ក្រសួងមហាផ្ទៃអ៊ីរ៉ាក់បានបញ្ជាក់ថា អ្នកបាត់បង់ជីវិតកើនដល់១០នាក់ និង អ្នករងរបួស៣១នាក់ បន្ទាប់ពីហេតុ ការណ៍វាយប្រហារគ្រាប់បែកអត្ដឃាត នៅព្រះវិហារសាសនាអ៊ិស្លាមរបស់ក្រុម និកាយស៊ីអ៊ីដ ស្ថិតនៅទីក្រុងបាដាដ អ៊ីរ៉ាក់ កាលពីថ្ងៃទី២០ ខែតុលា ឆ្នាំ២០១៤ ។
ប្រភពស៊ីនហួស្រង់ព័ត៌មានមិន បញ្ចេញឈ្មោះមកផ្សព្វផ្សាយថា ហេតុ ការណ៍បានកើតឡើងនៅវេលាយប់ខណៈ ដែលអ្នកកាន់សាសនាជួបជុំគ្នាបន់ស្រន់ ហើយស្រាប់តែមានការផ្ទុះ
គ្រាប់បែក តែម្ដង ។ ព្រះវិហារនេះឈ្មោះ al-Khairat របស់ក្រុមនិកាយស៊ីអ៊ីស ស្ថិត នៅទីប្រជុំជនក្រុងបាដាដ ។
ប្រភពបញ្ជាក់ថា រហូតមកដល់ ពេលនេះ អ្នកបាត់បង់ជីវិតកើន១០នាក់ និងអ្នករងរបួស៣១នាក់ ។
មានការវាយប្រហារផ្ទួនៗកើតឡើង នាពេលប៉ុន្មានថ្ងៃកន្លងទៅថ្មីៗនេះ នៅ ទីក្រុងបាដាដ ប្រទេសអ៊ីរ៉ាក់ ជាពិសេស ទីតាំងដែលមានអ្នកកាន់សាសនាអ៊ិស្លាម និកាយស៊ីអ៊ីដរស់នៅភាគច្រើន ។ ការ វាយប្រហារទាំងនោះបានបណ្ដាលឱ្យពល រដ្ឋអ៊ីរ៉ាក់បាត់បង់ជីវិត និងរងរបួសជា ច្រើននាក់ ។
អ៊ីរ៉ាក់ទទួលរងការញាំញីដោយអំពើ ហិង្សា និងការវាយប្រហារភេរវកម្ម ខ្លាំងជាងគេបំផុតនៅក្នុងឆ្នាំនេះ ។ អំពើ ហិង្សា និងការវាយប្រហារភេរវកម្មនៅ អ៊ីរ៉ាក់ ពាក់កណ្ដាលឆ្នាំ២០១៤ បណ្ដាល ឱ្យជនស៊ីវិល៥.៥៧៦នាក់បាត់បង់ជីវិត និងជាង១១.៦៦៦រងរបួស នេះបើតាម របាយការណ៍របស់អង្គការសហប្រជា ជាតិ 9
