មនុស្សចំនួន ១២០នាក់ នៅតែបន្ដស្ថិត នៅក្នុងបញ្ជីខ្មៅ ដែលត្រូវ តាមដាន និង ធ្វើ រោគវិន្និច្ឆ័យរកជំងឺ Ebola នៅក្នុងទីក្រុងដាឡាស់ នៃរដ្ឋតិចសាស់ ដែលជាមុខសញ្ញាសកម្ម នៃការរីករាលដាលធ្ងន់ធ្ងរ នៅតំបន់ភាគខាងត្បូងសហរដ្ឋអាម៉េរិក ខណៈ ដែលចំនួនមនុស្ស រាប់សិបនាក់ផ្សេងទៀតបានចាកចេញ ពីមន្ទីរពេទ្យ បន្ទាប់ពីធ្វើការតាមដានរយៈពេល ៣សប្ដាហ៍រួចមក។
ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី២១ ខែតុលា ឆ្នាំ២០១៤ នេះដោយយោង តាមការ អះអាងពីមន្ទីរសុខាភិបាលក្រុងដាឡាស់ បានចេញសេចក្ដីប្រកាសថា មានមនុស្ស ចំនួន ៤៣នាក់ដែលពួក គេបានប៉ះពាល់ដោយផ្ទាល់ជាមួយនឹងបុរសជាអ្នកជំងឺ Ebola ដែលបានស្លាប់ជាករណីដំបូងនៅអាម៉េរិក ។ ដោយសារតែករណីនេះ ក្រសួងសុខាភិបាល
បញ្ជាក់ថា ក្រុមមនុស្សដំបូងដែលបានប៉ះពាល់ទៅនឹង អ្នក ជំងឺ ដ៏កាចសាហាវ ថានៅក្នុង ប្រទេសរបស់ខ្លួន កំពុងស្ថិតនៅក្នុងសភាពគ្រោះថ្នាក់ ហើយត្រូវទទួល ការពិនិត្យជាបន្ទាន់។
ប្រភពពីក្រសួងខាងលើបានបន្ថែមទៀត បើទោះបីជាករណីជំងឺនេះហាក់មានសភាព ថមថយក្ដី ប៉ុន្ដែយើងនៅតែបន្ដខិតខំព្យាយាមបន្ថែមទៀតរហូតដល់ថ្ងៃទី០៧ ខែវិច្ឆិកា ខាងមុខ។
បច្ចុប្បន្ននេះ មនុស្ស ១២០នាក់ ខាងលើកំពុងស្ថិតនៅក្នុងបញ្ជីតាមដាននៅឡើយ ហើយ ចំនួន ៧៥នាក់ក្នុងចំណោមពួកគេ ដែលបាន ទទួលការពិនិត្យរួចរាល់ នឹងតម្រូវឲ្យ ចាកចេញ ពីមន្ទីរពេទ្យ នៅថ្ងៃទី០៧ ខែវិច្ឆិកា ដែលជាអំឡុងពេល តាម ដានជំងឺ Ebola រយៈពេល ២១ថ្ងៃយ៉ាងតិច ព្រោះនេះជាពេលកំណត់ នៃការវិវឌ្ឍជំងឺ Ebola។
មនុស្ស ១២០នាក់ដែលស្ថិតនៅក្នុងបញ្ជីតាមដាន ជាអ្នកដែលបានប៉ះពាល់ជាមួយនឹងស្ត្រី បុគ្គលិកផ្នែក សុខាភិបាលចំនួន ២នាក់ ដែលបានឆ្លងករណីជំងឺនេះនៅក្នុងប្រទេសរហូតមក ដល់បច្ចុប្បន្ន។ អ្នកជំងឺទាំងពីរនាក់នេះ បានឆ្លង ខណៈពេលដែលបានមើលការថែទាំបុរស អ្នកជំងឺដំបូងឈ្មោះ ឌុនខេន នោះត្រូវបានផ្លាស់ចេញពីមន្ទីរពេទ្យក្រុងដាឡាស់កាល ពីសប្ដាហ៍មុននេះ ទៅកាន់មន្ទីរពេទ្យរដ្ឋ ម៉ារីឡេន និងអាត្លង់តា ហើយដោយសារតែអ្នកទាំងពីរ មានសភាពជំងឺធ្ងន់ធ្ងរ៕
