កំពង់ឆ្នាំង៖ស្ត្រីភូតភរកើតកូនពង និងចិញ្ចៀន បានព្រមចាកចេញពីវត្តទៅកាន់លំនៅដ្ឋានវិញទាំងក្តីមួរហ្មងយ៉ាងខ្លាំង កាលពីម៉ោង៤និង៣០ល្ងាចថ្ងៃទី២០ ខែតុលា ឆ្នាំ២០១៤ ដោយព្រះសង្ឃមួយអង្គដែលគង់ក្នុងវត្តនេះព្យាយាមរារាំងការបណ្តេញចេញនេះពីអាជ្ញាអរលែងបាន។ ជំនឿមិនមិនគួរអោយជឿព្រោះតែស្ត្រីម្នាក់នេះបានអះអាងថាកើតកូនមកជាពង និងជាចិញ្ចៀនបានស្នាក់នៅក្នុងវត្ត ធ្វើអោយមានការភ្ញាក់ផ្អើល៣ទៅ៤ នាំអោយប៉ះពាល់ដល់វិស័យព្រះពុទ្ឋសាសនា ធ្វើអោយព្រះអនុគណស្រុក លោកអភិបាលស្រុក និងមន្ត្រីធម្មការស្រុកបរិបូរណ៌ ជាច្រើនរូបបានទៅប្រជុំ ក្នុងវត្តព្រះឥន្ទកោសី ហៅវត្ត ដំរី កាលពីថ្ងៃទី១៨ ខែតុលា វត្តនេះស្ថិតក្នុងភូមិព្រៃព្រាល ឃុំអញ្ចាញរូង ស្រុកបរិបូរណ៌ ដើម្បីបណ្តេញអោយស្ត្រីរូបនោះចេញពីវត្ត។
សូមបញ្ជាក់ថាៈ កាលពីព្រឹកថ្ងៃទី១៨ ខែតុលា ឆ្នាំ២០១៤មានការប្រជុំដើម្បីសុំអោយស្ត្រីនោះចេញពីវត្ត ព្រះអនុគណស្រុកបរិបូរណ៌ ព្រះនាម អៀង សារឿន បានមានសង្ឃដិការថា៖ក្នុងនាមអាត្មាជាមន្ត្រីសង្ឃស្រុក អាត្មាសុំបិណ្យបាត ញោមស្រី ជា អ៊ីត អាយុ៤២ឆ្នាំ ដែលបានមកស្នាក់ នៅ ក្នុងវត្តព្រះឥន្ទកោសី ហៅវត្តដំរីកូននេះ ដែលបានអះអាងថា៖បានកើតកូនមកជាពងជាចិញ្ចៀននោះ អោយអញ្ជើញវិលត្រឡប់ទៅលំនៅដា្ឋនវិញ ព្រោះថាការយកទី
អារាមធ្វើរបៀបនេះធ្វើអោយប៉ះ ពាល់ ដល់វិស័យព្រះពុទ្ឋសាសនាខ។ព្រោះថាទីអារាមគឺជាកន្លែងគោរពបូជាព្រះពុទ្ឋសាសនា មិនមែនធ្វើបែបនាំគ្នាមកគោរព ពងគោរពចិញ្ជៀនជាអ្នកមានបារមីតាមលទ្ឋិព្រហ្មញសាសនានោះទេ។ អាត្មាមិនបានហាមឃាត់រឿងមានជំនឿអីនោះទេ តែសូមតែម្យ៉ាងគឺសូមអញ្ជើញញោមស្រីនោះអោយចេញពីវត្តហើយបើមានបារម៉ីពូកែសាសិទ្ឋមែន ពេលទៅផ្ទះវិញក៏គង់តែគេទៅតាមរក ព្រោះផ្ទះញោមនៅមិនឆ្ងាយពីនេះប៉ុន្មានដែរ ។
