ខេត្តបន្ទាយមានជ័យ៖
មន្ត្រីកាំកុងត្រូលសាខាខេត្តបន្ទាយមានជ័យបានប្រមូលទំនិញខូចគុណភាពចម្រុះមានចំនួន២៣៩០គីឡូក្រាមយកមកដុតកម្ទេចចោលបន្ទាប់ពីមានការបញ្ជាផ្ទាល់ពីលោកអ៊ុត សុភាពប្រធានការិយាកាំកុងត្រូលសាខាខេត្តបន្ទាយមានជ័យ ។ ការដុតកម្ទេចទំនិញខូចគុណភាពនោះគឺស្ថិត នៅត្រង់ដីបរិវេណកាស៊ីណូផ្កាយ៥ នៅវេលាម៉ោង ១១និងង២០នាទីព្រឹក ថ្ងៃទី២២ខែតុលា ឆ្នាំ២០១៤ ស្ថិតនៅភូមិក្បាលស្ពាន សង្កាត់-ក្រុងប៉ោយប៉ែត ខេត្តបន្ទាយមានជ័យ ។ លោក អ៊ុតសុភាព ប្រធានការិយាល័យកាំកុងត្រូលសាខាខេត្តបន្ទាយមានជ័យ បានថ្លែងឲ្យ
ដឹងថា ក្រោយបង្ក្រាប និងឃាត់ទុករយះពេល៩ខែ ចំពោះទំនិញដែលខូចគុណភាពនោះ គឺឃាត់ពីឈ្មួញនាំយកពីប្រទេសថៃ តាមច្រកទ្វាអន្តរជាតិនិងច្រកខ្លងលឹកស្រុកអារញ្ញ និងចំនួនច្រើនទៀតមន្ត្រីកាំកុងត្រូលបានចុះធ្វើការណែនាំ និងឃាត់យកមកតាមទីផ្សារ តាមតូប និងតាមហាងធំៗ ដែលសុទ្ធសឹងខូចគុណភាព ក្រុមការងារ របស់លោកដោយមានការណែនាំ ពី
សំណាក់រដ្ឋមន្ត្រី ក្រសួងពាណិជ្ជកម្ម បានប្រមូលមកដុតកម្ទេចចោលទាំងស្រុងដូច្នេះ ។ លោកអ៊ុត សុភាព បានថ្លែងបន្តថា ទំនិញដែលមន្ត្រីឃាត់បាននៅត្រង់ច្រកទ្វារអន្តរជាតិនោះរួមមាន កម្ទេចនំ ឡេខូចគុណភាព ទឹកខ្ទឹមគ្មានស្លាកសញ្ញាត្រឹមត្រូវ ស្កគ្រាប់គ្មានស្លាកសញ្ញា ត្រីខ ឡេគ្មានស្លាកសញ្ញាធំៗទឹកខ្មេះ ទឹកស៊ីរ៉ូ ត្រណាប់កន្ទួត ត្រីខ កំប៉ុងតូចស្មើ និង២៣៩០គីឡូក្រាម។
ក្រោយពីធ្វើការកំទេចចោលទំនិញដែលខូចគុណភាពរួចមក លោកបានអំពាវនាដល់ប្រជាពលរដ្ឋ និងអាជីករ ឈ្មួញទាំងអស់មេត្តាចូលរួមសហការណ៍ជាមួយសមត្ថកិច្ចជំនាញ ដើម្បីជៀសវាងការគ្រោះថ្នាក់ដល់សុខភាព និងអាយុជីវិតដល់ប្រជាពលរដ្ឋ មិនត្រូវបរិភោគ របស់ដែលខូចគុណភាព ដែលត្រូវបានឈ្មួញលួចនាំចូលពីប្រទេសថៃ ធ្វើឲ្យប៉ះពាល់ដល់សុខភាពយ៉ាងធ្ងន់ធ្ងរខ្លាំងណាស់៕
