សៀមរាប៖. នៅថ្ងៃទី១៩ខែតុលាឆ្នាំ២០១៤វេលាម៉ោង១០និង៣០នាទីយប់ លោក គង់ សុគន្ធា ប្រធានស្នាក់ការបរិស្ថានឃុំ ខ្វាវ បានដឹកនាំកម្លាំងមន្ត្រីក្រោមឳវាទ បង្ក្រាបបានរទេះដឹកឈើ លេខ២ ចំនួន ៤គ្រឿង ស្ថិតនៅចុងខាងត្បូងភូមិខ្វាវ ឃុំខ្វាវស្រុកជីក្រែង ខេត្តសៀមរាប។
សកម្មភាពការដឹកជញ្ជូនបទល្មើសព្រៃឈើ បានធ្វើសកម្មភាព យ៉ាងគគ្រឹកគ្រេង ពីសំណាក់ ឈ្មួញមួយចំនួន ដែលបានឃុបឃិតគ្នាជាមួយ សមត្ថកិច្ចជំនាញ បើកភ្លើងខៀវដឹកជញ្ជូនបទល្មើសព្រៃឈើ ចេញពីដែន ព្រៃរក្សាទុកជាអចិន្ត្រៃរបស់រដ្ឋ ក្នុងនោះត្រូវបានគេដឹងថា ការដឹកជញ្ជូនឈើដោយរលូននេះ ក៏ដោយសារតែមានសញ្ញាភ្លើងខៀវពីសំណាក់មេព្រៃសង្កាត់ខ្វាវ ។
ប្រភពត៌មានច្បាស់ការណ៍ បានឲ្យដឹងថា មានការដឹកបទល្មើសដឹកឈើចំនួន៤រទេះ ចេញពីដែនជំរកសត្វព្រៃបឹងពេ ឆ្លងកាត់ឃុំខ្វាវ មកដាក់តាមដេប៉ូឈើ នៅស្រុកសូទ្រនិគមន៍ ជារៀងរាល់ថ្ងៃ តែពុំត្រូវបានសមត្ថកិច្ច ណាចេញមុខបង្ក្រាបនោះទេ ទើបតែពេលនេះ លោកគង់ សុគន្ធា បានដឹកនាំកំលាំងមន្ត្រីចំនួន៣នាក់ចុះទៅស្ទាក់ចាប់ បទល្មើសដឹកជញ្ជូនឈើដោយខុសច្បាប់ នៅខាងក្រោយសាលាឃុំខ្វាវហើយចាប់បានរទេះដឹកឈើទាំង៤គ្រឿង តាមការបញ្ជារបស់លោក ពៅ ជុំ នាយកដែនជុំរកសត្វព្រៃបឹងពែរ ក្រោយមក រទេះដឹកឈើខុសច្បាប់ទាំង៤គ្រឿង ត្រូវបានបញ្ជូនមកកាន់ទីស្នាក់ការបរិស្ថាន ដើម្បីរក្សាទុក ។
ក្រោយពីធ្វើកំណត់ហេតុ ជនសង្ស័យត្រូវបានគេស្គាល់ឈ្មោះ ទី១.ឈ្មោះឈឿង ឆុតភេទប្រុសអាយុ២៦ឆ្នាំ២.ឈ្មោះឆេង រិត ភេទប្រុសអាយុ៣០ឆ្នាំ .៣.ឈ្មោះឈឿង ឆមភេទប្រុសអាយុ៣០ឆ្នាំ.៤.ឈ្មោះហៃ ថេង ភេទប្រុសអយុ១៨ឆ្នៃ អ្នកទាំង៤នាក់មានទីលំនៅភូមិពោធិរីង ឃុំខ្វាវ ស្រុកជីក្រែង ខេត្តសៀមរាប ឈើទាំង៤រទេះមានចំនួន៤.៥២០ម៉ែត្រការ៉េ ។
តាមការឲ្យដឹងពីលោកឆេង រិត នឹង លោក ឈឿន ឆុត ដែលជាម្ចាស់រទេះឈើបានឲ្យអ្នកពត៌មានដឹងថា ការដឹកជញ្ជូនឈើនេះពួកលោកបានធ្វើការទំនាក់ទំនងជាមួយមន្ត្រីរដ្ឋបាលព្រៃឈើសង្កាត់ខ្វាវរួចហើយទើបលោកហ៊ានដឹកចេញ ខ្ញុំមិនដឹងជាមានជំនាញខាងណាទៀតទេ គួណាតែខាងរដ្ឋបាលព្រៃឈើប្រាប់ពួកខ្ញុំ ព្រោះពួកខ្ញុំបានបង់ថ្លៃសេវាផ្លូវក្នុង៤រទេះគេយក១២.០០០០រៀលរួចហើយ តែមិនទទួលខុសត្រូវ ម្នាក់អ្នកចាប់ ម្នាក់អ្នកយកលុយ ។
ពាក់ព័ន្ឋនិងការចោទប្រកាន់នេះ បញ្ហានេះអ្នកពត៌មានយើងបានសុំជួបសម្ភៀសតាមទូរស័ព្ទជាមួយលោកកោះ គាន ដែលជាអ្នកចាំថ្នាលបណ្តុះកូនឈើសង្កាត់ខ្វាវ និងជាអ្នកទទួលលុយលោកបានឆ្លើយថាលោកយកសំរាប់តែអង្គភាពរបស់លោកទេក្នុងតំលៃ ១២ម៉ឺនរៀលក្នុងមួយរទេះនោះ រីឯអង្គភាពផ្សេងទៀតដោះស្រាយខ្លួនឯងចុះ។ ដោយ ព្រុំ សុខា
