ក្រុងប៉ោយប៉ែត៖
ទំនិញជាគ្រឿងបរិភោគខូចគុណភាពជាង២តោន ត្រូវបានមន្ត្រីកាំកុងត្រូលប្រមូលយកទៅដុត
ចោលភ្លាមៗបន្ទាប់ពីរកឃើញគ្រឿងទំនិញដែលជាអាហារបរិភោគត្រូវបានឈ្មួញលួចបង្កប់តាមរទេះអូសចេញពីប្រទេសថៃ ហើយយកមកលក់បែបអាណាធិបតេយ្យតាមផ្សារនានាក្នុង
ក្រុងប៉ោយប៉ែត និងលក់បោះដុំឈ្មួញតូចធំនៅក្នុងខេត្តបន្ទាយមានជ័យទៀតផង ហើយក៏ត្រូវ
មន្ត្រីខាងលើស្ទាក់ចាប់បានតែម្តង។
ជារឿយៗគេតែងតែសង្គេតឃើញមានការលួចនាំចូលរាល់ទំនិញដែលជាគ្រឿងបរិភោគផ្សេងៗដូចជា មាន់ ស្ករគ្រាប់ ទឹកក្រូច ទឹកខ្ទឹមជ្រក់ ត្រីខ នំចម្រុះ តំណាប់កន្ទួត ស្រាបៀរកំប៉ុង ប្រហិត ឡេលាបខ្លួន ឡេគ្មានស្លាកសញ្ញា ទឹកខ្មះ និងប្រេងឆា ជាដើម វុត្ថុទាំងនេះត្រូវបានគេ
រកឃើញថា គឺខូចគុណភាពទាំងអស់ ដែលកន្លងទៅប្រជាពលរដ្ឋមួយចំនួនធំ មិនបានពិចារ
ណាហើយក៏ទិញយកទៅបរិភោគបង្កអោយប៉ះពាល់ដល់សុខភាពធ្ងន់ធ្ងរទៀតផង ។
គួរំលឹកដែលថា ការពីល្ងាចថ្ងៃទី២១ ខែតុលា ឆ្នាំ២០១៤ គេបានសម្គល់ឃើញមន្ត្រីកាំកុងត្រូល
ច្រកទ្វារអន្តរជាតិប៉ោយប៉ែត បានធ្វើសកម្មភាពប្រមូលទំនិញជាគ្រឿងបរិភោគខូចគុណភាព
ពីឃ្លាំងនិងទំនិញដែលចាប់បានថ្មីៗនៅក្នុងរទេះអូសត្រង់ចំណុចច្រកទ្វារអន្តរជាតិប៉ោយប៉ែត
យកទៅដុតបំផ្លាញចោលទាំងស្រុងតែម្តង ។
តាមការលើកឡើងរបស់លោកអ៊ុត សុភាពប្រធានស្នាក់ការកាំកុងត្រូលច្រកទ្វារអន្តរជាតិ
ប៉ោយប៉ែតបានអោយដឹងថា រាល់ទំនិញដែលលោកបានប្រមូលយកមកដុតនេះ មានមួយ
ចំនួនកម្លាំងបានធ្វើសកម្មភាពឆែកឆេរត្រួតពិនិត្យក្នុងទីផ្សារតូចធំ នៅប៉ោយប៉ែត និងនៅ
បន្ទាយមានជ័យ ហើយក៏បានប្រទេះឃើញមានគ្រឿងបរិភោគមួយចំនួនធំដូចបានរៀបរាប់
ខាងលើពីក្រុមអាជីវករហលយដកយកមករក្សាទុកនៅក្នុងឃ្លាំង លោកបានបញ្ជាក់ទៀតថា ក្រៅពីមានការត្រួតពិនិត្យតាមទីផ្សាររួចកម្លាំងក៏បានត្រួតពិនិត្យតាមរទេះអូសតូចធំនៅច្រកទ្វារអន្តរជាតិប៉ោយប៉ែតជាប្រចាំ ហើយក៏បានដកហូតរាល់ទំនិញដែលបានបង្កប់នៅក្នុងរទេះ
អូសជាបន្តបន្ទាប់ផងដែរ ក្នុងនោះដែរលោកបានសំណូមពរ ទៅដល់អាជីវកររួមទាំងប្រជាពល
រដ្ឋដែលទិញគ្រឿងបរិភោគមេត្តាចូលរួមត្រួតពិនិត្យទំនិញដែលខ្លួនត្រូវទិញយកទៅទទួលទាន
អោយបានច្បាស់លាស់មុននិងទទួលទាននោះជះវាងដល់ការប៉ះពាល់សុខភាពដល់ខ្លួនទៀត
ផង៕
