(ខេត្តកំពង់ធំ)៖ នៅព្រឹកថ្ងៃទី២៤ ខែមិថុនា ឆ្នាំ២០២៤ នៅទីបញ្ជាការតំបន់ប្រតិបត្តិការសឹករងកំពង់ធំ ស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ បានដំណើរការផ្សព្វផ្សាយសភាពការណ៍ថ្មីៗ អំពីការអភិវឌ្ឍរីកចម្រើនរបស់ប្រទេសជាតិ ក្រោមការដឹកនាំប្រកបដោយភាពឈ្លាសវៃ នឹងម៉ឺងម៉ាត់ របស់សម្ដេចមហាបវរធិបតី ហ៊ុន
ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងប្រគល់ភារកិច្ច សំខាន់ៗមួយចំនួន ជូនដល់កងកម្លាំង ដែលពីធីផ្សព្វផ្សាយនេះបានប្រព្រឹត្តទៅស្ថិតក្រោមអធិបតីភាពឧត្តមសេនីយ៍ទោ សោម ស៊ុនមេបញ្ជាការតំបន់ប្រតិបត្តិការសឹករងកំពង់ធំ។
ឧត្តមសេនីយ៍ទោ សោម ស៊ុន បាន បានបញ្ជាក់ថា ក្រោមដំបូលសុខ សន្តិភាព ព្រះរាជាណាចក្រកម្ពុជាមានការអភិវឌ្ឍន៍រីកចម្រើនរុលេីគ្រប់វិស័យ មានដូចជាស្ពាន ថ្នល់ សាលារៀន មន្ទីរពេទ្យ រោងចក្រធំៗ និងរោងចក្រផលិតរថយន្តទំនើបៗ បម្រើឲ្យវិស័យសេដ្ឋកិច្ចជាតិ និងកំណើនការងារសម្រាប់ប្រជាជនកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ កម្ពុជា ហេីយគម្រោងស្ថាបនាព្រែកជីកហ្វូណនតេជោ និងបេីកការដ្ឋានស្ថាបនានៅថ្ងៃទី ៥ ខែសីហា ឆ្នាំ២០២៤ ខាងមុខនេះ ដើម្បីអភិវឌ្ឍន៍ប្រទេសជាតិ និងបម្រេីផលប្រយោជន៍របស់ប្រជាជនកម្ពុជា ។
នៅក្នុងឱកាសនេះ ឧត្តមសេនីយ៍ទោ សោម ស៊ុ ន បានដាក់បទបញ្ជា និងក្រើនរំលឹកដល់នាយទាហាន នាយទាហានរង និងពលទាហានទាំងអស់ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ត្រូវតែស្មោះត្រង់ដាច់ខាតចំពោះជាតិសាសនា ព្រះមហាក្សត្រ ការពារឲ្យបានបូរណភាពទឹកដី និងដាច់ខាតការពារឲ្យបានរាជរដ្ឋាភិបាលស្របច្បាប់ ដែលកើតឡើងពីការបោះឆ្នោត។ ជាមួយនេះផងដែរ មេបញ្ជាការតំបន់ប្រតិបត្តិការសឹករងកំពង់ធំ បានប្រគល់ភារកិច្ចសំខាន់ៗ មួយចំនួនជូនដល់កងកម្លាំងដែលត្រូវអនុវត្តចំពោះមុខ មានដូចជា ៖ ទី១ ត្រូវអនុវត្តឲ្យបានម៉ឺងម៉ាត់តាមបទបញ្ជារបស់សម្តេចប្រមុខរាជរដ្ឋារាជរដ្ឋាភិបាលកម្ពុជា និងបទបញ្ជារបស់ថ្នាក់ដឹកនាំគ្រប់លំដាប់ថ្នាក់ នៃកងយោធពលខេមរភូមិន្ទ ក្នុងកិច្ចសហប្រតិបត្តិការ បង្កាទប់ស្កាត់ និងបង្ក្រា បបទល្មើសធនធានធម្មជាតិ ក្ន្ងងភូមិសាស្ត្រខេត្តកំពង់ធំ ឲ្យទទួលបានជោគជ័យ ។ ទី២ ត្រូវបន្តរួមគ្នាចូលរួមអនុវត្តនូវគោលនយោបាយភូមិ.ឃុំ មានសុវត្ថិភាព និងត្រូវបន្តចូលរួមក្នុងការបម្រើអតីតយុទ្ធជន និងប្រជាជន ដែលមានជីវភាពលំបាកខ្ខះខាត ដើម្បីដោះស្រាយការលំបាកតាមលទ្ធភាព ដែលអាចធ្វើទៅបាន ជូនបងប្អូនឲ្យបានទាន់ពេលវេលា ។
នៅក្នុងឱកាសនេះផងដែរ នាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានប្រកាសគាំទ្រយ៉ាងពេញទំហឹង និងជាថ្មីម្ដងទៀតនូវគម្រោងស្ថាបនាព្រែកជីកហ្វូណនតេជោ ដែលជាព្រែកជីកប្រវត្តិសាស្ត្រ ដើម្បីបម្រើឱ្យវិស័យសេដ្ឋកិច្ចជាតិ និងផលប្រយោជន៍របស់ប្រជាជនកម្ពុជាទាំងមូល។ អត្ថបទតំបន់សឹករងកំពង់ធំ 
