សៀមរាប៖ អ្នកជិះម៉ូតូចំនួនពីរនាក់ម្នាក់បានស្លាប់ម្នាក់ទៀតរងរបួសក្នុងហេតុការណ៍គ្រោះថ្នាក់ចរាចរណ៍ដោយខ្លួនឯង។
ហេតុការណ៍បានកើតឡើនៅវេលាម៉ោង១៨.០០នាទីថ្ងៃទី១៩ម្សិលមិញនេះ ខែមេសា ឆ្នាំ២០២៤ ស្ថិតនៅចំណុចភូមិថ្នល់ ឃុំចារឈូក ស្រុកអង្គរជុំ។
ជនរងគ្រោះឈ្មោះ ឈឿម ឈីន ភេទប្រុស អាយុ២៦ឆ្នាំ រស់នៅភូមិឫស្សីតូច ឃុំស្វាយស ស្រុកវ៉ារិន (ស្លាប់នៅកន្លែងកើតហេតុ) ម៉ូតូម៉ាកហុងដា សេរីឆ្នាំ២០២២ ពណ៌ខ្មៅ ពាក់ផ្លាក
លេខ សៀមរាប 1AM-5333 អ្នករួមដំណើរជាមួយឈ្មោះ ជា ឈិត ភេទប្រុស អាយុ១៩ឆ្នាំ របួស រស់នៅភូមិគោកគ្រួស ឃុំវ៉ារិន ស្រុកវ៉ារិន។
ករណីនេះតាមការសន្និដ្ឋានបឋម មូលហេតុ៖ អ្នកបើកបរ និងអ្នករួមដំណើរ បើកបរក្នុងស្ថានភាពស្រវឹង បុកបង្គលសេវ៉ាអិនធើណេត។
សមត្ថកិច្ចបានប្រគល់សាកសពអោយគ្រួសារយកទៅធ្វើបុណ្យតាមប្រពៃណីយ៍ ចំណែកម៉ូតូយកមករក្សាទុកនៅអធិការនគរបាលស្រុកអង្គរជុំ៕