ព្រះសង្ឃព្រះនាម យ៉ង់ វណ្ណាន ដែលគង់ក្នុងវត្តព្រះឥន្ទកោសី( វត្តមានលោកតែមួយអង្គនេះ) បានមានសង្ឃដិការថាៈ ការអោយស្ត្រីនោះចាកចេញ អាត្មាមិនហ៊ានហាមឃាត់ទេ តែអាត្មាក៏សុំបិណ្ឌបាត ដែរ គឺសុំអោយអោយញោមស្រី ជា អ៊ីត បានស្នាក់នៅក្រោយវត្តនេះវិញដែរ ដោយពេលនេះកំពុង ធ្វើផ្ទះមួយ ខ្នងអោយស្នាក់នៅហើយ។អស់លោកជាមន្ត្រីធម្មការ ជា
អាជ្ញាធរស្រុក នៅឆ្ងាយមិនដឹងទេ តែអាត្មា នៅទី នេះជាប់ជាមួយប្រជាពលរដ្ឋគឺបានដឹងច្បាស់ណាស់ពីអ្វីដែលជាសុខទុក្ខរបស់ប្រជាពលរដ្ឋ ហើយអស់ លោកមកថាដេញគឺដេញភ្លាម អញ្ចឹងគ្នារកកន្លែងនៅម៉េចទាន់ ម្យ៉ាងវិញទៀតក្នុងច្បាប់ព្រះពុទ្ឋ សា សនា ក៏មិនបានហាមឃាត់មិនអោយបុគ្គលណាមានជំនឿ អរូបិយបែបនេះដែរ ។
លោក ថាន់ សារុំ អភិបាលរងស្រុកបរិបូរណ៏ បានមានប្រសាសថា មិនមែនគេមិនអោយជឿនោះទេ ជឿអីក៏ជឿចុះ តែសុំអោយចាកចេញពីវត្ត ព្រោះវត្តជាកន្លែងសម្រាប់ពុទ្ឋបរិសទ័ មកគោរពបូជាព្រះពុទ្ឋសាសនា ហើយរឿងថាសុំអោយគាត់នៅក្រោយវត្ត ក៏មិនបានដែរ ព្រោះឆ្ងាយតែពីសាលាឆាន់ដែលគាត់កំពុងស្នាក់នៅប្រហែល៥០ម៉ែត្រប៉ុណ្ណោះ ដូចជាដូចទេ បើ
បានចេញហើយសុំអោយគាត់ទៅស្នាក់នៅទីណាដែលឆ្ងាយពីវត្ត ឬបើមិនអញ្ចឹងទៅផ្ទះគាត់ក៏ល្អដែរ។ បើមិនចេញតាមការ អញ្ជើញ របស់អាជ្ញាធរទេនោះ អាជ្ញាធរស្រុក និងខេត្ត នឹងមានវិធានការតាមផ្លូវច្បាប់ជាមិនខាន ។
ដោយសារតែមិនអាចប្រឆាំងនិងអាជ្ញាធរបាន នៅល្ងាចថ្ងែទី ២០ ខែ តុលានេះ គេឃើញស្ត្រីរូប នោះបានព្រមរើសម្ភារៈរបស់ខ្លួនវិលត្រឡប់ទៅលំនៅដ្ឋានវិញទាំងក្តីមួរហ្មងនិងខឹងយ៉ាងខ្លាំង ។
លោក ថាន់ សារុំ បាននិយាយថាៈ ព្រះសង្ឃដែលកំពុងគង្គនោះវត្តដំរីកូននេះ គឺទើបមកពីភ្នំពេញហើយ
មកស្នាក់នៅវត្តពន្លៃ បន្ទាប់មកសុំមកស្នាក់នីវត្តដំរីកូននេះតែជាង៣ខែមុនប៉ុណ្ណោះ ក៏ស្រាប់តែមានបញ្ហានេះឡើង។ពុទ្ឋបរិស័ទចំចុះជើងវត្តនិយាយថាៈវត្តមួយនេះអស់ចៅអធិការវត្ត៣អង្គគឺទី១សឹក ដោយខ្លួនឯង ទី២រៃអង្គាសបច្ច័យបានយកលុយទិញឡានជិៈផ្ទាល់ខ្លួន និងទី៣ រៃអង្គាសស្រូវបានយកទៅលក់ បានលុយជាង៦លានរៀល រត់ចោលវត្តបាត់តែម្តង៕ កំពង់ឆ្នាំង,ថ្ងៃទី២១.១០.២០១៤
