កំពង់ឆ្នាំង៖រថយន្តចំនួនចំនួន៧៥៧គ្រឿងដែលរដ្ឋបាលព្រៃឈើគ្រប់ខេត្តក្រុងទូរទាំងប្រ
ទេសបង្ក្រាបនិងដកហូតពីបទល្មើសព្រៃឈើពីឆ្នាំ២០០៤ដល់២០១១ ត្រូវបានក្រសួងកសិកម្មប្រកាសលក់ឡាយឡុងរួចហើយនៅថ្នាក់ជាតិ ក្នុងនោះរថយន្តចំនួន១៦គ្រឿងនៅក្នុងរដ្ឋបាលព្រៃឈើកំពង់ឆ្នាំងត្រូវអ្នកដេញថ្លៃបាន នាំគ្នាមកដឹកជញ្ជូនយកនៅល្ងាចថ្ងៃទី២១ ខែតុលាឆ្នាំ២០១៤នេះ។
លោក ថោង វីរ៉ាវុឌ្ឍី នាយរងខណ្ឌ័រដ្ឋបាលព្រៃឈើកំពង់ឆ្នាំងបាននិយាយអោយដឹង
នៅល្ងាចថ្ងៃទី២១ ខែតុលានេះថា៖យោងតាម ស ជ ណ លេខ១០៨៥ របស់ទីស្តីការគណៈ
រដ្ឋមន្ត្រី ក្រសួងកសិកម្មរុក្ខាប្រម៉ាញ់និងនេសាទ បានចេញប្រកាសលេខ ៤២៦ ប្រ ក . ក
ស ក ចុះថ្ងៃទី២៨ ខែសីហា ឆ្នាំ២០១៤ បានប្រកាសដាក់ដេញថ្លៃលក់ឡាយឡុង រថយន្តចំនួន៧៥៧គ្រឿងដែលសមត្ថកិច្ចរដ្ឋបាលព្រៃឈើនៅគ្រប់ខេត្តក្រុងបង្ក្រាបនិងដកហូតពី
បទល្មើសព្រៃឈើពីឆ្នាំ២០០៤ ដល់២០១១ ជំរះចេញពីបញ្ជីកត់ត្រា សារពើភណ្ឌ័របស់រដ្ឋ ក្រោយពីតុលាការបានប្រកាសសាលក្រមរឹបអូសយកជាសម្បត្តិរដ្ឋរួចមក។
ការប្រកាសដាក់អោយដេញថ្លៃរថយន្តជាសាធារណៈបានធ្វើនៅថ្នាក់ជាតិតាមនិតិវិធីកាលពីខែមុន ដោយមានអ្នកចុះឈ្មោះដេញថ្លៃចំនួន៤នាក់។ការដេញថ្លៃនោះបានទៅឈ្មោះ ម៉ា សុធី ក្នុងតម្លៃ ២៤៨.៩៥០.០០០រៀល (ពីររយសែបសិបប្រាំបីលានប្រាំបួនរយហាសិបពាន់រៀល ) ប៉ុន្តែការដាក់រថយន្តលក់ដេញថ្លៃគឺបានតែរថយន្តចំនួន៥៤៣គ្រឿងតែប៉ុណ្ណោះ ព្រោះរថយន្តចំនួន២១៤គ្រឿងទៀតពុកផុយរលួយត្រូវលក់អោយអេតចាយ។
ដោយឡែកក្នុងទូរលេខដាក់អោយដេញថ្លៃរថយន្តខាងលើ នៅក្នុងរដ្ឋបាលព្រៃឈើ
កំពង់ឆ្នាំងក៏មានរថយន្តចំនួន១៦គ្រឿងផងដែរ ហើយនៅល្ងាចថ្ងៃទី២១ ខែតុលានេះ អ្នកដេញថ្លៃបានៗនាំគ្នាមកដឹកជញ្ជូនយកចេញពីទីស្នាក់ការរដ្ឋបាលព្រៃឈើកំពង់ឆ្នាំង។
ប្រជាពលរដ្ឋក្នុងខេត្តកំពង់ឆ្នាំងក៏ដូចមន្ត្រីរដ្ឋបាលព្រៃឈើបាននិយាយថា៖ការដាក់
អោយដេញថ្លៃលក់ឡាយឡុងរថយន្តបទល្មើសខាងលើនេះ ក្រសួងសាម៉ីមានការយឺត
យ៉ាងខ្លាំងណាស់ គិតទៅចាប់បានតាំងពីឆ្នាំ២០០៤រហូតដល់ឆ្នាំ២០១៤មានរតះពេល១១
ឆ្នាំទើបមានការដាក់អោយដេញថ្លៃលក់ឡាយឡុង ធ្វើអោយរថយន្តចំនួន២១៤គ្រឿងពុក
ផុយខូចខាតបង់ថវិកាជាតិយ៉ាងច្រើន។
ទន្ទឹមនេះដែលរថយន្តដែលចាប់បាននៅសល់ពីឆ្នាំ២០១១មកឆ្នាំ២០១៤នេះ រក្សាទុកនៅក្នុងស្ថាបន័រដ្ឋបាលព្រៃឈើ មានរាប់រាប់ពាន់គ្រឿងទៀតនៅទូរទាំងប្រទេស និងមានរាប់រយគ្រឿងទៀតនៅក្នុងខេត្តកំពង់ឆ្នាំង បើក្រសួងមិនឆាប់ធ្វើការលក់ឡាយឡុងទៀតទេនោះ រថយន្តរាប់រយគ្រឿងនិងពុកផុយអស់ខាតបង់ថវិកាជាតិទៀតហើយ៕
កំពង់ឆ្នាំង,ថ្ងៃទី២២.១០.២០១៥
