មន្ដ្រីកូរ៉េខាងត្បូងបានប្រកាសឱ្យដឹង ថា យ៉ាងហោចណាស់ក៏មានមនុស្ស១៦ នាក់ស្លាប់ និង១១នាក់រងរបួសដោយ សារតែការបាក់ប្រព័ន្ធស្រូបខ្យល់បរិសុទ្ធ នៅក្នុងរោងមហោស្រពចំពេលដែល កំពុងសម្ដែង និងច្រៀងចម្រៀងប៉ុប យ៉ាងគគ្រឹកគគ្រេង ។ ហេតុការណ៍កើតឡើងនៅវេលា ម៉ោង១៧
និង៥៣នាទី ថ្ងៃទី១៧ ខែតុលា ឆ្នាំ២០១៤ ម៉ោង នៅក្នុងតំបន់ ស្ថិតនៅ Pangyo Techno Valley សម្រាប់ បណ្ដាក្រុម ហ៊ុនបច្ចេក វិទ្យា ក្នុង ក្រុង Seongnam ខេត្ដ Gyeonggi ភាគ អាគ្នេយ៍ទីក្រុងសេអ៊ូល ។ នៅពេលមាន គ្រោះថ្នាក់កើតឡើង មានក្រុមអ្នក ស្រឡាញ់ចូលចិត្ដចំរៀងប្រមាណ៧០០ នាក់ចូលរួមដែលរៀបចំឡើងដោយ មន្ដ្រីក្នុងតំបន់ ។
មន្ដ្រីទទួលខុសត្រូវបានឱ្យដឹងថា ទស្សនិកជនដែលចូលរួមទស្សនានោះ អាចឈរនៅលើ ប្រព័ន្ធស្រូបខ្យល់បរិសុទ្ធ ដែលអាចមើលបានច្បាស់ ។ ដោយ មានចំនួនអ្នកឈរ នៅ លើទី នោះច្រើន ពេក ទើបបាក់ស្រុតធ្លាក់ចុះក្រោម កម្ពស់ប្រមាណ១០ម៉ែត្រ ។ មន្ដ្រីក្នុងតំបន់បានឱ្យដឹងថា មនុស្ស ១២នាក់ស្លាប់ភ្លាមៗនៅនឹងកន្លែង និង ២នាក់ស្លាប់ ពេល បញ្ជូនទៅកាន់មន្ទីរ ពេទ្យ និង២នាក់ទៀតស្លាប់ក្នុងពេលគ្រូ ពេទ្យកំពុងខិតខំ ជួយសង្គ្រោះ ។ 
ចំណែក អ្នករងរបួស ក៏បានបញ្ជូនទៅព្យាបាល នៅមន្ទីរពេទ្យក្បែរៗនោះ ។ ដល់វេលាម៉ោង២០និង៣០នាទី ម៉ោងនៅក្នុងតំបន់ ប៉ូលិសបានស្គាល់ អត្ដសញ្ញាណជន រងគ្រោះ២នាក់ ចំណែក អ្នកដទៃទៀតមិនទាន់រកឃើញនៅ ឡើយ។ នៅក្នុងពិធីប្រ គំតន្ដ្រីនោះមាន តារាល្បីល្បីកូរ៉េជាច្រើនចូលរួម ក្នុង នោះមានទាំងក្រុមតារាចំរៀងស្រី 4 Minute ផង 9
