគ្រឿងញៀនខុសច្បាប់ ។លោកវរសេនីយ៍ទោ អ៊ុំ សាអាត បានឲ្យដឹងថាដោយអនុវត្តជាប្រចាំតាមការយកចិត្តទុកដាក់ខ្ពស់ពីសំណាក់លោក ឩត្តមសេនីយ៍ទោ សត ណាឌីស្នងការនគរបាលខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពខ្ពស់ ។
ជាក់ស្តែង កាលពីវេលាម៉ោង១២និង៣០នៅថ្ងៃទី១៦ដល់ថ្ងៃទី១៧ខែតុលា ឆ្នាំ២០១៤ កន្លងទៅកម្លាំងការិយាល័យជំនាញរបស់លោកបានសហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំ បានធ្វើការតាមដានស្រាវជ្រាវនិងឈានដល់ការបង្ក្រាបចាប់ឃាត់ខ្លួនជនសង្ស័យ ទាំង២នាក់មានឈ្មោះសនកញ្ញាហៅបញ្ញាភេទប្រុសអាយុ២៤ឆ្នាំជាប្តីប្រព័ន្ឋឈ្មោះមុននាថភេទស្រីអាយុ២៥ឆ្នាំនាក់ទាំងពីររស់នៅក្នុងភូមិសង្កាត់ ខាងលើដោយសមត្ថកិច្ចបានរកឃើញនិងធ្វើការដកហូតបាននូវវត្ថុតាងមួយចំនួនពីជនសង្ស័យរួមមានម៉ាទឹកកក ១ កញ្ចប់ និង ឩបករណ៍ច្នៃជក់គ្រឿងញៀនខុសច្បាប់មួយចំនួនធំទៀត ។
បន្ទាប់ពីសមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យនិងធ្វើការដកហូតបាននូវវត្ថុតាងទាំងអស់នេះហើយនោះនៅមុខសមត្ថកិច្ចជនសង្ស័យបានឆ្លើយសារភាពថាពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែន។បច្ចុប្បន្នជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបនៅរសៀល ថ្ងៃទី១៧ខែតុលា ឆ្នាំ២០១៤នេះដើម្បីចំណាត់ការទៅតាមនិតិវិធីបន្ត ៕
កែតំម្រូវរួចយកលើកទី២វិញ។ដោយ ដោយគឿនវ៉េត
