សៀមរាប ៖ កាលពីពេលថ្មីៗកន្លងទៅនេះ ឯកឧត្តម គឹម ឆៃហៀង អភិបាលរងខេត្តសៀមរាប និង លោក ភួង លីណា ប្រធានមន្ទីរបរិស្ថានខេត្តសៀមរាប បានដឹកនាំកំលាំងមន្ត្រីបរិស្ថានដែនជំរកសត្វព្រៃបឹងពែរ ចុះទៅពិនិត្យឈើដែលជនល្មើសបានកាប់បំផ្លាញ នឹងដឹកជញ្ជូនយកមកស្តុបលាក់ទុកនៅចំណុចត្រាចទេ ក្នុងភូមិសាស្ត្រឃុំខ្វាវ ស្រុកជីក្រែងចំនួន១៨៤ដុំជាប្រភេទឈើចក្រំរងចាំដល់ពេលទឹកស្រកនិងដឹកជញ្ជូនបន្តមកលក់ឲ្យក្រុមសិប្បកម្មកែរឆ្នៃក្នុងស្រុកជីក្រែង។
តាមប្រភពព័ត៌មានពីលោក គង់ សុគន្ធា ប្រធានស្នាក់ការបរិស្ថានខ្វាវបានឲ្យដឹងថា៖ ឈើទាំងអស់នេះភាគច្រើនដឹកជញ្ជូនចេញពីទឹកដីខេត្តព្រះវិហារ ឆ្លងកាត់តំបន់បឹងពែរ សៀមរាប។ លោកបានបន្តទៀតថា កាលពីថ្ងៃទី០៦ខែតុលាឆ្នាំ២០១៤កន្លងទៅ កំលាំងរបស់លោកបានចុះល្បាត ហើយបានឃើញជនល្មើសដឹកឈើយកមកស្តុបលាក់ទុកក្នុងតំបន់ ហើយលោកបានរាយការណ៏ជូនលោកនាយកដែន លោកនាយកដែនក៏បានរាយការជូនលោកប្រធានមន្ទីរបរិស្ថានខេត្តសៀមរាបផងដែរ។
នៅថ្ងៃទី០៩ខែតុលាឆ្នាំ២០១៤ លោកប្រធានមន្ទីរបរិស្ថានខេត្ត បានដឹកនាំកំលាំងចុះផ្ទាល់មកធ្វើការរាប់ចំនួនឈើ នឹងធ្វើកំណត់ហេតុដកហូតឈើរបស់ជនល្មើសដែលរក្សាទុកនៅកន្លែងដ៏ដែលរង់ចាំទឹកស្រក់ នឹងដឹកជញ្ជូនយកមករក្សាទុកនូវស្នាក់ការបរិស្ថានស្រោង។
រហូតមកដល់ថ្ងៃទី១៦តុលានេះ ឯកឧត្ត គឹម ឆៃហៀង អភិបាលរងខេត្ត ទទួលបន្ទុកបរិស្ថាន នឹង ជាតំណាងដ៏ខ្ពង់ខ្ពស់របស់ឯកឧត្តម ឃឹម ប៊ុនសុង អភិបាលខេត្តសៀមរាប បានចុះមក
ពិនិត្យផ្ទាល់ ហើយលោកបានសំណូមពរឲ្យលោក ភួង លីណា ប្រធានមន្ទីរបរិស្ថានខេត្ត ចាត់កំលាំងមន្ត្រីក្នុងដែនយាមកាមឲ្យបានតឹងរឹង ខ្លាចជនល្មើសលួចដឹកជញ្ជូនទៅលាក់កន្លែងផ្សេងទៀត ព្រោះក្នុងពេលនេះយើងមិនទាន់អាចដឹកជញ្ជូនបានទេ។ ក្រោយពីការត្រួតពិនិត្យឈើរួចលោកភួង លីណាប្រធានមន្ទីបរិស្ថានខេត្តបាននាំឯកឧត្តមគឹម ឆៃហៀងទៅមើលប្រាសាទបុរាណបឹងសរសរវៀច និង វត្ត ព្រះវិហ៊ារដែលប្រជាពលរដ្ឋបានកសាងក្នុងតំបន់នោះផងដែរ។
ក្នុងពេលចុះល្បាតពិនិត្យព្រៃក្នុងតំបន់បឹងពែរក្នុងថ្ងៃនោះ កំលាំងយើងបានជួបប្រទះជនល្មើសលួចដឹកឈើចេញពីក្នុងតំបន់ចំនួន០២រទេះជាប្រភេទឈើកកោះ ពេលនោះកំលាំងយើងបានចាប់បញ្ជូនយកមករក្សាទុកនៅស្នាក់ការបរិស្ថានស្រោង។រីឯរទេះ និង គោមន្ត្រីបរិស្ថានឲ្យម្ចាស់ធ្វើកិច្ចសន្យាបញ្ឈប់ប្រព្រឹត្តបទល្មើសដឹកជញ្ជូនឈើក្នុងតំបន់បន្តទៀត ។()
